Россиялик фазогир космосда 5 та сирли объектни видеога олди

1175
(Янгиланган 18:04 19.08.2020)
Россиялик фазогир Иван Вангнер қутб ёғдуси вақтида 5 дона номаълум объект парвозини тасвирга олди. Материал тадқиқот учун олимларга тақдим этилди.

ТОШКЕНТ, 19 авг — Sputnik. Халқаро космик станцияси бортида ишлаётган россиялик фазогир Иван Вангнер космосда номаълум объектларни тасвирга олди.

 У Антарктидада қутб ёғдусини суратга олган эди.

"Аммо видеода қутб ёғдусидан ташқари бошқача нарсани кўришингиз мумкин..." Тўққизинчи - ўн иккинчи сонияларда бешта жисм паралел йўналишда, бир-биридан бир хил масофада учиб чиқади", - деб ёзди Вагнер.

Бу нима бўлиши мумкин: метеоритлар, йўлдошлар ёки бошқа нарса.

"Бу ҳақда “Роскосмос" давлат корпорацияси раҳбариятига ахборот берилди. Материаллар таҳлил қилиш учун Россия Фанлар академиясининг Фазовий тадқиқотлар институтига топширилди", - деб қўшимча қилди фазогир.

1175
Президент США Дональд Трамп в Овальном кабинете Белого дома

Дональд Трампга заҳарли модда жўнатишда гумон қилинган шахс қўлга олинди

18
Аввалроқ CNN телеканали ўз манбасига таянган ҳолда Америка етакчисига заҳарли модда солинган мактуб жўнатилгани ҳақида хабар тарқатган эди.

ТОШКЕНТ, 21 сен — Sputnik. Канада ва АҚШ чегарасида АҚШ президенти Дональд Трампга рицин заҳарли моддаси солинган мактуб жўнатишда гумон қилинган шахс ушланди. Бу ҳақда NBC телеканали манбасига таянган ҳолда хабар бермоқда.

Аввалроқ мактуб Канададан жўнатилгани маълум қилинган эди.   

CNN телеканали, ўз навбатида, АҚШга киришга уринган ва заҳар жўнатишда гумон қилинишда аёл киши қўлга олинганини хабар қилмоқда. Аниқлик киритилишича, у қуролланган бўлган.

Бошқа тафсилотлар очиқланмаган.

19 сентябрь куни CNN телеканали ўз манбаларига таянган ҳолда Америка етакчисига заҳарли модда солинган мактуб жўнатилгани ҳақида хабар тарқатган эди.

Мактуб ичида ўта хавфли рицин моддаси бўлган. Кейинроқ ФҚБ заҳарли жўнатма ушлаб қолинганини тасдиқлаган.   

18
Теглар:
Дональд Трамп, АҚШ
Пассажиры в аэропорту Домодедово имени М. В. Ломоносова

Бир нечта мамлакат фуқаролари учун Россияга кириш тақиқи бекор қилинди

156
Беларусь, Қозоғистон, Қирғизистон ва Жанубий Корея фуқаролари Россияга ҳаво ўтказиш пунктлари орқали киришлари мумкин.

ТОШКЕНТ, 21 сен — Sputnik. Россия Беларусь, Қозоғистон, Қирғизистон ва Жанубий Корея билан мунтазам авиақатновларни тикламоқда. Тегишли қарорга Россия бош вазири Михаил Мишустин имзо чекди.

Юқорида кўрсатилган давлатлар фуқаролари Россияга ҳаво ўтказиш пунктлари орқали киришлари мумкин, россияликлар, ўз навбатида, ушбу мамлакатларга парвоз қилишлари мумкин.

Россия ҳукумати сайтида ёзилишича, рейслар ҳафтасига бир марта амалга оширилади. Самолётлар Нур-Султон (Қозоғистон), Бишкек (Қирғизистон), Минск (Беларусь) шаҳарларига парвоз қилади.

Жанубий Корея билан авиақатнов эса 27 сентябрдан қайта тикланади.

Шунингдек, Россия халқаро авиақатновлар тикланиши муносабати билан чет элдан фуқароларини чартер рейсларда олиб келиш дастурини тўхтатиб қўяди.

Эслатиб ўтамиз, аввалроқ Россия Беларусь, Қозоғистон, Қирғизистон ва Жанубий Корея билан мунтазам авиақатновларни тиклашга қарор қилгани ҳақида хабар қилинган эди.

156
Теглар:
авиапарвозлар, коронавирус, Жанубий Корея, Қирғизистон, Қозоғистон, Беларусь, Россия
Денежные купюры России и США

Валюта: доллар яна кўтарилди, рубл эса пастлади

4
(Янгиланган 12:29 21.09.2020)
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 20,28 сўмга кўтарилди.

ТОШКЕНТ, 21 сен — Sputnik. Марказий банк хорижий валюталарнинг сўмга нисбатан 22 сентябрдан бошлаб янги қийматини белгилади.

Доллар курси ўтган ҳафтага нисбатан 20,28 сўмга кўтарилиб, 10 315,62 сўм ташкил қилди.

Евро ҳам 15,78 сўмга ошди ва 12 210,60 сўмни ташкил қилди.

Россия рубли эса 1,37 сўмга пасайиб, 136,28 cўмни ташкил қилди.

4