Базовый тральщик БТ-115 Павел Хенов и сторожевой корабль проекта 22350 (фрегат) Адмирал флота Касатонов

Ҳарбий денгиз флоти "Шимолий оқим-2"ни қураётган кемаларни ўз ҳимоясига олди

680
(Янгиланган 18:40 19.08.2020)
Россия қувур ётқизувчи кемаларига ҳарбий денгиз флоти ҳамроҳлиги хорижий кемалар томонидан душманлик ҳаракатларининг олдини олишга имкон берди.

ТОШКЕНТ, 19 авг - Sputnik. Россия Ҳарбий-денгиз флоти (ҲДФ) кемалари "Шимолий оқим-2" қурилишига жалб қилинган қувур ётқизувчи кемалари ўтишини таъминлаб, хорижий флотлар томонидан провокацияларни олдини олишга имкон яратди, деб хабар берди Россия хавфсизлик кенгаши котиби ўринбосари Михаил Попов РИА Новости-га.

РФ ҲДФ кемалари бу йил баҳорида Владивостокдан Калининградга ўтган “Академик Черский” қувур ётқизувчиси ва “Остап Шеремет” ҳамда “Иван Осипенко” таъминот кемаларига ҳамроҳлик қилган. "Фортуна" қувур ётқизувчи кемаси Германияга июл ойида етиб келди.

"Россия қувур ётқизувчиларининг юриши хавфсизлигини Россия ҲДФ кемалари таъминлади, айнан уларнинг ҳамроҳлиги хорижий флот кемалари томонидан душманлик ҳаракатларининг олдини олишга имкон берди. Бу жараён уларда катта қизиқиш уйғотди", - деди Попов.

Ҳозирда "Академик Черский" қувур ётқизувчи кемаси 8 май куни етиб келган Германиянинг Мукран портида турипти. Аввал хабар қилинишича, қувур ётқизувчи Узоқ Шарқдаги Находка портидан Германияга Африка орқали узоқ йўлдан ҳаракатланган ва бутун сафар деярли уч ой давом этди. Сафар давомида у етиб бориш манзилини кўп маротаба ўзгартирди.

"Шимолий оқим-2" лойиҳаси Россия соҳилидан Болтиқ денгизи орқали Германияга йиллик қуввати 55 миллиард кубометр бўлган газ қувури қурилишини кўзда тутади. Уни ҳиссадори ягона “Газпром” бўлган Nord Stream 2 AG амалга оширмоқда. Европалик ҳамкорлар - Royal Dutch Shell, OMV, Engie, Uniper ва Wintershall – умумий ҳисобда лойиҳани 50 фоизга, яъни ҳар бири 950 миллион еврогача молиялаштиради.

Ушбу лойиҳага ўз суюлтирилган газини Европада илгари сураётган АҚШ фаол қарши чиқмоқда. Декабр ойида АҚШ “Шимолий оқим-2”га қарши санкцияларни киритиб, компаниялардан қувурни ётқизишни дарҳол тўхтатишни талаб қилди. Швейцариянинг Allseas компанияси деярли дарҳол ишни тўхтатишини маълум қилди.

Июл ойида Давлат департаменти CAATSA (Американинг душманларига санкциялар орқали қарши харакат қилиш) қонунига “Шимолий оқим-2” ва “Турк оқими”нининг иккинчи қувурини қўшган ҳолда, унинг доирасида ўз тавсияларни эълон қилди. Бу Россиянинг экспорт қувурлари билан боғлиқ инвестициялар ва бошқа фаолиятларни АҚШ санкциялари хавфи остига қўйди. Бундан ташқари, июл ойида АҚШ вакиллар палатаси ва Сенат лойиҳага қарши кенгайтирилган санкцияларни ўз ичига олган 2021 йилги мудофаа бюджети ўз вариантларини тасдиқладилар.

680

Космосдан ҳужум: Апофис астероиди Ерга қулаши мумкинми?

448
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

448
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

410
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

410
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи

Россия ва Франция махфий тарзда дипломатларни чиқариб юборишди

0
Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

ТОШКЕНТ, 6 мар - Sputnik. Россия ва Франция 2020 йилнинг охирида бир нафардан дипломатни махфий тарзда чиқариб юборишган, деб хабар бермоқда Les Echos.

Нашрнинг ёзишича, Россиянинг Париждаги элчихонаси иқтисодий бўлим ходимини жосусликда гумонлаб, Франциядан чиқариб юборишган. Россия акс жавоб чораларини қўллаган ва Франциянинг Москвадаги элчихонаси иқтисодий бўлим ходимини чиқариб юборган.

Россия ТИВ ва Франциянинг Москвадаги элчихонаси нашрга ушбу хабар юзасидан изоҳ бермаган.

Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

Сал аввал РФ ТИВ Россияда санкцияланмаган акцияларда иштирок этган Швеция, Польша ва Германия дипломатлари "ушбу мамлакатда бўлиши хуш кўрилмаган" шахслар сифатида эълон қилингани ва яқин вақт ичида мамлакатни тарк этишларини эълон қилган эди.

Бунга жавобан Германия, Польша ва Швеция ташқи ишлар вазирликлари ҳар бир мамлакатда бир нафардан россиялик дипломатларни "персона нон-грата" дея эълон қилишди.

0