Ким Чен Ин ваколатларнинг бир қисмини синглисига топширди

200
КХДР етакчиси Ким Чен Ин ваколатларнинг бир қисмини синглиси Ким Ё Чжонгга топширди. Меҳнат партияси Марказий қўмитаси бўлим бошлиғининг биринчи ўринбосари лавозимини эгаллаб турган Ким Ё Чжон ҳозирда вакиллик ҳуқуқи бўйича умумдавлат ишлари билан шуғулланмоқда.

ТОШКЕНТ, 21 авг - Sputnik. КХДР етакчиси Ким Чен Ин ваколатларнинг бир қисмини синглиси Ким Ё Чжонгга топширди, дея хабар беради Рёнхап агентлиги Жанубий Корея разведка маълумотларига таяниб.

Таъкидланишича, Кореянинг Меҳнат партияси Марказий қўмитаси бўлим бошлиғининг биринчи ўринбосари лавозимини эгаллаб турган Ким Ё Чжон ҳозирда вакиллик ҳуқуқи бўйича умумдавлат ишлари билан шуғулланмоқда. Бундан ташқари, у Пхеньяннинг Вашингтон ва Сеулга нисбатан сиёсати учун жавобгардир.

Разведка хизматига кўра, Ким Чен Иннинг синглиси КХДРнинг "иккинчи рақамли етакчиси"дир, аммо амалдаги раҳбар ҳали бери ворисини танламаган.

Вазирлар Маҳкамаси раиси Ким Док Хун ва Давлат кенгаши раисининг ўринбосари Пак Бон Дю ўз зиммаларига мамлакат иқтисодиётини бошқариш вазифаларини олишди. Яна иккита юқори мартабали мулозимлар мудофаа масалаларига қисман жавобгар бўлдилар.

Агентлик манбаларининг таъкидлашича, ҳокимиятнинг бундай тақсимланиши Ким Чен Ин бошдан кечираётган стрессни минималлаштириш ва "ўз сиёсати муваффақиятсиз"лиги тақдирида айбловнинг бир қисмини ундан олиб ташланишига қаратилган.

Апрел ойида Ким Чен Ин жамоатчилик олдида 20 кун давомида кўринмади. Унинг йўқлиги сабабли сиёсатчининг эҳтимолий вафоти ёки касаллиги ҳақида миш-мишлар пайдо бўла бошлади. Ўша пайт тахмин қилинишича, Шимолий Корея раҳбари ўзи мустақил туролмаган, нормал ҳолатда юра олмаган ёки "вегетатив ҳолатда" бўлган. Деярли уч ҳафта давомида кўринмаганидан сўнг, 1 май куни Ким Чен Ин Пхеньян яқинидаги Пхёнан-Намдо провинциясида жойлашган Сунчхон шаҳрида ўғитлар заводининг очилиш маросимида иштирок этди. Унга Ким Ё Чжон ҳамроҳлик қилган, уни баъзи одамлар Шимолий Корея раҳбарининг вориси бўлади деб таҳмин қилишмоқда.

Корейслараро алоқалар бўйича тегишли идораси раҳбари бўлмиш Жанубий Кореянинг миллий бирлашиш вазири Ким Ён Чхоль КХДР раҳбарининг соғлиғи билан боғлиқ хабарлар "фейк" ва "инфодемия" эканлигини таъкидлаган.

200

Трамп коронавирус учун Хитойни жазолашларини хоҳламоқда. Пекин жавобан нозик шама қилди

522
(Янгиланган 20:53 22.09.2020)
Ўз видеомурожаатида у келгуси йил давлатлар етакчилари шахсан йиғилишларига, "ва у тарихимиздаги, ҳатто, жаҳон тарихидаги энг буюк йиллардан бири бўлишига" ишонч билдирди.

ТОШКЕНТ, 22 сен - Sputnik. АҚШ президенти Доналд Трамп, БМТ Бош Ассамблеясининг олий даражадаги йиғилишида қилган чиқишида коронавирусни тарқатгани учун Хитойни айблади ва инфекциянинг тарқалиб кетганлиги туфайли уни жазолашга чақирди, деб хабар қилмоқда РИА Новости.

"Вируснинг илк кунларидаёқ Хитой мамлакат ичида ҳаракатланишни тўхтатди, бироқ самолётларга Хитойни тарқ этишга ва бу билан дунёга вирусни ёйишга рухсат берди… Бирлашган Миллатлар Ташкилоти бу ҳаракатлари учун Хитойни жавобгарликка тортмоғи лозим", - деди у.

Ўз видеомурожаатида у келгуси йил давлатлар етакчилари шахсан йиғилишларига, "ва у тарихимиздаги, ва тўғриси, жаҳон тарихидаги энг буюк йиллардан бири бўлишига" ишонч билдирди.

Трамп БМТ жаҳондаги мавжуд айни муаммоларга, жумладан, терроризм, аёлларнинг зўрликка учрашлари, наркотрафик, одам савдоси ва секс-савдо, этник тозалашлар, диний мотивлар бўйича таъқиб ва диний озчиликларнинг этник тозаланишлари сингари муаммоларга эътиборни жалб қилиш зарурлигини қайд этди.

Америка президенти ўз нутқи давомида бирор марта Россияни тилга олмаган.

Трамп Хитойни айблагани ҳақидаги хабарлар тарқалиши билан ХХРнинг БМТ ҳузуридаги доимий вакили Чжан Цзюнь Пекин АҚШ томонидан билдирилаётган коронавирус тарқалиши бўйича барча айбловларни рад этишини маълум қилди.

"Бизнинг (дунё ҳамжамиятининг, - таҳр.) бир ёқлама ёндашув, сиғдирмаслик амалиёти сингари муаммоларимиз мавжуд. Дунё иккиланиш ёқасида. Айни вақтда дунё қарама-қаршилик эмас, кўпроқ ҳамжиҳатлик ва ҳамкорликка муҳтож. Биз сиёсий вирусни тарқатишимиз эмас, ўзаро ҳурматни кўпайтиришимиз керак", – деган Жан Цзюнь. Унинг сўзларидан РИА Новости иқтибос келтирган.

Сал олдин БМТ бош котиби дунёни АҚШ ва Хитой туфайли ҳарбий бўлиниш хавфи мавжудлиги ҳақида огоҳлантирган эди.

522
Тяжелый бомбардировщик-ракетоносец Ту-160

Махсус парвоз: Россия Ту-160 бомбардимончилари Беларусь чегарасида патруллик қилди

302
Россиянинг 2 дона Ту-160 ракета ташувчи-бомбардимончиси Белоруссиянинг НАТОга аъзо бўлган давлатлар билан чегарасида махсус парвозни амалга оширди.

ТОШКЕНТ, 22 сен — Sputnik. Россиянинг 2 дона Ту-160 ракета ташувчи-бомбардимончиси Белоруссиянинг жануби-ғарбий, ғарбий ва шимоли-ғарбий чегаралари бўйлаб махсус парвозни амалга оширди.

Ушбу йўналишда республика Украина ва НАТО давлатлари – Польша, Латвия ва Литва билан чегарадош.

Мудофаа вазирлиги маълум қилишича, махсус парвоз "Славян биродарлиги - 2020" қўшма ҳарбий машқлар доирасида амалга оширилди.

Учувчилар Белоруссия ҳаво кучларининг қирувчи самолётлари билан қўшма гуруҳнинг ерда ҳаракатларини мувофиқлаштириш машқини ўрганииб чиқишди.

302
Женщина в наручниках

Қўқонда жиноятчилар "Tracker" автомашинасини олиб қочди. Орасида аёл ҳам бор

70
(Янгиланган 08:50 23.09.2020)
Жиноят кодексининг 267-моддаси 2-қисмида кўрсатилган жиноятни содир этган шахс йигирма йилгача озодликдан маҳрум қилиш билан жазоланади.

ТОШКЕНТ, 23 сен - Sputnik. Қўқонда бир гуруҳ жиноятчилар "Tracker" автомашинасини олиб қочди, деб хабар бермоқда Фарғона вилояти ИИБ ахборот-хизмати.

Хабарда айтилишича, ҳодиса 19 сентябрь куни рўй берган. Бир шахс ва бир аёл шаҳардаги кўп қаватли уй олдидан бошқа кишига тегишли "Tracker" русумли автомашинасини олиб қочиб ҳодиса жойидан яширинган.

Олиб борилган тадбирлар давомиди Қўқон шаҳар, А.Навоий мавзеси 90-сонли кўп қаватли уйлар ёнидан автомашина соз холда давлат рақамлари автомашина юкхонасидан топилган. 

Мазкур ҳолат юзасидан Қўқон шаҳар ИИО ФМБ ҳузуридаги тергов бўлими томонидан Жиноят кодексининг 267-моддаси 2-қисми "б" банди (транспорт воситасини олиб қочиш) билан жиноят иши қўзғатилиб, жиноятчилардан бирига нисбатан суд томонидан "қамоққа олиш" тарзидаги эҳтиёт чораси қўлланилган.

Жиноят кодексининг 267-моддаси 2-қисмида кўрсатилган жиноятни содир этган шахс йигирма йилгача озодликдан маҳрум қилиш билан жазоланади.

70