Банкноты долларов США различного достоинства

АҚШ айбловлари Берлинни доллардан воз кечишга мажбур қилмоқда

619
Россиянинг "Шимолий оқим-2" газ қувури лойиҳасида иштирок этаётган немис компанияларини жазолаш бўйича АҚШнинг доимий таҳдидлари туфайли, Германия матбуоти ўз вазирлар маҳкамасига тобора радикал талаблар қўйишни бошлади.

ТОШКЕНТ, 26 авг - Sputnik. Россиянинг "Шимолий оқим-2" газ қувури лойиҳасида иштирок этаётган немис компанияларини жазолаш бўйича АҚШнинг доимий таҳдидлари туфайли, Германия матбуоти ўз вазирлар маҳкамасига тобора радикал талаблар қўйишни бошлади.

Иш савдо тўлалигича еврога ўтказилиши талабларигача борди.

Argumenti.ru Германиянинг Der Spiegel журналининг нашрига асосланиб хабар беришича, Европа бошқа энди бошини қумга яширолмайди, Европа Иттифоқига аъзо давлатлар қатъий қарши чоралар устида ишлашлари, ўзларини ҳимоя қилишлари шарт.

Россия газини сотиб олиш билан Германия Россияни молиялаштиришига оид Вашингтоннинг Берлинга барча даъволари Германияда шунчаки кулгили деб номланмоқда. Гап шундаки, Германия томони "Газпром"дан 9 миллиард долларлик газни сотиб олган бир пайтда, АҚШнинг ўзи Россиянинг 7 миллиард долларлик хом нефтини сотиб олган. Бундан ташқари, Европа Иттифоқидагилар совуқ ҳаво пайтида америкаликлар ҳатто русларга Ямалдан Бостонга етказиб берилган суюлтирилган газ учун миннатдор бўлишганини ҳамон яхши эслашади.

Бироқ, ҳатто бу оддий далиллар ҳам Германиянинг бутун бошли портлари ва шаҳарлари иқтисодиётини яксон қилиш билан таҳдид қилаётган Америка етакчиси Дональд Трамп ва унинг маъмурияти позициясига ҳеч қандай таъсир кўрсатолмаяпти. Der Spiegel ёзишича, бунинг устига, "агар АҚШнинг Европадаги экстерриториал санкцияларига риоя қилинса, бу Европа қонунларини бузиш бўлади. Шу тариқа, Мукран порти ва 120 га яқин Европа корхоналари раҳбарлари олдида мушкул танлов турибди: АҚШ санкцияларига дуч келиш ёки Европа қонунчилигини бузиш".

Агар илгарилари Германиянинг барча таклифлари Жаҳон Савдо Ташкилотида (ЖСТ) ёки халқаро судларда юридик тортишувлар билан чегараланиб қолган бўлса, энди эса янада радикал таклифлар билдирила бошланди. Der Spiegel энди нафақат Американинг суюлтирилган газига божхона тўловларини оширишни, балки Америка қуролларига миллиардлаб доллар сарфлашни тўхтатишни ҳам таклиф қилмоқда. Хусусан, Ф-18 қирувчилари учун. Ва ҳатто Германия компанияларига таҳдид солаётган АҚШнинг барча сиёсатчиларининг Европа Иттифоқига киришини тақиқлашни ҳам.

Бундан ташқари, Вашингтоннинг санкцияларига муносиб жавоб қайтариш мақсадида, немис таҳлилчилари "еврони доллар билан бир қаторда ҳақиқий глобал валютага айлантиришни таклиф қилишмоқда. Бунинг учун келажакда Европа компаниялари савдони айнан еврода амалга оширишлари керак бўлади".

Sputnik радиоси илгари хабар беришича, "Сбербанк" бошқарув раиси Герман Греф Россия иқтисодиёти коронавируснинг оқибатлари билан Европа ва Америкадан яхшироқ кураша олишини айтди.

619
Тело Владимира Ильича Ленина в Мавзолее В.И. Ленина

АҚШда Ленин жасадини сотиб олиш учун 50 миллион доллар тўплашди

615
(Янгиланган 18:01 18.09.2020)
АҚШда Лениннинг мўмиёланган жасадидан арт-объект сифатида фойдаланишмоқчи бўлишди. Бунинг учун улар Россияга мўмай пул таклиф қилишди.

ТОШКЕНТ, 18 сен — Sputnik. Владимир Лениннинг мўмиёланган жасадини сотиб олиш учун АҚШда 50 миллион доллар жамланди, деб хабар қилмоқда РИА Новости, америкалик рассом Дэвид Датунага асосан. 

Бироз олдин Датуна Вашингтонда Ленин мавзолейи нусхасини қуришни ва у ерга Ленин жасадини олиб келишни таклиф қилган эди. Ушбу таклиф Америка ва Россия фуқаролари томонидан қўллаб-қувватланди.

Дастлаб рассом дастлаб жасадни сотиб олиш учун ўз ҳисобидан 1 миллион доллар таклиф қилган, лекин бир сутка ичида ушбу таклифни амалга ошириш тарафдори бўлган турли фуқаролардан кўплаб таклифлар келиб тушган. Ташаббускорлар "Лойиҳа"ни амалга ошириш учун 50 миллиондан ортиқ маблағ жамлашга тайёрлигини билдиришган. 

Ушбу таклиф Россия Коммунистик партияси етакчиси Геннадий Зюганов томонидан кескин кутиб олинди. Сиёсатчи америкаликлар таклифига "Фақат сотқинларгина ўз ватанини, тарихини ва даҳоларини сотади" деб жавоб берди. 

Бунга америкаликлар "Ахир Ленин нафақат Россиядаги балким бутун дунё пролетариатининг отаси бўлган. Агар бутунлай беришни истамасангиз, балким вақтинча бериб турарсизлар", - деб жавоб қайтаришди. 

Айтиш жоизки, америкалик санъат ишқибозларининг ушбу таклифи асосида - соф тижорий манфаатлар ётибди. Рассом айтишига қараганда, ҳозир АҚШда кўплаб социал-коммунистик ўзгаришлар содир бўлмоқда ва мавзолей ана шундай ўзгаришлар тимсолига айланиши мумкин. Бундай арт-объектларга сайловлар олдидан талаб жуда катта бўлади.

Асли келиб чиқиши грузиялик бўлган рассом Дэвид Датуна ўзининг сиёсий портретлар ва байроқлар акс этган суратлари ва инсталляциялари билан танилган. 

Эслатиб ўтамиз, бироз олдин Россия Архитекторлар иттифоқи Ленин танаси мавзолейдан олиб кетилганидан сўнг ушбу бинодан қандай фойдаланиш мумкин, деган мавзуда танлов эълон қилган эди. Лекин Россияда ушбу таклиф кўпчиллик томонидан танқид остига олинди ва айни дамда Иттифоқ ўз танловини бекор қилган. 

615

Исроил дунёда биринчи бўлиб такрорий карантинни жорий қилди

250
(Янгиланган 17:06 18.09.2020)
Аввал бошдан одамларга уйдан 500 метр масофага узоқлашиш таъқиқланиши режалаштирилаётган эди, аммо натижада ҳукумат рухсат берилган масофани бир километргача узайтирди.

ТОШКЕНТ, 18 сен — Sputnik. Исроилда коронавирус туфайли такрорий умуммиллий карантин кучга кирди, деб хабар бермоқда РИА Новости.

Чекловлар уч ҳафтага узайтирилиши имкони билан киритилмоқда. Карантин чекловлари яҳудийларнинг кузги байрамлари вақтида ҳам амал қилади, дейилади хабарда.

Аввалроқ одамларга уйдан 500 метр масофага узоқлашишни таъқиқлаш режалаштирилаётган эди, аммо натижада ҳукумат рухсат берилган масофани бир километргача узайтирди.

Рухсат этилган масофадаги паркларга, болалар майдончалари ва диний ибодатларга чиқиш мумкин.

Бир километрдан ортиқ масофага фақатгина ишга, дори-дармонга, биринчи эҳтиёж товарлари, оғир шароитдаги одамларга ёрдам, дафн маросимлари, суд ёки донорлик марказига бориш мумкин.

Шунингдек, норозилик акцияларида иштирок этиш учун ҳам карантин қоидаларини бузиш мумкин.

Исроил ҳукумати меҳмонга бориш, пляжларда дам олиш, ўн кишидан ортиқ компанияларда йиғилишни чеклаган.

Таълим ва кўнгилочар муассасалари, кафе, ресторанлар ва спорт клублари, савдо марказлари, сартарошхоналар ва гўзаллик салонлари қаторида ёпиқ.

Бен Гурион номидаги аэропорт мамлакатга келиб-кетувчилар учун жорий этилган қоидалар асосида ўз ишини давом эттирмоқда. Исроилга чет элликларнинг келиши бўйича чекловлар март ойи ўртасидан бошлаб амал қилмоқда.

Карантин чекловларига амал қилинишини минглаб полициячилар назорат қилишади. Улар асосан тушунтириш ишларини олиб борадилар, "чидаб бўлмас" ҳолатлар учун жарималар кўзда тутилган.

Такрорий карантиннинг зарурлигини ўзининг махсус мурожаатида бош вазир Биньямин Нетаньяху тушунтириб ўтган.

"Менинг бош вазир сифатидаги мажбуриятларим ва масъулиятим нафақат сизнинг соғлиғингиз, балки ҳаётингиз учун ҳам қайғуришдан иборат. Агар геометрик прогрессияда ўсиш бор экан, сиз бунинг нималигини тушунишингизни истардим: бу фақатгина ноқулайлик эмас, бу фақатгина оғир касалларнинг кўплиги эмас, бу шундай ҳолатки, ҳатто касалхона койкалари кўпайтирилса ҳам - биз улар сонини кўпайтирдик, ҳатто зарур бўлган ИВЛ аппаратлари қўшилса-да - биз уни ҳам қўшдик, ҳатто врачлар ва ҳамширалар сони кўпайтирилганидан кейин ҳам бригадалар касалланиш тезлигини бошқара олмаяптилар - ҳамма нарсанинг ўз чегараси бор. Бунинг ортидан қурбонлар сони ортмоқда", — деди у.

Бош вазир шунингдек, аҳоли ва тадбиркорларни иқтисодий қўллаб-қувватлаш дастури тўғрисида ҳам тўхталиб ўтган.

Дастурга кўра, айрим юқори лавозимли давлат хизматчиларининг маошини 10 фоизга қисқартириш, бизнесга ёрдам кўрсатиш критерийларига ўзгартириш киритиш (бу товар айланмаси камида 25 фоизга пастлаган корхоналарга чиқимларни қоплаб беришни назарда тутади), пул тўловларини тезлаштирилган тартибда олиш, маҳаллий солиқ тўловларида ёрдам сингари бандларни ўз ичига олган.

Исроил умуммиллий карантинни такроран эълон қилган биринчи давлатга айланди. Карантин чекловлари май ойида, беморлар қайд этилиши суткасига бир нечтагача пастлаганда бекор қилинган эди. Хусусан, Соғлиқни сақлаш вазирлигига кўра, Исроилда 16 май куни фақатгина 2 киши COVID-19ни юқтирган. Аммо июнь ойидан бошлаб беморланиш ҳолатлари яна ўсишни бошлади, сентябр ўрталарига келиб суткасига олти минггача етди. Пандемия давомида 1169 киши вафот этди.

250
Узбекские милиционеры рядом с патрульной машиной

Қашқадарёда мактаб директори ўз жонига қасд қилди. У вафотидан олдин хат ёзиб қолдирган

562
Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган

ТОШКЕНТ, 18 сен - Sputnik. Бош прокуратура матбуот-хизмати ижтимоий тармоқларда тарқалган Қашқадарё вилоятида мактаб директори ўз жонига қасд қилганлиги, вафотидан олдин хат ёзиб қолдирганлиги ҳақидаги хабарлар юзасидан расмий баёнот эълон қилди.

Мактубда келтирилишича, директор суиқасд олдидан хат ёзган ва унда барча ҳамкасбларидан коррупцияга йўл қўймасликни ўтиниб сўраган.

"Ҳозирда мазкур ҳолат юзасидан Китоб тумани прокуратураси томонидан терговга қадар текширув ҳаракатлари олиб борилмоқда", - дейилади Бош прокуратура хабарида.

Шунингдек, маълумотларга кўра, текширишда марҳумнинг яқин қариндошлари мурдани суд-тиббиёт экспертизаси кўригидан ўтказмаслик мақсадида юрак ҳуружидан вафот этгани важи билан жасадни кўмиб юборишганлиги аниқланган.

Ҳозирда туман халқ таълими, ички ишлар бўлимлари ҳамда махалла ва оилани қўллаб-қувватлаш маркази туман бўлимининг мутасадди ходимлари ҳаракатлари юзасидан хизмат текширувлари тайинланган.

Текшириш ҳаракатлари давом этмоқда.

562