Черногория мухолифати раҳбари Россияга қарши санкцияларни хато деб атади

310
(Янгиланган 17:11 01.09.2020)
Сўнгги сайловларда ғолиб чиққан Черногория мухолифати раҳбари "Тарихий ва иқтисодий алоқалар туфайли Россия яхшироқ муносабатга лойиқ" деди.

ТОШКЕНТ, 1 сен - Sputnik. Черногория томонидан Россияга қарши санкцияларни қўллаб-қувватлаш, бу хато бўлган, деди "Черногория келажаги учун" энг йирик мухолифат коалицияси етакчиси Здравко Кривокапич РИА Новостига.

"Биз кичик давлатмиз, қанчалик хоҳламайлик, глобал даражада ҳеч қандай таъсирга эга эмасмиз. Айтишадику, кимдир ўт ўради, кимдир сув ташийди. (таҳр. серб мақоли, маъноси: катта, кучли эркаклар ўт ўради, ёш болалар ёки аёллар уларга сув олиб келади). Шунинг учун, биздек кичик мамлакат биринчилардан бўлиб санкция киритиши мумкин эмас", - деди мухолифт етакчиси. 

Кривокапич айтишига кўра, санкциялар биринчи навбатда Сербиянинг ўзи учун иқтисодий йўқотишларга олиб келади. 

Унинг сўзларига кўра, COVID-19 туфайли Черногория ўз чегараларини Россия, Сербия, Босния ва Герцеговина фуқаролари учун бир ойга ёпиши - хато бўлган. Айнан ушбу уч давлатлар фуқаролари Черногорияга ташриф буюрадиган энг кўп сонли туристлардир.

"Эслатиб ўтаман, биз Plantaze виноларини экспорт қилар эдик, бизга келаётган туристларнинг аксарияти эса сербияликлар, Босния ва герцоговиналиклар ҳамда россияликлар эди", - деди сиёсатчи. 

Олдинги чиқишларида Кривокапич "Россия тарихий алоқалари ҳамда Сербия иқтисодиётига қўшган ҳиссаси туфайли - яхшироқ муносабатга лойиқ" деган эди.  

Эслатиб ўтамиз, 30 август куни Черногорияда сайловлар бўлиб ўтди. Дастлабки хабарларга кўра, мухолифат сўнгги 30 йил ичида илк бор ҳукумат бошида бўлган Социал-демократик партиядан ва президент Мило Жукановичдан кўра кўпроқ овоз олишга муваффақ бўлди. Душанба куни бўлиб ўтган сайловлар кузатувчилар томонидан қонуний деб топилди.

Шундан сўнг "Черногория келажаги учун" коалицияси етакчиси Здравко Кривокапич, URA мухолифат ҳаракати Дритан Абазович ва "Демократов" етакчиси Алекс Бечич учрашув ўтказишди ва бўлажак ҳукумат доирасида қандай ҳамкорлик қилишга келишиб олишди.

 

310

Букри кит тимсоҳларга тўла дарёга тасодифан сузиб келди

380
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

380
Вакцина против новой коронавирусной инфекции впервые в мире зарегистрирована в России 11 августа

ЖССТ коронавирусга қарши вакцина учун Россияга миннатдорчилик билдирди

998
(Янгиланган 17:04 21.09.2020)
Жаҳон соғлиқни сақлаш ташкилоти Россияга коронавируснинг янги штаммига қарши ишлаб чиқилган вакцина учун миннатдорчилик билдирди.

ТОШКЕНТ, 21 сен — Sputnik. Жаҳон соғлиқни сақлаш ташкилоти коронавируснинг янги штаммига қарши ишлаб чиқилган вакцина учун Россияга миннатдорчилик билдирди. Бу ҳақда ЖССТнинг Европа минтақавий бюроси раҳбари Ханс Клуге маълум қилди.

ЖССТ вакили Россияда яратилган вакцина хавфсизлиги ва самарадорлигига эътиборни қаратди.

“Мен Россияга хавфсиз ва самарали вакцинани яратиш бўйича ажойиб ҳаракатлар учун миннатдорчилик билдирмоқчиман”, - деди Клюге.

Россия шу йилнинг январь ойида коронавирусга қарши вакцинани ихтиро қилишга киришди. Россия Соғлиқни сақлаш вазирлиги август ойида дунёдаги биринчи COVID-19  вакцинасини рўйхатдан ўтказди.

Мутахассислар тадқиқот натижаларига кўра, вакцинани хавфсиз деб тан олишди ва у коронавирусга қарши иммунитетни шакллантиришга имкон беришини таъкидлашди.

ЖССТ бошидан Россиянинг коронавирус вакцинасига қизиқиш билдирган. Сентябрь ойининг бошларида машҳур тиббиёт журнали The Lancet Россия “Спутник V” вакцинаси клиник синовларининг икки босқич натижаларини эълон қилди.

998
Мавзу:
COVID-19 умумжаҳон пандемияси

Самарқанд халқаро аэропорти Россиядан келган 500га яқин ўзбекистонликларни қабул қилди

68
Коронавирус инфекцияси тарқалишининг олдини олиш мақсадида (қизил ҳудуддан келганлар учун) 14 кунлик уй ёки меҳмонхоналарда ўзини-ўзи яккалашлари талаб этилади.

ТОШКЕНТ, 22 сен - Sputnik. Самарқанд халқаро аэропортида Россия давлатининг Санкт-Петербург ва Москва шаҳарларидан учиб келган 497 нафар юртдошларимиз 2 та чартер рейс орқали кутиб олинди, деб хабар бермоқда "Самарқанд халкаро аэропорти" матбуот-хизмати.

"Бугун (iFLy ва Red Wings авиакомпанияларининг Airbus 330 ва Airbus 321 ҳаво кемалари Санкт-Петербург ва Москва шаҳарларидан соат 02:10 ва 3:51 да қабул қилди. Йўловчилар анкета маълумотларида келтирилган яшаш жойларига кўра ўз манзилларига кузатиб қўйилди", - дейилади хабарда.

Ўзбекистонга келувчи йўловчиларнинг парвоздан олдин 72 соатдан кўп бўлмаган муддатда фақат ПЗР (полимер занжирли реакция) орқали текширилиб, манфий кўрсатичга эга маълумотномаларни тақдим этишлари керак бўлади.

Коронавирус инфекцияси тарқалишининг олдини олиш мақсадида (қизил ҳудуддан келганлар учун) 14 кунлик уй ёки меҳмонхоналарда ўзини-ўзи яккалашлари талаб этилади.

 

68