Гўзаллик дунёни қутқара олмади: танловлар кейинга қолдирилмоқда

615
Халқаро гўзаллик танловлари навбатма-навбат тадбирлар келгуси - 2021 йилга қолдирилаётгани ҳақида эълон қилишни бошлади

ТОШКЕНТ, 3 сен — Sputnik. Ҳозирга қадар маълум бўлишича, учта йирик танловлар - "Дунё гўзали", "Коинот гўзали" ва "Мисс Интернешнл - 2020" 2021 йилга қолдирилди.

COVID-19 пандемияси муносабати билан, "Дунё гўзали" ташкилотчилари жорий йилда танловни бекор қилишга мажбур бўлдилар, чунки танлов иштирокчи бўлган соҳибжамолларнинг аксарияти ёпиқ чегаралар туфайли иштирок эта олмайдилар.

Ҳозирда мавжуд маълумотларга кўра, "Дунё гўзали" танлови бир йилдан сўнг, 2021 йилнинг октябрида бўлиб ўтади, ҳозирча эса тадбир ташкилотчилари иштирокчилар ва томошабинлар соғлиғини хатар остига қўймоқчи эмас.

Шунингдек, 69-марта ўтказилиши кутилаётган "Коинот гўзали - 2020" халқаро танлови 2021 йилнинг феврал-март ойларида ўтказилиши лозим. 20 нафар иштирокчиларнинг барчаси танлаб бўлинган.

Ҳар йили анъанавий тарзда ўтказиладиган "Мисс интернэшнл - 2020" январ ойидан октябрга қолдирилган эди, эндиликда эса 2021 йилда ўтказилиши маълум бўлди. Танловнинг ушбу кечиктирилиши тарихда иккинчи марта содир бўлмоқда.

Халқаро гўзаллик танлови 60-марта ўтказилади ва ўз юбилейини Япониян инг Йокогама шаҳрида нишонлайди, гала-концерт келгуси йил октябрида бўлиб ўтиши кутилмоқда.

615

Лукашенко 5 ноябрдан президент сифатида тан олинмайди - Европарламент

478
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

478
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

637
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

637