БМТ COVID-19ни ташкилот тарихидаги энг улкан муаммолардан бири деб тан олди

199
Ҳужжатга мувофиқ, Бош ассамблея "COVID-19 пандемияси БМТ тарихидаги энг улкан глобал муаммолардан бири эканлигини" тан олади. Резолюция учун 169та давлат овоз берган. АҚШ ва Исроил қарши чиққан. Украина ҳамда Венгрия бетарафликни сақлаган.

ТОШКЕНТ, 12 сен - Sputnik. БМТ Бош ассамблеяси коронавирус пандемиясига қарши комплекс кураш тўғрисида резолюцияни қабул қилди; ҳаётнинг эпидемия ўз таъсирини кўрсатган барча жабҳалари тилга олинган ҳужжатда COVID-19 - ташкилот тарихида энг улкан муаммолардан бири бўлганлиги айтиб ўтилган.

Матнга мувофиқ, Бош Ассамблея "COVID-19 пандемияси БМТ тарихидаги энг улкан глобал муаммолардан бири эканлигини" тан олади. Резолюция учун 169та давлат овоз берган. АҚШ ва Исроил қарши чиққан. Украина ҳамда Венгрия бетарафликни сақлаган.

БМТ БА пандемия жамият, иқтисодиёт, иш билан таъминлаш, жаҳон савдоси, саёҳат тизими, қишлоқ хўжалиги, саноат ва савдо соҳасидаги жиддий силсилалар туфайли ҳалокатли таъсир кўрсатаётганидан чуқур хавотир билдирмоқда.

Биринчи ярим йилликда бюджет харажатлари 20%га ошди - молия вазири >>>

Бош ассамблея пандемия оқибатлари аёллар, кексалар, ёшлар, камбағаллар ва ижтимой ночорлар ҳаётларида оғир акс-садо бераётганлигини тан олган. Шу билан бир вақтда, БМТ Бош Ассамблеяси, ҳужжатга мувофиқ, пандемия билан боғлиқ равишда дискриминация, нафратни қўзғаш, ирқчилик ва ксенофобия даражаси ошганидан ташвиш билдирган. Ҳужжат муаллифлари ушбу ҳолатларга қарши курашишга чорламоқда.

Бундан ташқари, ҳужжатга имзо чекувчилар пандемия контекстида, жумладан, интернетдан фойдаланган ҳолда дезинформация ва пропаганда тарқатилаётганидан ташвиш билдирганлар.

"Бош Ассамблея БМТ бош котибининг бутун дунёда зудлик билан ўт очишни тўхтатиш, шу жумладан, ёрдамларни етказиш учун йўлакларни ташкил қилиш бўйича чақириқларини қўллаб-қувватлайди", - дейилган ҳужжатда.

Ҳужжатда қайд этилишича, БМТ БА ҳукуматлар ва фуқаролик жамиятларини пандемияга қарши кураш доирасида жавоб чораларини қабул қилишга чорламоқда. Гап, хусусан, соғлиқни сақлаш ва ижтимоий қўллаб-қувватлаш тизимларининг мустаҳкамланиши ҳақида бормоқда.

Ўзбекистоннинг биронта фуқароси ўз ҳолига ташлаб қўйилмайди – Мирзиёев >>>

Резолюцияда айтилишича, Бош Ассамблея барча мамлакатларга пандемияга қарши курашиш учун сифатли, хавфсиз, самарали ва арзон нархдаги диагностика, терапевтик воситалар, дорилар ва вактсиналардан тўсиқсиз фойдаланиш имкониятини беришга чақиради.

199
Мавзу:
COVID-19 умумжаҳон пандемияси (1149)

Лукашенко 5 ноябрдан президент сифатида тан олинмайди - Европарламент

397
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.

ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.

"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.

Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.

Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.

Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.

Беларусдаги воқеалар

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

397
Панорама Риги

Латвиялик шифокор русийзабон эркакка ёрдам беришдан бош тортганини айтиб мақтанди

573
Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга

ТОШКЕНТ, 19 сен — Sputnik. Латвия шифокорлари ҳамжамияти вице-президенти, анестезиолог-реаниматолог Робертс Фурманис касалхонага келган инсонга у фақат рус тилида гапиргани учун ёрдам беришдан бош тортгани ҳақидаги бир воқеа ҳақида сўзлаб берди. Sputnik Latvija хабари асосида.

Яқинда Ригадаги Страдыня номидаги касалхонада унга футболкасида "Россия" ёзуви бўлган эркак мурожаат қилган. Ташриф буюрувчи ундан туғруқхона бўлимини топишда ёрдам беришни сўраб, мурожаат қилган эди. Аммо латвиялик мутахассис эркакка бегона тилда гапиришдан бош тортган.

"Мен унга: "Хайрли кун. Бу ер Латвия. Аввало мулоқотни латиш тилида бошлаш кераклигини эслатмоқчиман", дедим. Эркак бурилди ва жўнаворди", — деди Фурманис.

Шифокорнинг сўзларига кўра, у "суягигача латиш", ва унда ҳатто айнан шундай ёзувлар битилган майкаси ҳам бор.

Ҳозир Латвияда ягона давлат тили - латиш тилидир. Аҳолининг деярли 40 %и учун она тили рус тили бўлса-да, аммо бу тил хорижий тил мақомига эга.

573