Сентябрда хорижлик биринчи босқич талабалари Россияга кириши мумкин

201
2019/2020 йил ўқув йилида Россияда 298 минг нафарга яқин хорижлик талаба таҳсил олган. Уларнинг аксарияти Қозоғистон, Ўзбекистон, Туркманистон, Хитой, Тожикистон, Украина, Ҳиндистон, Беларусь, Озарбайжон ва Қирғизистон фуқароларидир.

ТОШКЕНТ, 14 сен — Sputnik. Россия олий таълим муассасаларига ўқишга қабул қилинган чет эллик биринчи босқич талабалар сентябрь ойида Россияга ҳудудига киришлари мумкин. Бу ҳақда Россия таълим ва илм-фан вазири Валерий Фальков маълум қилди.

Гап сентябрь ойида чегаралари очиқ бўладиган давлат фуқаролари ҳақида бормоқда.

“Биз сентябрда биринчи босқич талабалари учун Россия Федерациясига белгиланган алгоритм бўйича кириш имкониятини очамиз, лекин фақат очиқ бўлган мамлакат фуқаролари учун”, - деди Фальков “Единая Россия” раёсати йиғилишида. Унинг сўзларидан РИА Новости иқтибос келтирган.

Россиялик вазирнинг сўзларига кўра, давлат ҳокимияти федерал органлари, субъектлар ва ОТМлари хатти-ҳаракатининг махсус алгоритми ишлаб чиқилган. Унинг ёрдамида Россияга 25 минг нафар атрофида биринчи босқич талабалари кириши мумкин. Шу ҳафта уни маъқуллаш режалаштирилмоқда.

2019/2020 йил ўқув йилида Россияда 298 минг нафарга яқин хорижлик талаба таҳсил олган. Уларнинг аксарияти Қозоғистон, Ўзбекистон, Туркманистон, Хитой, Тожикистон, Украина, Ҳиндистон, Беларусь, Озарбайжон ва Қирғизистон фуқароларидир.

Шу билан бирга Россия ҳозирча фақат Туркия, Буюк Британия, Танзания, Швейцария, Миср, БАА ва Мальдив билан авиақатновларни тиклаган.

Аввалроқ Россия ташқи ишлар вазири Сергей Лавров чет эллик талабаларнинг Россияга қайтиши ой охирига қадар муайян бўлишини маълум қилган эди.

201

Россия яна бир давлат билан авиа-қатновларни тиклади

341
23 ноябрдан бошлаб Венесуэла Россия билан авиа қатновларни қайта тиклайди – деб хабар қилди Венесуэла фуқаролик авиацияси хизмати.

ТОШКЕНТ, 23 ноя — Sputnik. 23 ноябрь куни Венесуэла Россия билан авиа қатновларни қайта тиклайди, деб хабар қилди Лотин Америкаси давлатининг фуқаролик авиацияси хизмати.

"Фуқаро авиацияси хизмати ... 23 ноябрдан бошлаб Россия ва Боливиядан тижорат рейслари очилиши тўғрисида хабар беради", - дейилган хабарда.

Ушбу 2та йўналиш Мексика, Доминикан Республикаси, Эрон, Туркия ва Панамага очиладиган рейсларга қўшилади.

Бир неча кун олдин Венесуэла президенти Николас Мадуро яқинда Венесуэла ва Россия ўртасида тўғридан-тўғри рейслар очилишини эълон қилганди.

Венесуэладаги Conviasa авиакомпаниясининг веб-сайтида Москва йўналиши чипталарни сотувга қўйилди.

341

Билл Гейтс янги пандемия хавфи ҳақида огоҳлантирди

230
Microsoft асосчиси Билл Гейтс дунё янги пандемияга дуч келиши мумкин деб айтди. Microsoft асосчиси таъкидлашича, кейинги сафар одамлар вирусларга қарши туришга яхшироқ тайёргарлик кўрган бўлади.

ТОШКЕНТ, 23 ноя — Sputnik. Microsoft асосчиси Билл Гейтс дунё янги пандемияга дуч келиши мумкин деб айтди. РИА Новости хабарига асосан.

© Sputnik / Константин Михальчевский

Актриса Рашида Жонс ва АҚШ бош инфекционисти Энтони Фаучи иштирокидаги подкастда миллиардерга “ҳақиқатан ҳам дунё янги эпидемияни кутмоқдами?” деган савол берилди.

"Ҳа. Агар у йигирма йилдан сўнг юз берса, омадимиз келган бўлади", - деб жавоб берди у.

Гейтснинг таъкидлашича, муайян шароитларда бу аввалроқ - уч йил ичида юз бериши мумкин.

Шу билан бирга, Microsoft асосчиси таъкидлашича, кейинги сафар одамлар вирусларга қарши туришга яхшироқ тайёргарлик кўрган бўлади. Унинг сўзларига кўра, бу вақтга келиб инсоният карантинга кириш алгоритмларини ишлаб чиққан бўлади. Гейтс шунингдек, потенциал инфекцияни ташувчиларни тестдан ўтказиш тизимиларининг яхшиланишига умид билдирди.

Аввалроқ, Гейтс қишда COVID-19 билан вазият ёмонлашишини тахмин қилганди. У совуқ мавсумда одамлар уйда кўпроқ вақт ўтказишини, эҳтиёт чораларини кўришдан чарчаганини ва вирус фаолроқ тарқалишини таъкидлади. Унинг фикрига кўра, вакциналар ишлаб чиқариш кўпайганидан сўнг вазият яхшиланади.

3-тўлқин

БССТ махсус вакили Девид Набарро коронавируснинг учинчи тўлқини хавфи ҳақида огоҳлантирганди, унинг фикрига қараганда, Европа келаси йил бошида унга дуч келиши мумкин.

Европа давлатлари иккинчи тўлқиннинг олдини ололмади, гарчи улар биринчисини жиловлашга муваффақ бўлганди.

“Агар улар ҳозирда зарур инфратузилмани қурмасалар, келгуси йил бошида учинчи тўлқин бўлади", - деган сўзларини келтирган Badener Tagblatt.

230
Теглар:
карантин, Билл, коронавирус
Мавзу:
COVID-19 умумжаҳон пандемияси
Милиция

Хоразмда аёл кишини ечинтириб, видеога олганларнинг шахси аниқланди

882
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

882