Президент Беларуси Александр Лукашенко

Европа парламенти Лукашенкони Беларусь президенти деб тан олмади

231
(Янгиланган 17:02 17.09.2020)
Европа парламенти депутатлари Беларусдаги президент сайловлари якунларини тан олмади. Шунингдек, улар Александр Лукашенкони қонуний президент деб ҳисобламайди.

ТОШКЕНТ, 17 сен — Sputnik. Европа парламенти Беларусдаги президент сайловлари якунларини тан олмайди ва Александр Лукашенкони қонуний президент деб ҳисобламайди. Тегишли ҳужжат ташкилот сайтида эълон қилинган.

Таъкидланишича, Европа парламенти Европа кенгаши позициясига мувофиқ 9 август куни Беларусда бўлиб ўтган президент сайловлари натижаларини рад этади. Чунки улар барча тан олинган халқаро меъёрлар бузилишига йўл қўйилган ҳолда ўтган.

“... Александр Лукашенкони Беларусь президенти деб тан олмайди”, - дейилган ҳужжатда.

© Sputnik / Михаил Климентьев

Европа парламенти депутатлари 14-17 сентябрь куни ялпи сессияда Беларусдаги вазият, Алексей Навальний билан боғлиқ вазият ва Россия билан муносабат каби бошқа масалаларни муҳокама қилди.

Беларусдаги оммавий норозилик намойишлари 9 август куни, президент сайловларида олтинчи маротаба Лукашенко ғалаба қозонгач, бошланган эди. МСК маълумотларига кўра, у 80,1 фоиз овоз олган. Мухолифат сайловларда Светлана Тихановская ғалаба қозонди дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Намойишларнинг илк кунларида куч тузилмаси ходимлари протест қатнашчиларига нисбатан кўз ёш оқизувчи газ, водомет, шовқин гранаталари, резина ўқларни ишлатишган. Сўнгра ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

231
Мавзу бўйича
Қаердадир бездиргандирман - Лукашенко ўз халқининг унга муносабати ҳақида
Лукашенко Навальний ҳақидаги аудиоёзувнинг эълон қилинмаган қисми борлигини маълум қилди
Лукашенко ўз лавозимида "бироз кўп қолиб кетганини" тан олди
Лукашенко Латвия, Литва ва Эстониянинг “қора рўйхатига” тушди
Лукашенко Навальнийни нима учун "заҳарлашганини" айтиб берди - видео
Лукашенко баёноти: ОДКБ, жангарилар ва рангли инқилоблар ҳақида
Лукашенко ўз тарафдорлари олдида нутқ сўзлади - асосий фикрлар
Лукашенко ўз қароргоҳига қўлида автомат билан вертолётда учиб келди - видео
Лукашенко Россия билан интеграцияни давом эттиришга тайёрлигини билдирди
Бадавлат буржуйчалар ва айтишникларга ҳокимият керак бўлиб қолди - Лукашенко
Путин ва Лукашенко бугун Сочида учрашади

Трамп коронавирус учун Хитойни жазолашларини хоҳламоқда. Пекин жавобан нозик шама қилди

431
(Янгиланган 20:53 22.09.2020)
Ўз видеомурожаатида у келгуси йил давлатлар етакчилари шахсан йиғилишларига, "ва у тарихимиздаги, ҳатто, жаҳон тарихидаги энг буюк йиллардан бири бўлишига" ишонч билдирди.

ТОШКЕНТ, 22 сен - Sputnik. АҚШ президенти Доналд Трамп, БМТ Бош Ассамблеясининг олий даражадаги йиғилишида қилган чиқишида коронавирусни тарқатгани учун Хитойни айблади ва инфекциянинг тарқалиб кетганлиги туфайли уни жазолашга чақирди, деб хабар қилмоқда РИА Новости.

"Вируснинг илк кунларидаёқ Хитой мамлакат ичида ҳаракатланишни тўхтатди, бироқ самолётларга Хитойни тарқ этишга ва бу билан дунёга вирусни ёйишга рухсат берди… Бирлашган Миллатлар Ташкилоти бу ҳаракатлари учун Хитойни жавобгарликка тортмоғи лозим", - деди у.

Ўз видеомурожаатида у келгуси йил давлатлар етакчилари шахсан йиғилишларига, "ва у тарихимиздаги, ва тўғриси, жаҳон тарихидаги энг буюк йиллардан бири бўлишига" ишонч билдирди.

Трамп БМТ жаҳондаги мавжуд айни муаммоларга, жумладан, терроризм, аёлларнинг зўрликка учрашлари, наркотрафик, одам савдоси ва секс-савдо, этник тозалашлар, диний мотивлар бўйича таъқиб ва диний озчиликларнинг этник тозаланишлари сингари муаммоларга эътиборни жалб қилиш зарурлигини қайд этди.

Америка президенти ўз нутқи давомида бирор марта Россияни тилга олмаган.

Трамп Хитойни айблагани ҳақидаги хабарлар тарқалиши билан ХХРнинг БМТ ҳузуридаги доимий вакили Чжан Цзюнь Пекин АҚШ томонидан билдирилаётган коронавирус тарқалиши бўйича барча айбловларни рад этишини маълум қилди.

"Бизнинг (дунё ҳамжамиятининг, - таҳр.) бир ёқлама ёндашув, сиғдирмаслик амалиёти сингари муаммоларимиз мавжуд. Дунё иккиланиш ёқасида. Айни вақтда дунё қарама-қаршилик эмас, кўпроқ ҳамжиҳатлик ва ҳамкорликка муҳтож. Биз сиёсий вирусни тарқатишимиз эмас, ўзаро ҳурматни кўпайтиришимиз керак", – деган Жан Цзюнь. Унинг сўзларидан РИА Новости иқтибос келтирган.

Сал олдин БМТ бош котиби дунёни АҚШ ва Хитой туфайли ҳарбий бўлиниш хавфи мавжудлиги ҳақида огоҳлантирган эди.

431
Тяжелый бомбардировщик-ракетоносец Ту-160

Махсус парвоз: Россия Ту-160 бомбардимончилари Беларусь чегарасида патруллик қилди

267
Россиянинг 2 дона Ту-160 ракета ташувчи-бомбардимончиси Белоруссиянинг НАТОга аъзо бўлган давлатлар билан чегарасида махсус парвозни амалга оширди.

ТОШКЕНТ, 22 сен — Sputnik. Россиянинг 2 дона Ту-160 ракета ташувчи-бомбардимончиси Белоруссиянинг жануби-ғарбий, ғарбий ва шимоли-ғарбий чегаралари бўйлаб махсус парвозни амалга оширди.

Ушбу йўналишда республика Украина ва НАТО давлатлари – Польша, Латвия ва Литва билан чегарадош.

Мудофаа вазирлиги маълум қилишича, махсус парвоз "Славян биродарлиги - 2020" қўшма ҳарбий машқлар доирасида амалга оширилди.

Учувчилар Белоруссия ҳаво кучларининг қирувчи самолётлари билан қўшма гуруҳнинг ерда ҳаракатларини мувофиқлаштириш машқини ўрганииб чиқишди.

267

COVID, қурол ва тинчлик. Путиннинг БМТдаги чиқиши

470
(Янгиланган 22:22 22.09.2020)
Иккинчи жаҳон уруши якунларининг ўзбошимчалик билан шарҳлаш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

ТОШКЕНТ, 22 сен - Sputnik. Россия президенти Владимир Путин БМТ Бош ассамблеясида нутқ сўзлади ва ташкилот низомининг аҳамияти ҳақида эслатиб ўтди.

БМТ ўз вазифасини муносиб бажармоқда, деди Путин

Путин 2020 йилда дунё Иккинчи жаҳон уруши якуни ва БМТ ташкил топганининг 75 йиллигини нишонлаётганини эслатиб ўтди.

"БМТ низоми халқаро ҳуқуқнинг бош манбаи бўлиб қолмоқда, ўтган йиллар эса Ташкилот "тинчликни сақлаш, халқлар ва минтақаларнинг барқарор ривожланиши ҳамда маҳаллий инқирозларни енгиб ўтишда ёрдам ёрдам бериш сингари ўзининг бош миссиясини муносиб амалга ошираётганини кўрсатди", - деди Путин.

Россия етакчиси БМТ бугунги кун реалликларига мослашиши зарурлигини қўшимча қилди.

Пандемия вақтида инсонпарварлик танқислиги

Пандемия вақтида давлатлараро даражада инсонпарварлик танқислиги ҳолатлари учради, БМТ ўз обрўйини ишлатиши керак, деб ҳисоблайди РФ етакчиси Владимир Путин.

"Кўплаб мамлакатлар ҳеч қандай манфаатсиз ва очиқчасига бир-бирига ердам беришди ва ёрдам бериб келишмоқда. Аммо, шундай ҳолатлар бўлдики, давлатлараро, расмий даражаларда инсонпарварлик, хоҳланг, яхшилик, деб айтинг, танқислиги ўзини кўрсатди. Фикримизча, БМТ обрўйи кўпёқлама ва иккиёқлама муносаббатларда инсонпарварлик, одамгарчилик ролини мустаҳкамлаш ва оширишга хизмат қила олар эди.Бу жамоатчилик ва ёшлар алмашинуви, маданий алоқалар, ижтимоий ва таълим дастурлари, спорт, илмий технологиялар, атроф-муҳит ва одамлар саломатлигини муҳоқаза қилиш соҳаларидаги кооперациялардир", - деди Путин.

Тарихни сохталаштиришга уриниш ҳақида

Иккинчи жаҳон уруши якунларининг ўзбошимчалик билан талқин қилиш сингари сиёсий уринишлар калтабинликдир ва урушдан кейинги дунё тартиботи асосларига путур етказади, дея таъкидлади Путин ўз чиқишида.

"Тарих сабоқларини унутиш калтабинлик ва ўта масъулиятсизликдир, худди Иккинчи жаҳон уруши сабаби, бориши ва якунларини ўзбошимчалик билан, фактларга эмас, балки уйдирмаларга таянган ҳолда сиёсийлаштириб талқин қилишга уриниш сингари. Иттифоқдошлар анжумани ва Нюрнберг трибунали қарорларини бошқачалаштириш - бу шунчаки тубанлик ва нацизмга қарши курашганлар хотираси олдида жиноят. Бу урушдан кейинги дунё тартиботи асосларига тўғридан-тўғри ва қақшаткич зарба бериш билан тенг", - деди Путин.

Бу айниқса, глобал барқарорлик жиддий синовларга дуч келаётган бир шароитда жуда хавфли, дея қўшимча қилди РФ президенти.

Яшил йўлаклар ҳақида

Россия Федерациясининг савдо, шу жумладан, озиқ-овқат маҳсулотлари учун мўлжалланган ва савдо урушлари ва санкциялардан холи "яшил йўлаклар" ҳақидаги таклифи айниқса шу ниҳоятда долзарбдир, деб хабар қилди Владимир Путин.

"Россиянинг савдо урушлари ва санкцияларидан холи бўлган, биринчи навбатда пандемияга қарши курашишда зарур бўлган муҳим товарлар, озиқ-овқат, дори-дармон воситалари, шахсий ҳимоя воситалари учун зарур бўлган "яшил йўлаклар" дея номланувчи таклифига эътибор қаратишларингизни истардим. Ва умуман олганда, жаҳон савдосини тўсиқлар, таъқиқлар, чекловлар, ноқонуний санкциялардан тозалаш, озод қилиш глобал ўсишни тиклаш ва ишсизликни камайтириш учун яхши ёрдам бўлиши мумкин эди ", деди Путин БМТ Бош ассамблеясининг 75-сессиясидаги сўзлаган нутқи давомида.

Киберхавфсизлик муаммоси

Путин рақамли технологияларнинг экстремист ва террорчилар қўлига тушиши мумкинлиги, шу боис, киберхавфсизлик муаммоси эътиборга моликлиги хусусида огоҳлантирди.

"Ҳар қандай бошқа инновациялар сингари рақамли технологиялар бошқариб бўлмас тарқалиш хусусиятига эга. Худди оддий қурол сингари у нафақат минтақавий можаролар зонаси, балки ўзига тўқ фаровон мамлакатларда турли хил радикал ва экстремистлар қўлига тушиши ва бу орқали улкан хатарларни юзага келтириши мумкин", - деди Путин.

Путинга кўра, шу муносабат билан киберхавфсизлик масалалари, энг олд рақамли технологияларни қўллаш мавзулари БМТ майдонида энг жиддий мулоқот олиб боришга лойиқ. Янги даврда одамлар ҳуқуқлари ва шахсий ҳаётга бўлган ҳуқуқлари қай даражада ҳимояланган бўлади, бу борада одамларни эшитиш, улар хавфсираётган нарсаларни тушуниш муҳим", - деди Путин.

470