ТОШКЕНТ, 29 сен — Sputnik. Жаҳон соғлиқни сақлаш ташкилоти (ЖССТ) соғлиқни сақлаш бўйича фавқулодда вазиятлар дастури директори Майкл Райан коронавирус билан боғлиқ ўлим ҳолатларининг сони расмий маълумотлардан кўра, ҳойнаҳой, камроқ эканини маълум қилди.
“Сизни тинчлантириш учун - мамлакатлардаги бахтсиз ҳодисалар ёки бошқа касалликларнинг COVID-19 га ёзиб қўйилиши даргумон. Эҳтимол, бу ҳисоб-китоблар мукаммал эмасдир. Бу рақамлар коронавирус билан боғлиқ барча ҳолатларини (COVID дан ўлим – таҳр.) ўз ичига олмайди деб тахмин қилиш мумкин”, – деди Райан онлайн брифингда. Унинг сўзларидан РИА Новости иқтибос келтирмоқда.
ЖССТ 11 март куни янги коронавирус тарқалишини пандемия деб эълон қилди.
COVID-19 қурбонлари сони бугунга келиб бир миллиондан ошиб кетган. Дунё бўйлаб 33,5 миллиондан зиёд киши коронавирус юқтириб олган.
Worldometers маълумотларига кўра, энг кўп ўлим АҚШ (209 минг), Бразилия (142 минг) ва Ҳиндистонда (96 минг) қайд этилган.
