Экс-президент СССР Михаил Горбачев

Горбачёв АҚШнинг бўлғуси президентига маслаҳат берди

542
Собиқ иттифоқ президенти Михаил Горбачёв ядровий қуролланиш пойгаси назоратдан чиқиб кетишидан хавотир билдирган.

ТОШКЕНТ, 29 сен — Sputnik. Собиқ иттифоқ президенти Михаил Горбачёв АҚШ президенти сайловларниинг  бўлғуси ғолибини пайсалга солмасдан  Россия президенти Владимир Путин билан учрашув ўтказишга чақирди. Бу ҳақда у “The Times” нашрига берган интервьюсида маълум қилди.

Горбачёв ядровий қуролланиш пойгаси назоратдан чиқиб кетишидан хавотир билдирган.

“Вазият ўта таҳликали. Сайлов натижаларидан қатъи назар, ҳозирги музлик давридан чиқиш учун мулоқотни тиклашимиз зарур. Ҳар икки мамлакат президентлари томонидан кучли туртки даркор”, — дея фикрлари билан ўртоқлашган у.

Горбачёв Россия ва Қўшма Штатлар “иккинчи Рейкьявик”ни ўтказишлари шарт деб ҳисоблайди (у Рональд Рейган билан 1986 йили Исландияда ўтказган учрашувини кўзда тутган).

“1980-йиллар ўрталарида Совет иттифоқи ва АҚШ ўртасидаги муносабатлар ҳозиргидан анча мураккаб эди. Шунга қарамай, ўзаро ишонч, тушуниш, мулоқот орқали муаммога ечим топа олганмиз”, — дея таъкидлади СССР собиқ президенти.

Сиёсатчи АҚШнинг янги ядровий қурол яратиш борасидаги режаларидан қаттиқ ташвишда эканини ҳам билдирди.

АҚШда президент сайловлари 2020 йилнинг 3 ноябрь куни бўлиб ўтади. Иккинчи муддатга номзодини илгари сураётган Дональд Трамп ва Демократлар вакили Жо Байден ўртасида президентлик курсиси учун кураш кечади.

Стратегик ҳужумкор қуролланишни (СНВ-3) қисқартириш тўғрисидаги шартнома АҚШ ва Россия ўртасидаги қуролланишни чеклашга қаратилган амалдаги ягона шартнома. Унинг амал қилиш муддати 2021 йилнинг 5 февралида ўз ниҳоясига етади. Путин ушбу шартномани ортиқча шартларсиз яна беш йилга узайтиришни таклиф қилган. Оқ уй эса шартномага Хитойни ҳам қўшиб, Москва, Пекин ва Вашингтон ўртасида янги уч томонлама шартнома тузиш зарурлигини таъкидламоқда. Хитой бу ғоядан бош тортмоқда.

Россия ҳукумати Москва АҚШнинг ушбу шартномани узайтиришга бўлган кайфиятини кўрмаётганини таъкидлаган эди. Россия ТИВ Сергей Лавров аввалроқ америкалик ҳамкорларнинг амалга ошмайдиган талаблари, жумладан, Хитой иштирокига доир таалабларини қаноатлантирмаслигини маълум қилган эди.

542

Ёвузлик худоси: Ерга хавф солаётган астероидда жиддий ўзгариш аниқланди

171
Гавайи университети олимлари Ерга таҳдид солаётган Апофис астероид ҳаракатида хавфли ҳодисани аниқладилар.

ТОШКЕНТ, 29 окт — Sputnik. Гавайи университети Астрономия институти олимлари 2068 йилда фазовий жисмининг Ер билан тўқнашув эҳтимоллигига таъсир қилиши мумкин бўлган Апофис астероиди ҳаракатида ўзгаришларни аниқлади. РИА Новости хабарига асосан.

Астероидни кузатиш жараёнида тадқиқотчилар Апофис Ярковский эффекти туфайли ўз орбитасидан йилига 170 метрга узоқлашаётганини аниқладилар, бунда иссиқлик нурланиш туфайли кундузи исиниб, кечаси совиш импульси туфайли астероид реактив кучланиш олади.

Бу эффект аниқлашидан олдин, олимлар 2068 йилда астероиднинг ер билан тўқнашуви имконсиз деб ҳисоблашган, аммо энди олимлар қўшимча тадқиқот ўтказишлари керак.

Диаметри 325 метр бўлган Апофис астероиди 2004 йилда аниқланган. Бу кашфиёт шов-шувга сабаб бўлди - ҳисоб-китоблар шуни кўрсатдики, қадимги Мисрнинг ёвузлик ва ҳалокат худоси шарафига номланган – Апофис астероиди 2029 йилда Ер билан тўқнашиши мумкин, бу эҳтимол 2,7 фоизга тенг.

Кейинчалик олимлар ушбу таҳдидни рад этишди, 2029 йил 13 апрелда астероид Ер марказидан 37,6 минг километр узоқликда учиб ўтишини ҳисоблашди.

171

Россиядаги кўршапалакларда коронавирус аниқланди

174
Мутахассиснинг қайд этишича, кўршапалаклар, масалан, тулки ва типратикон сингари бошқа ёввойи жониворларга қараганда хавфлироқ эмас

ТОШКЕНТ, 29 окт - Sputnik. Роспотребнадзор мутахассислари Россиядаги кўршапалакларда коронавирусни аниқладилар, аммо бу қайси типдаги вируслиги ҳақида гапиришга ҳали эрта, деб хабар қилган РИА Новостига Роспотребнадзор вакили Анна Сперанская.

Август ойи охирида Роспотребнадзор Россиянинг турли регионларида мавжуд кўршапалакларда коронавирусни аниқлаш бўйича тадқиқот бошлаган эди. Ушбу лойиҳа вируслар ва эпидемик хатарлар тарқалиши эҳтимолий йўлларини баҳолашга ёрдам бериши керак.

"Россияда яшовчи кўршапалакларда аллақандай (айнан қандай турдаги, ҳозирча номаълум) коронавируслар бор. Айнан қандайлиги - тадқиқотда аниқланади. Шунингдек, тадқиқот "шу баҳонада топилган" бир қатор бошқа вируслар геномлари кетма-кетлигини аниқлаш имконини берди", - деди Сперанская.

Мутахассиснинг қайд этишича, кўршапалаклар, масалан, тулки ва типратикон сингари бошқа ёввойи жониворларга қараганда хавфлироқ эмас. Чунки бу ёввойи ҳайвонлар ҳам инсон учун хавфли бўлган вируслар ташувчилари бўлиши мумкин. Инсон кўршапалакларни қўли билан тегинмасликка ҳаракат қилса, уларнинг инига суқилмаса, улар яшайдиган жойларни хонавайрон қилмаса, шунинг ўзи етарли, дея тушунтиради Сперанская.

Кўршапалаклар устидан тадқиқотлар ҳали якунлангани йўқ, у икки йилча давом этади, деб таъкидлади мутахассис.

174
Здание МВД Узбекистана в Ташкенте

ИИВ фуқароларга огоҳлантириш билан чиқди

7
Вазирлик хабарига кўра, ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

ТОШКЕНТ, 29 окт — Sputnik. Ўзбекистон Ички ишлар вазирлиги фуқароларга огоҳлантириш билан чиқди.

Хабарда ёзилишича, айни кунларда ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

“Шу муносабат билан, ижтимоий тармоқ фойдаланувчиларига турли радикал, диний экстремистик ва ислом динига ёт бўлган ғояларни тарғиб қилувчи маълумотларни тайёрлаш, сақлаш ва тарқатиш Ўзбекистон Республикаси Жиноят кодексининг 156-модда (Миллий, ирқий, этник ёки диний адоват қўзғатиш), 244 прим 3-модда  (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) ларида белгиланган жавобгарликка тортилишига сабаб бўлиши ҳақида огоҳлантирамиз”,  - дейилган хабарда.

Ижтимоий тармоқ фойдаланувчиларидан (журналист, блогер ва фуқаролар) омма эътиборига ҳавола қилинаётган маълумотларни аввало қонунга хилоф эмаслигини ўрганиб чиқиш сўралган.

7