Бишкекда Оқ уй ишғол қилинди, Атамбаевни озод қилишди. Ҳозир нималар бўляпти - тафсилотлар

1421
(Янгиланган 10:25 06.10.2020)
Бугун тунда намойиш иштирокчилари Оқ уйга киришди. Шунингдек, митингчилардан иборат гуруҳ Қирғизистон миллий хавфсизлик қўмитаси биносига қараб йўл олишган. Бишкекда нималар содир бўлмоқда - тафсилотлар

ТОШКЕНТ, 6 окт - Sputnik. 5 октябр куни туш вақтидан бошлаб Ала-Тоо майдонида мухолиф кучлар норозилик акцияси бўлиб ўтди. Парламент сайловлари дастлабки якунларидан норизо бўлган 3-4 минг одамлар тўпланишди. Оқ уй дарвозаларини ишғол қилишга бўлган уринишдан сўнг милиция ва митингчилар ўртасида бир неча соатга чўзилган тўқнашувлар бошланди. Тунда митинг иштирокчилари Оқ уйга бостириб киришган.

Sputnik Қирғизистон журналистлари шаҳарда тун давомида рўй берган ҳодисаларни ёритганлар. Тун давомида Оқ уй мухолифатчилар қўлига ўтди, собиқ президент Алмазбек Атамбаев эса озод этилди.

Нашр хабарига кўра, можаро кеч соат 8 ларга ўта зиддий тус ола бошлаган: митинг иштирокчилари Оқ уй Оқ уй дарвозасини ишғол қилишни бошлаган, одамлар девордан ошишга ҳаракат қилган, бино тошбўрон қилинган.

Худди шу вақтда майдонда "спецназ" пайдо бўлган. Куч тузилмалари шовқин гранаталари ва кўз ёш келтирувчи газ ёрдамида митинг қатнашчиларини "Ала-Тоо" майдонидан тарқатиб юборишга муваффақ бўлган, аммо норозилик акцияси иштирокчилари ўз позицияларини бой беришга шошилмади.

Бир неча нафар йирик сиёсатчилар жароҳатланган. Хусусан, резина ўқдан "Ата Мекен" партияси раҳбари Жанар Акаев жабрланган, "Мекен ынтымагы" партиясидан депутатликка номзод Темирбек Асанбеков ҳам жароҳат олган.

Куч тузилмалари ва норозилик намойиши иштирокчилари ўртасидаги зиддиятли тўқнашув бир неча соат давом этган. Касалхоналарга жароҳатланганлар етказиб турилган. Жами 590 нафарга яқин инсон жабрланган. Бир нафари олган жароҳатлари оқибатида ҳалок бўлган. 13 киши реанимацияда қолмоқда.

Тонг саҳар учга келиб, Оқ уй митинг намойишчилари қўлига ўтган, куч тузилмалари эса умуман кўриниш бермаган.

Эрталаб 4га келиб, митинг қатнашчиларининг бир қисми Қирғизистон Миллий хавфсизлик қўмитаси биносига қараб йўл олган.

Улар собиқ президент Алмазбек Атамбаевнинг озод этилишини талаб қилганлар. Идора девори йўқ қилинган.

Музокаралар бўлиб ўтганидан ярим соатдан сўнг собиқ давлат раҳбари ўз тарафдорлари қуршовида бўлган.

Эрталаб соат еттида, бу вақтга келиб, мухолифатчилар қўлига ўтган Оқ уйдан тутун чиқа бошлаган.

7.30 га келиб, собиқ бош вазир Сапар Исаков ва собиқ депутат Равшан Жээнбековларнинг озод этилганликлари ҳақида маълум бўлди.

Ҳозирда майдонда 1,5 мингдан зиёд митинг қатнашчилари бўлиб турибди. Оқ уйдаги ёнғин ўчирилган, волонтерлар эса ахлат ва тошларни йиғиштиришга ёрдам беришмоқда.

Эрталаб тўққизга яқин президент матбуот-котиби Толгонай Стамалиева давлат раҳбари вазиятни назорат қилаётгани хусусида баёнот билан чиқиш қилган.

1421

Россия элчиси АҚШнинг Европадаги гипертовушли ракеталар ҳақидаги баёнотига жавоб қайтарди

40
Аввалроқ Вашингтон Россияни тутиб туриш учун Европада гипертовушли қурол ва баллистик ракета жойлаштиришга тайёрлигини маълум қилган эди.

ТОШКЕНТ, 29 окт — Sputnik. Россиянинг Вашингтондаги элчиси Анатолий Антонов Европадаги ракета қуролланиш пойгасидан огоҳлантирди.

Дипломат АҚШ президентининг миллий хавфсизлик бўйича маслаҳатчиси Роберт О'Брайеннинг баёнотига шундай муносабат билдирди. О'Брайен 28 октябрь куни Вашингтон Россияни тутиб туриш учун Европада гипертовушли қурол ва баллистик ракета жойлаштиришга тайёрлигини маълум қилганди.

“Шунга ўхшаш ниятлар минтақа ва глобал хавфсизлик мувозанати йўқолиш хавфини туғдиради, қарама-қаршилик потенциалининг ошишига олиб келади. <...> Агар Вашингтон ҳақиқатдан ҳам “қуролланиш устидаги реал назоратдан” манфаатдор бўлса, бунинг учун Европа қитъасида ракета қуролланиш пойгасини кескинлаштиришнинг ҳожати йўқ”, - деган Антонов. Унинг баёнотини Россия элчихонаси Facebook᾽даги саҳифасида эълон қилди.

Россия элчиси Владимир Путин Ўрта ва қисқа масофага учувчи ракеталарни йўқ қилиш шартномаси (ДРСМД) тўхташи шароитида кескинликка барҳам бериш таклифини “конструктив муқобил” деб атаган.

“Россия Европа қитъаси ва дунёнинг бошқа минтақаларида янги ракета қуролланиш пойгасининг олдини олиш бўйича хорижлик ҳамкорлари билан биргаликдаги саъй-ҳаракатларга тайёр”, - дея хулоса қилган Антонов.

Эслатиб ўтамиз, аввалроқ Россия ТИВ Ғарбнинг Россия президентининг ДРСМДга оид таклифига бўлган муносабатини масъулиятсизлик деб атаган эди.

40

Ёвузлик худоси: Ерга хавф солаётган астероидда жиддий ўзгариш аниқланди

227
Гавайи университети олимлари Ерга таҳдид солаётган Апофис астероид ҳаракатида хавфли ҳодисани аниқладилар.

ТОШКЕНТ, 29 окт — Sputnik. Гавайи университети Астрономия институти олимлари 2068 йилда фазовий жисмининг Ер билан тўқнашув эҳтимоллигига таъсир қилиши мумкин бўлган Апофис астероиди ҳаракатида ўзгаришларни аниқлади. РИА Новости хабарига асосан.

Астероидни кузатиш жараёнида тадқиқотчилар Апофис Ярковский эффекти туфайли ўз орбитасидан йилига 170 метрга узоқлашаётганини аниқладилар, бунда иссиқлик нурланиш туфайли кундузи исиниб, кечаси совиш импульси туфайли астероид реактив кучланиш олади.

Бу эффект аниқлашидан олдин, олимлар 2068 йилда астероиднинг ер билан тўқнашуви имконсиз деб ҳисоблашган, аммо энди олимлар қўшимча тадқиқот ўтказишлари керак.

Диаметри 325 метр бўлган Апофис астероиди 2004 йилда аниқланган. Бу кашфиёт шов-шувга сабаб бўлди - ҳисоб-китоблар шуни кўрсатдики, қадимги Мисрнинг ёвузлик ва ҳалокат худоси шарафига номланган – Апофис астероиди 2029 йилда Ер билан тўқнашиши мумкин, бу эҳтимол 2,7 фоизга тенг.

Кейинчалик олимлар ушбу таҳдидни рад этишди, 2029 йил 13 апрелда астероид Ер марказидан 37,6 минг километр узоқликда учиб ўтишини ҳисоблашди.

227
Гостиница Узбекистан в центре Ташкента

Ўзбекистон дунёнинг энг хавфсиз мамлакатлари ўнталигига кирди

21
“Gallup” Халқаро тадқиқот институти рейтингида Ўзбекистон дунёнинг энг хавфсиз мамлакатлари ўнталигига киритилди.

ТОШКЕНТ, 29 окт — Sputnik. “Gallup” Халқаро тадқиқот институти “Глобал қонун ва тартиб” бўйича йиллик бутунжаҳон рейтингини эълон қилди.

Рейтингга кўра, Ўзбекистон дунёнинг энг хавфсиз мамлакатлари ўнталигига киритилган. Мамлакат 100 дан 92 балл тўплаган.

Всемирный индекс закона и порядка

Исландия, Қувайт, Норвегия, Aвстрия, Швейцария ва Бирлашган Aраб Aмирликлари ҳам кучли ўнликка кирган.

Биринчи ўринни 97 балл билан Сингапур эгаллаган бўлса, Туркманистон (97) иккинчи, Хитой эса (94) учинчи поғонадан ўрин олган. Сўнгги ўринни 43 балл билан Афғонистон банд қилган.

Таъкидланишича, Сингапур бир неча йиллардан бери ушбу рейтингда етакчилик қилмоқда. Афғонистон эса кетма-кет иккинчи йил охирги ўринда қайд этилмоқда.

21