Флаг ЕС

Беларусдаги ЕИ давлатлари элчиларининг бир қисми маслаҳатлашув учун чақириб олинмоқда

96
Ўтган ҳафтада Польша ва Литва давлатларига Беларусда дипломатик ваколатхоналарни қисқартириш таклиф қилинган эди.

ТОШКЕНТ, 6 окт – Sputnik. Европа иттифоқи давлатлари элчиларининг бир қисми Беларусдан маслаҳатлашув учун чақириб олинмоқда, бу ҳақда Польша ташқи ишлар вазири Збигнев Рау ўзининг Twitter ижтимоий тармоғидаги саҳифасида маълум қилди.

"EEAS (Европа ташқи алоқалар хизмати) ва ЕИ аъзолари бўлган давлатлар билан келишган ҳолда – биз Беларусь Республикасида бўлиб турган элчиларнинг бир қисмини маслаҳатлашув учун чақириб олиш қарорини қабул қилдик", – дейилади хабарда.

Айнан қайси мамлакатлар ўз дипломатик ваколатхоналарини чақириб олишларига аниқлик киритилмаган.

Элчиларнинг чақириб олиниши

Ўтган ҳафтада Беларусь ТИВ томонидан Литва ва Польшага Беларусдаги дипломатлар сонини қисқартириш, шунингдек, маслаҳатлашув учун чақириш таклиф этилган эди. Бундан ташқари, Минск, 5 октябрлан бошлаб ушбу давлатлардаги ўз элчиларини маслаҳатлашув учун чақириб олди.

Беларус ТИВ хабарига кўра, "бу ҳолат ушбу давлатлар томонидан бўлаётган очиқ деструктив (бузғунчилик) фаолияти билан боғлиқ.

Литва ва Польша ҳукумати ушбу шартларни бажариш масаласини кўриб чиқмаётгани ҳақида баёнот берган эди, аммо душанба куни Литва ўз элчисини чақириб олиш қарорини қабул қилган маълум бўлди.

Элчихона штатини қисқартирмаслик бўйича келишувга эришилмади.

Протестлар ва айбловлар

Беларусда протестлар акцияси 9 августда бўлиб ўтган президент сайловларидан сўнг бошланган эди – уларда, МСК маълумотларига кўра, 80%дан ортиқ овоз олган Лукашенко ғалаба қозонганди.

Беларус ҳукумати кўп маротаба акциялар чет элдан туриб мувофиқлаштирилаётгани ҳақида баёнот берган. Президент Александр Лукашенко Ғарб мамлакатларини республика ишларига тўғридан-тўғри аралашувда айблади ва тартибсизликлар АҚШдан йўлланма олаётгани, мувофиқлаштириш ишлари эса Литва, Польша, Украина ва Чехиядан туриб амалга оширилаётганини айтди.

Ўтган ҳафтада Европа иттифоқи Минскка қарши санкциялар киритилишини эълон қилди ва 40га яқин Беларус ҳукумати вакиллари киритилган "қора рўйхатни" чоп этди. Беларус президенти Александр Лукашенко рўйхатдан ўрин олмади.

Минск Беларусь Европа ҳукумати органлари вакилларига нисбатан виза санкцияларини киритишини хабар қилди, аммо беларус ҳукумати ҳозирча уни эълон қилмайди.

96
Эйфелева башня в Париже

Париж мусулмон давлатларидан француз товарлари бойкотини тўхтатишни талаб қилди

198
(Янгиланган 13:02 26.10.2020)
Франция ташқи ишлар вазирлиги айрим мусулмон давлатларининг француз маҳсулотларини бойкот қилишга чақириқларини маъносиз деб атади ва бундай ҳаракатлар зудлик билан тўхтатиш кераклигини таъкидлади.

ТОШКЕНТ, 26 окт — Sputnik. Франция ташқи ишлар вазирлиги айрим мусулмон давлатларининг француз маҳсулотларини бойкот қилишга чақириқларини мақсадсиз деб атади ва бундай ҳаракатлар зудлик билан тўхтатиш кераклигини таъкидлади. РИА Новости хабарига асосан.

"Сўнгги кунларда Яқин Шарқнинг бир нечта давлатларида Франция маҳсулотларини, айниқса қишлоқ хўжалиги маҳсулотларини бойкот қилишга, шунингдек, Францияга қарши намойишлар ўтказишга, баъзи ҳолатларда ижтимоий тармоқларда нафратли чақириқлар кўринишида чақириқлар тарқатилди", - дейилган баёнотда.

Ташқи ишлар вазирлиги вакилининг сўзларига кўра, бу чақириқлар Франция виждон эркинлиги, сўз эркинлиги, дин эркинлиги ва нафратга бўлган ҳар қандай чақириқларни рад этишни ҳимоя қиладиган позицияни бузиб кўрсатади.

"Шунингдек, улар республика президентининг 2 октябр куни Ле Мюрода Самюэл Пати (ўлдирилган ўқитувчи. - таҳр.) билан видолашув маросимида радикал исломга қарши курашга қаратилган баёнотларни бузиб кўрсатиб, сиёсий мақсадларда фойдаланмоқда”, - деб таъкидлади ТИВ вакили.

"Бойкот қилиш чақириқлари мақсадсиз ва радикал озчилик томонидан мамлакатимизга қарши қаратилган барча ҳужумлар дарҳол тўхтатилиши керак", дейилган баёнотда.

198
Большая дизель-электрическая подводная лодка Волхов

Кучли торпеда: National Interest Россия сувости кемасидан ҳайратда қолди

326
(Янгиланган 13:36 26.10.2020)
The National Interest нашри Россиянинг Б-603 Волхов дизел-электр сувости кемасини баҳолади ва Россия ҲДФнинг Тинч океани флотининг 636 лойиҳасини "таъсирчан қуроллар" билан қуролланган сувости кема, деб атади.

ТОШКЕНТ, 26 окт — Sputnik. Американинг The National Interest нашри Россиянинг Б-603 Волхов дизел-электр сувости кемасини баҳолади ва Россия ҳарбий-денгиз флотининг Тинч океани флотининг 636 лойиҳасини "таъсирчан қуроллар" билан қуролланган сувости кема, деб атади.

Журнал таъкидлашича, бу сувости кемалари “Калибр-ПЛ” ракета тизими ва 533 мм торпедалар қуролланган бўлиб, замонавий радар ва алоқа тизимлари билан жиҳозланган.

Мақола муаллифи бундай сувости кемалари шовқин даражаси пастлиги сабабли "қора тешиклар" деб номланганини таъкидлади, бу турдаги сувости кемалари саёз сувда ва қирғоқ сувларида операцияларни ўтказиш учун, шунингдек, денгиз ости урушларига мўлжалланганлигини тушунтирди.

“Волхов” лойиҳаси сувости кемалари учинчи авлодга тегишли, уларнинг сиғими 3,95 минг тоннани ташкил этади, сув остида тезлиги 20 узелни ташкил этади, сув остига тушиш чуқурлиги 300 метрни ташкил этади, экипаж 52 кишидан иборат.

 Улар энг сўнгги инерциал навигация тизими, замонавий автоматлаштирилган маълумотларни бошқариш тизими, юқори аниқликдаги ракета қуроллари ва кучли торпеда қуроллари билан жиҳозланган.

Ҳозирда яна иккита “Магадан” ва “Уфа” сув ости кемалари қурилмоқда.

326
Волк

Бўрилар галаси улкан айиққа ҳужум қилди видео

12
(Янгиланган 14:25 26.10.2020)
Йеллоустон табиат паркида туристлар бўрилар галаси ўлжага яқинлашган айиққа ҳужум қилиши тасвирга олинди.

ТОШКЕНТ, 26 окт — Sputnik. Йеллоустон табиат паркида туристлар бўрилар галаси айиққа ҳужум қилишига гувоҳи бўлди.

Бу ҳолатни гид Адам Брубейкер тасвирга олди.

Унинг сўзларига кўра, айиқ ўлжанинг ҳидини сезиб қолади ва яқинлашишга ҳаракат қилади, аммо бўрилар бунга имкон бермайди.

“Ўн бошга яқин бўри гризли-айиқни ўраб олади ва ўлжа яқиндан ҳайдаб юборишди”, - дейди Брубейкер.

Йиртқичлар ўртасидаги беллашув бир неча дақиқа давом этди, бўрилар айиқни дарахтзор томон қувиб юборишди.

12