Участники акции протеста в Бишкеке. Протестующие требуют аннулировать итоги парламентских выборов.

Қирғизистон молия вазирлиги барча операцияларни тўхтатди

357
(Янгиланган 17:04 06.10.2020)
Қирғизистонда вужудга келган вазият туфайли Молия вазирлиги барча операцияларни қонуний ҳукуматнинг махсус буруғига қадар тўхтатди.

ТОШКЕНТ, 6 окт - Sputnik. Қирғизистон молия вазирлиги орқали ўтадиган барча молия операциялари тўхтатилди. Бу ҳақида вазирлик хабар қилмоқда.

Хабарда айтилишига кўра, ушбу чора Республикада барқарор вазият ҳамда қонуний ҳукумат ўрнатилганига қадар давом этиши мумкин.

“Қирғизистон Республикаси Молия вазирлигининг марказий аппарати ва унинг тизими бўлимлари вакиллари мамлакатда вужудга  келган ҳолат туфайли фавқулодда мажлис ўтказди. <…> Мамлакатда вужудга келган ҳолат туфайли вазирлик орқали ўтадиган барча операциялар қонуний ҳукуматнинг махсус буйруғига қадар вақтинча тўхтатилди”, - дейилган хабарда.  

Шу билан бирга вазирлик Қирғизистонда янги халқ ҳукуматини тан олишини ва янги вазир вазифасини бажарувчи тайинланганини маълум қилган.

“Мажлисда халқ вакиллари ҳам иштирок этишди, халқ ҳукумати тан олинди ва Мукашев Кыялбек Белековични молия вазири вазхифасини бажарувчи этиб тайинлашди”, - дейилган вазирлик хабарида.

Айни дамда Қирғизистон фуқаролари банкоматлардан фойдалана олмаяптилар. Қирғизистон банклар ассоциацияси президенти Анвар Абдраев айтишига кўра, банкоматлардан барча маблағлар хавфсизликни таъминлаш мақсадида олиб қўйилган. 

Эслатиб ўтамиз, душанба куни Бишкекнинг марказий майдонида 2 мингга яқин одамлар тўпланиб 4 октябр куни бўлиб ўтган парламент сайловлари натижаларини тан олмасликларини хабар қилшган эди. Шундан сўнг намойишчилар Парламент ва Ҳукумат биноларини ҳамда Давлат Хавфсизлик қўмитаси биносини ишғол қилишган. У ерда Қирғизистон собиқ президенти Атамбаевни озод қилишган эди.  

Шундан сўнг Қирғизистон собиқ ИИВ вазири Курсан Асанов ўзини  Бишкек шаҳар коментанти собиқ дпутат Алмамбет Шыкмаматов ўзини Бош прокурор вазифасини бажарувчи деб эълон қилган эди. МСҚ парламент сайловлари натижаларини бекор қилди. Ушбу воқеалардан сўнг бир неча шаҳар мэрлари ўз ихтиёрлари билан истеъфога чиқишди.

357

Жапаров Қирғизистон президенти сайловларида номзодини илгари суради

8
Қирғизистон президенти вазифасини бажарувчи Садир Жапаров сайловларда иштирок этиш учун декабрь ойида президент ваколатларини зиммасидан соқит қилмоқчи.

ТОШКЕНТ, 26 окт — Sputnik. Қирғизистон президенти вазифасини бажарувчи, бош вазир Садир Жапаров давлат раҳбари лавозимига ўз номзодини илгари суришини маълум қилди.

Жапаровнинг сўзларига кўра, бунинг учун у декабрда истеъфога чиқишни режалаштирмоқда.

“Мен бошқалар қатори сайловларда иштирок этаман. Агар ғалаба қозонсам президент бўламан, бўлмаса барча каби оддий фуқаро бўламан”, - деди Жапаров. Унинг сўзларидан Sputnik Қирғизистон иқтибос келтирган.

Қирғизистонда муддатидан аввалги президент сайловлари 2021 йил 10 январь куни бўлиб ўтади. Мамлакат Конституциясига биноан президент в.б. ўз номзодини илгари суриш ҳуқуқига эга эмас.

Аввалроқ Жапаров агар қонунчиликка тегишли ўзгартириш киритилса, президент сайловларида иштирок этишга тайёрлигини маълум қилган эди.

8

“Спутник V” вакцинасини яна бир ишлаб чиқарувчиси рўйхатга олинди

19
(Янгиланган 15:07 26.10.2020)
Россия Соғлиқни сақлаш вазирлиги “Спутник V” вакцинасининг яна бир ишлаб чиқарувчисини рўйхатга олди.

ТОШКЕНТ, 26 окт — Sputnik. Россия Соғлиқни сақлаш вазирлиги “Спутник V” вакцинасининг яна бир ишлаб чиқарувчиси – “Генериум” компаниясини рўйхатга олди.

Пандемияга уч марта зарба: Россияда коронавирусга қарши 3-чи вакцинани синовлари бошланди
Ruptly / РФПИ / АФК "Система", завод "Биннофарм" / Роспотребнадзор

Бундан аввал препаратни рўйхатга олиш гувоҳномасига Гамалея эпидемиология ва микробиология илмий-тадқиқот маркази “Медгамал” филиали ва “Биннофарм” компанияси киритилган эди.

Янги ишлаб чиқариш майдонлари ишлаб чиқарилаётган вакцина ҳажмини сезиларли даражада оширади.

Августда ССВ Гамалея электрокимё тадқиқот маркази томонидан ишлаб чиқилган COVID-19нинг олдини олиш учун дунёдаги биринчи вакцинани рўйхатдан ўтказганди. Уни “Спутник V” деб номлашди.

Октябр ойида Роспотребнадзорнинг Вектор марказида яратилган яна бир маҳаллий “ЭпиВакКорона” препарати рўйхатдан ўтказилди. Шунингдек, ҳозирги вақтда Россия Фанлар академиясининг Чумаков номидаги иммунобиологик препаратларни тадқиқ қилиш ва ривожлантириш марказидан вакцина клиник синовлардан ўтмоқда.

Соғлиқни сақлаш вазири Михаил Мурашконинг сўзларига кўра, оммавий эмлаш катта ишлаб чиқариш ҳажмлари ишга туширилгандан сўнг бошланади. Бу бепул бўлади.

Саноат ва савдо вазирлиги раҳбари Денис Мантуров Россияда “Спутник V” вакцинасини ишлаб чиқариш ҳажмларини йил охирига қадар бир ярим миллион дозага етказиш режалаштирилганлигини маълум қилганди.

19