Қорабоғда Озарбайжон армияси “тузоққа” тушиб қолди - Пашинян

1205
(Янгиланган 12:45 08.10.2020)
Арманистон бош вазири Никол Пашинян Озарбайжон ҳарбийлари Тоғли Қорабоғда "тузоққа" тушиб қолганини айтди.

ТОШКЕНТ, 8 окт — Sputnik. Арманистон бош вазири Никол Пашинян Озарбайжон ҳарбийлари Тоғли Қорабоғда "тузоққа" тушиб қолганини айтди. Бу ҳақда у РБК телеканалига берган интервюсида сўзлаб берди. РИА Новости хабарига асосан.

Ҳукумат раҳбарининг сўзларига кўра, Арманистон ва Тоғли Қорабоғнинг ҳарбий бошлиқлари  тан олинмаган республика жанубида ёлғондан чекинишган, шу туфайли улар Озарбайжон ҳарбий корпусини алдаб коридорга туширишга муваффақ бўлишди.

"Деярли шу сонияларда ҳарбий корпус қақшатқич зарбаларни олади. Менимча, бу бутун операциянинг ҳал қилувчи лаҳза бўлади", - дея таъкидлади у.

Арманистон ва тан олинмаган Тоғли Қорабоғ республикаси жамоатчилиги Россия Қорабоғ можаро зонасида ҳарбий ҳаракатларни тўхтата олишига ишонади, деб айтди чоршанба куни Арманистон президенти Армен Саркисян.

Унинг сўзларига кўра, Россия Арманистонга, Озарбайжонга ҳам таъсир қилиши мумкин, аммо Туркияни можаро зонасини тарк этишга мажбур қилиш керак. Саркисян Москва Анқарага таъсир қилиши мумкин деб ҳисоблайди.

Озарбайжон президенти Илҳом Алиев ўз навбатида, Россиянинг Қорабоғ бўйича позицияси савол ва даъволарни келтириб чиқармайди, деб айтди.

Кремл Озарбайжон ва Арманистон ўртасидаги ҳарбий можаро Тоғли Қорабоғ чегараларидан ташқарига чиққанлиги тасдиқламайди, деди Россия президенти матбуот котиби Дмитрий Песков.

Навбатдаги кескинлашув

27 сентябрда Қорабоғда навбатдаги можаро авж олди. Арманистон ва Озарбайжон ўққа тутиш ва тинч аҳолининг қурбон бўлганида бир-бирини айблашди.

Арманистон Туркия Озарбайжон тарафида жангларда қатнашаётганини бир неча бор таъкидлаганди. Анқара ва Боку буни рад этмоқда, ўз навбатида Туркия ҳукумати сўровга биноан Озарбайжонга ҳар қандай ёрдам кўрсатишга тайёрлигини билдирди.

Россия, Франция, АҚШ ва БМТ томонларни ўт отишни тўхтатиш ва можарони тинч йўл билан ҳал қилишга чақирди. Шу билан бирга, Туркия ва Украина Бокуни қўллаб-қувватлашини билдирди.

1991 йилда аҳолисининг аксарияти арманлар бўлган Тоғли Қорабоғ  Озарбайжондан мустақиллигини эълон қилди. Боку минтақани куч билан қайтаришга уринди, шундан кейин уруш бошланди. 1994 йилда Озарбайжон, Арманистон ва Тоғли Қорабоғ республикаси Россия воситачилиги билан сулҳ протоколини имзоладилар, аммо ҳарбий ҳаракатлар вақти-вақти билан қайта бошланмоқда.

1205

Россия элчиси АҚШнинг Европадаги гипертовушли ракеталар ҳақидаги баёнотига жавоб қайтарди

41
Аввалроқ Вашингтон Россияни тутиб туриш учун Европада гипертовушли қурол ва баллистик ракета жойлаштиришга тайёрлигини маълум қилган эди.

ТОШКЕНТ, 29 окт — Sputnik. Россиянинг Вашингтондаги элчиси Анатолий Антонов Европадаги ракета қуролланиш пойгасидан огоҳлантирди.

Дипломат АҚШ президентининг миллий хавфсизлик бўйича маслаҳатчиси Роберт О'Брайеннинг баёнотига шундай муносабат билдирди. О'Брайен 28 октябрь куни Вашингтон Россияни тутиб туриш учун Европада гипертовушли қурол ва баллистик ракета жойлаштиришга тайёрлигини маълум қилганди.

“Шунга ўхшаш ниятлар минтақа ва глобал хавфсизлик мувозанати йўқолиш хавфини туғдиради, қарама-қаршилик потенциалининг ошишига олиб келади. <...> Агар Вашингтон ҳақиқатдан ҳам “қуролланиш устидаги реал назоратдан” манфаатдор бўлса, бунинг учун Европа қитъасида ракета қуролланиш пойгасини кескинлаштиришнинг ҳожати йўқ”, - деган Антонов. Унинг баёнотини Россия элчихонаси Facebook᾽даги саҳифасида эълон қилди.

Россия элчиси Владимир Путин Ўрта ва қисқа масофага учувчи ракеталарни йўқ қилиш шартномаси (ДРСМД) тўхташи шароитида кескинликка барҳам бериш таклифини “конструктив муқобил” деб атаган.

“Россия Европа қитъаси ва дунёнинг бошқа минтақаларида янги ракета қуролланиш пойгасининг олдини олиш бўйича хорижлик ҳамкорлари билан биргаликдаги саъй-ҳаракатларга тайёр”, - дея хулоса қилган Антонов.

Эслатиб ўтамиз, аввалроқ Россия ТИВ Ғарбнинг Россия президентининг ДРСМДга оид таклифига бўлган муносабатини масъулиятсизлик деб атаган эди.

41

Ёвузлик худоси: Ерга хавф солаётган астероидда жиддий ўзгариш аниқланди

230
Гавайи университети олимлари Ерга таҳдид солаётган Апофис астероид ҳаракатида хавфли ҳодисани аниқладилар.

ТОШКЕНТ, 29 окт — Sputnik. Гавайи университети Астрономия институти олимлари 2068 йилда фазовий жисмининг Ер билан тўқнашув эҳтимоллигига таъсир қилиши мумкин бўлган Апофис астероиди ҳаракатида ўзгаришларни аниқлади. РИА Новости хабарига асосан.

Астероидни кузатиш жараёнида тадқиқотчилар Апофис Ярковский эффекти туфайли ўз орбитасидан йилига 170 метрга узоқлашаётганини аниқладилар, бунда иссиқлик нурланиш туфайли кундузи исиниб, кечаси совиш импульси туфайли астероид реактив кучланиш олади.

Бу эффект аниқлашидан олдин, олимлар 2068 йилда астероиднинг ер билан тўқнашуви имконсиз деб ҳисоблашган, аммо энди олимлар қўшимча тадқиқот ўтказишлари керак.

Диаметри 325 метр бўлган Апофис астероиди 2004 йилда аниқланган. Бу кашфиёт шов-шувга сабаб бўлди - ҳисоб-китоблар шуни кўрсатдики, қадимги Мисрнинг ёвузлик ва ҳалокат худоси шарафига номланган – Апофис астероиди 2029 йилда Ер билан тўқнашиши мумкин, бу эҳтимол 2,7 фоизга тенг.

Кейинчалик олимлар ушбу таҳдидни рад этишди, 2029 йил 13 апрелда астероид Ер марказидан 37,6 минг километр узоқликда учиб ўтишини ҳисоблашди.

230
Гостиница Узбекистан в центре Ташкента

Ўзбекистон дунёнинг энг хавфсиз мамлакатлари ўнталигига кирди

23
“Gallup” Халқаро тадқиқот институти рейтингида Ўзбекистон дунёнинг энг хавфсиз мамлакатлари ўнталигига киритилди.

ТОШКЕНТ, 29 окт — Sputnik. “Gallup” Халқаро тадқиқот институти “Глобал қонун ва тартиб” бўйича йиллик бутунжаҳон рейтингини эълон қилди.

Рейтингга кўра, Ўзбекистон дунёнинг энг хавфсиз мамлакатлари ўнталигига киритилган. Мамлакат 100 дан 92 балл тўплаган.

Всемирный индекс закона и порядка

Исландия, Қувайт, Норвегия, Aвстрия, Швейцария ва Бирлашган Aраб Aмирликлари ҳам кучли ўнликка кирган.

Биринчи ўринни 97 балл билан Сингапур эгаллаган бўлса, Туркманистон (97) иккинчи, Хитой эса (94) учинчи поғонадан ўрин олган. Сўнгги ўринни 43 балл билан Афғонистон банд қилган.

Таъкидланишича, Сингапур бир неча йиллардан бери ушбу рейтингда етакчилик қилмоқда. Афғонистон эса кетма-кет иккинчи йил охирги ўринда қайд этилмоқда.

23