Ўзбекистонлик Россиядаги энг сердаромад тиктокер деб топилди
(Янгиланган 13:51 11.01.2021)
“Forbes” журнали ўзбекистонлик Раҳим Абрамовни Россиянинг энг сердаромад тиктокери деб топди. У бир йилда 10 млн рубль даромад олган.ТОШКЕНТ, 12 окт — Sputnik. “Forbes” журнали Россиядаги сердаромад тиктокчилар рейтингини тузди.
Биринчи ўринга ўзбекистонлик 22 ёшли Раҳим Абрамов лойиқ деб топилди. У 9,5 миллион нафар обуначига эга. Ўтган йилда унинг TikTok’дан олган даромади 10,47 млн рублни ташкил қилган.
Нашрнинг ёзишича, Раҳим Абрамов Ўзбекистонда туғилган, 16 ёшида спорт мактабида ўқиш учун Читага кўчиб келган. У ерда компьютерларга дастур ўрнатиб пул топган. Техникумга ўқишга қабул қилинмаганлдан кейин ишлаб топган пулларини сарфлаб, Москвага келган. Пойтахтга келган пайтида ёнида 10 минг рубль пули бўлган, холос.
Абрамов дўсти билан пул ишлаш учун қисқа видеолавҳалар — вайнлар олишни бошлаб, Instagram’даги лойиҳага “Не мажоры” деб ном берган ва бир йил ичида 300 мингга яқин обуначи тўплаган. Аммо ўзининг дастлабки каттароқ пулини уч йил аввал ўзи мустақил равишда видео суратга олишни бошлаганда ишлаб топган. Биринчи ойда 100 минг рубль ишлаган. Кейинроқ 200 минг рубль йиғган ва бор пулига камера сотиб олган.
“Авваллари Instagram’даги пост нархи 600-700 минг рубль атрофида эди. Ҳозир мен фақат шартномалар асосида йирик лойиҳалар қиламан, чунки мен энди артистман”, — деган у “Forbes Digest”га берган интервьюсида.
Рейтингнинг иккинчи поғонасини тожикистонлик 21 ёшли Дина Саева (Мадина Басаева) эгаллади. Уни 16,4 миллион нафар обуначи кузатиб боради. Йиллик даромади 4,93 миллион рублни ташкил қилган.
Учинчи ўрин беларуслик 23 ёшли Алексей Савкога насиб қилган. У 6,5 миллион нафар обуначига эга профилидан 4,81 миллион рубль ишлаб топган.
Кремл "Путин қасри" ҳақидаги хабарлар юзасидан изоҳ берди
(Янгиланган 20:21 20.01.2021)
Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.ТОШКЕНТ, 20 янв — Sputnik. Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган текширувни асоссиз сафсата ва компиляция деб атади.
Куни кеча Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.
"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.
У ягона янгилик бу - "монтаж ҳикоялари"дан фойдаланиш бўлган, дея тахмин қилди.
"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.
Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.
"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.
Теглар:
Мелания Трамп Оқ уйнинг 70 йиллик анъанасини бузди
(Янгиланган 18:32 20.01.2021)
Мелания Трамп АҚШ бўлажак биринчи хоними Жил Байденни Оқ уй бўйлаб экскурсияга таклиф қилишдан бош тортди.ТОШКЕНТ, 20 янв — Sputnik. Мелания Трамп АҚШ бўлажак биринчи хоними Жил Байденни Оқ уй бўйлаб экскурсияга таклиф қилишдан бош тортиб, 70 йиллик анъанани бузди. Бу ҳақда LADbible портали хабар қилди.
Анъанага кўра, кетишдан аввал биринчи хоним турмуш ўртоғи президентлигининг сўнгги кунларида 2-3 қаватлардаги хоналар бўйлаб экскурсия уюштиради. 70 йил давомида АҚШ президентлари рафиқалари бўлажак биринчи хонимлар билан чой ичиб, уларга Оқ уй "хўжалиги"ни топширадилар. 4 йил олдин Мелания ўзи собиқ биринчи хоним Мишел Обама билан чой базмида меҳмон бўлиб, президент қароргоҳи бўйлаб сайр қилган.
Таъкидланишича, Мелания биринчи хонимнинг лавозимидан 47 фоиз маъқуллаш рейтинги билан тарк этади, бу аввалги хонимларга қараганда анча паст.
Бу анъана 1952 йилда президент Гарри Трумэннинг рафиқаси Бесс Трумэн Дуайт Эйзенхауэрнинг рафиқаси Мэми Эйзенхауэрни Оқ уй бўйлаб экскурсияга таклиф қилишидан бошланган.
АҚШнинг янги президентининг инаугурацияси 20 январ куни бўлиб ўтади. Дональд Трамп маросимда қатнашмаслигини айтганди. У инаугурациядан тўрт соат олдин Вашингтонни тарк этади.
Теглар: