Ғарбдан ўрнак олишни бас қилиш керак - Сергей Лавров
(Янгиланган 12:15 14.10.2020)
Ғарб давлатлари бутун дунёга таъсир ўтказиши, Ғарб транснационал компаниялар дунё бозирига эгалик қилиши даври якунига етмоқда - Валдай клуби экспертлари. ТОШКЕНТ, 14 окт – Sputnik. Ғарбдан ўрнак олишини бас қилиш керак, келажакда Ғарб бошқа давлатлар учун ўрнак олиш манбаи бўла олмайди, деди Сергей Лавров Валдай ҳалқаро клубининг экспертлари олдидаги чиқишида.
“Биз ҳар доим ўз ғуруримизга эга бўлганмиз. Агар ЕИ бирРоссия билан ўзаро ҳурматли муносабатда бўлиш кераклигини тушунмас экан, демак биз бир муддат мулоқотни тўхтатишимиз керак”, - деди Россия ташқи ишлар вазири.
Бугунги кунда Ғарб ўзининг иқтисодий ва молиявий муаммоларини мустақил ҳал қилиш имконияттидан маҳрум бўлмоқда. Лекин алоҳида давлатларнинг ўзаро алоқаси учун янги имкониятлар пайдо бўлмоқда. Охирги вақтларда кўплаб бир марталик иттифоқлар пайдо бўлмоқда. Ушбу жараёнда МДҲ давлатлари ҳам муҳим рол ўйнамоқда.
“Келажакда бир марталик альянслар жуда кўп бўлади. Бунга мисол қилиб Сурия муаммосини ҳал қилишда "Остона шартномасини" келтириш мумкин. У бир марталик эди. Россия, Эрон ва Туркия бошқа масалалар борасида бундай альянс тузмаган. Бундай мисоллар жуда кўп. ЕХҲТнинг Минск гуруҳи шартномаси ҳам бунга мисол бўлиши мумкин”, - деди Лавров.
Лекин халқаро ташкилотлар ўз вазифаларини давом эттириши керак ва БМТ 2045 йилда ўз 100 йиллигини нишонлайди деб ҳисоблайди Россия ташқи ишлар вазири.
“Келиб тушаётган асосли танқидларга қарамасдан БМТ ўз асосий функциясини бажаришда давом этмоқда. БМТ саъй-ҳаракатлари туфайли дунё йирик давлатлари орасида мумкин бўлган тўқнашувлардан асраб қолди. Мавжуд камчилликларига қарамасдан бугунги кунда БМТнинг муқобили йўқ. Ахир ЙТҲлар содир бўлаётгани учун биз йўл ҳаракати қоидаларидан воз кечмаймизку”, - деди Сергей Лавров.
Россия ташқи ишлар вазири барча давлатлар халқаро ҳуқуқ нормаларининг сўзсиз бажарилишини таъминлаши кераклигини ва БМТ барча давлатлар орасида содир бўлаётган тортишувларни кўп томонли дипломатия ва тинчлик йўли билан ҳал қилиш услуби эканини таъкидлади.
Макрон карикатуралар нашрига Франция ҳукуматининг алоқаси йўқлигини айтди
(Янгиланган 20:40 31.10.2020)
Октябр ойи бошида Макрон мамлакатда шаккоклик қилиш эркинлиги мавжудлиги ҳақида баёнот қилган. Француз етакчисининг позицияси ислом дунёсида ўта зиддий негатив реакцияни келтириб чиқарган, мусулмон давлатлари француз товарлари бойкоти кампаниясини бошлашган.ТОШКЕНТ, 31 окт - Sputnik. Франция президенти Эммануэль Макрон у француз матбуотида Муҳаммад пайғамбарга эълон қилинган карикатуралар туфайли мусулмонларнинг туйғуларини тушунишини, аммо бу карикатуралар нашри ортида ҳукумат эмас, балки мустақил ОАВлар турганини айтди.
©
Sputnik / Виталий Тимкив
Макрон бу сўзларни "Ал-Жазира" телеканалига берган интервьюсида айтган.
Макрон ўз чиқишига мусулмон дунёси муносабатини "унинг нутқи бузиб кўрсатилгани ва нотўғри тушунишгани, гўёки Макронни ушбу карикатуралар тарафдори сифатида кўришгани" билан боғлаган.
Макроннинг сўзларига кўра, мусулмонлар кўпроқ исломни бузиб кўрсатувчилар ҳатти-ҳаракатларидан азият чекадилар. "Исломни бузиб кўрсатувчи ва шу дин номидан уни ҳимоя қилишга даъват қилувчи одамлар бор", - деб қўшимча қилган Франция президенти.
Ўтган пайшанбада, бутун мусулмон дунёси Муҳаммад пайғамбар таваллуд кунини нишонлаётган кунда, тунислик эркак Ниццадаги Нотр-Дам черковида уч кишини сўйди ва яна бир нечасини яралади. Ҳужумни амалга оширган шахс тезда қўлга олинди, у жароҳатланган. Ницца мэри Кристиан Эстрози ҳужум қилган киши "Аллоҳу акбар", дея такрорлаганини, бу эса жиноятни теракт сифатида малакалашга имкон беришини таъкидлади.
Бу сўнгги икки ҳафта ичида Францияда юз берган иккинчи ҳужумдир: 16 октябр куни Париж яқинидаги Конфлан-Сент-Онорин комуннасида тарих ўқитувчиси Самюэль Пати бошидан жудо қилинган эди. Қотиллик муаллим дарс берган мактаб олдида рўй берган. Сал аввал дарсда сўз эркинлиги муҳокама қилинган, Пати дарс давомида Charlie Hebdo журналида Муҳаммад пайғамбарга босилган карикатураларни намойиш қилган.
©
Sputnik / Алексей Витвицкий
Муаллимнинг миллий дафн маросимида Макрон Франция сўз эркинлигини ҳимоя қилишда давом этишини ва "сўз эркинлиги шарафига" карикатуралардан воз кечмаслигини айтган. Шу билан бирга, у, ислом дини ҳар ёқда инқирозни бошдан кечираётганини эсга олган. Шундан сўнг, Франциядаги айрим маъмурий биноларда Муҳаммад пайғамбарга қилинган карикатураларнинг видеопроекцияси пайдо бўлган.
Қодиров: Charlie Hebdo карикатураларининг матбуот эркинлигига даҳли йўқ >>>
Октябр ойи бошида Макрон мамлакатда шаккоклик қилиш эркинлиги мавжудлиги ҳақида баёнот қилган. Француз етакчисининг позицияси ислом дунёсида ўта зиддий негатив реакцияни келтириб чиқарган, мусулмон давлатлари француз товарлари бойкоти кампаниясини бошлашган.
Алвидо, жаноб Бонд! Актёр Шон Коннери вафот этди
(Янгиланган 18:02 31.10.2020)
Британиялик актёр, Бонд роли билан шуҳрат қозонган афсонавий Шон Коннери 90 ёшида вафот этди. Коннери ҳаёти давомида 70дан ортиқ картиналарда суратга тушганТОШКЕНТ, 31 окт - Sputnik. Жеймс Бонд роли билан бутун дунёга машҳур бўлган британиялик актёр Шон Коннери 90 ёшида оламдан ўтди, деб хабар қилди Independent нашри.
Британиялик актёр ва продюсер сэр Шон Коннери 1930 йилнинг 25 августида Шотландиянинг Эдинбург шаҳрида дунёга келган. Коннери 70дан зиёд картиналарда суратга тушган, аммо у энг аввало "бондиана"даги роллари туфайли машҳурликка эришган эди.
Коннери - "Оскар" мукофоти лауреати, икки карра BAFTA мукофоти совриндори, уч марта "Олтин глобус"ни қўлга киритган.
Марказий Осиё ҳаётсиз чўлга айланиши мумкин - тадқиқот
ТОШКЕНТ, 31 окт — Sputnik. Олимлар Марказий Осиё (МО) жонсиз саҳрога айланиши мумкин, дея айтишмоқда, деб ёзади "Популярная механика" нашри.
Олимларнинг аниқлашларича, 34 миллион йил олдин иқлимнинг кескин ўзгариши минтақада экологик фалокатга олиб келган. Бу воқеа минтақанинг биологик хилма-хиллигини бир умрга ўзгартирган. Мўғулистон, Тибет ва Шимоли-Ғарбий Хитой озгина ўсимликлар ўсадиган кенг қурғоқ чўлларга айланган. Бу замин қарийб 20 миллион йил давомида шу ҳолатда бўлган. Тадқиқот муаллифларининг таъкидлашларича, худди шу сценарий тез орада такрорланиши мумкин.
Осиёдаги қазилма чангни ўрганиб чиққан олимлар, миллионлаб йиллар давомида Марказий Осиё саҳродан иборат бўлгани, бу ерда асосан майда кемирувчилар яшаган, деган хулосага келишди.
Илгари бу минтақа деярли ҳар доим ўрмонзор билан қопланган, ва фақат вақт ўтиши билан бу ерда бир нечта чўллар пайдо бўлган, дея ҳисобланар эди. Бироқ, янги тадқиқот муаллифларининг фикрича, минтақанинг ҳозирги ҳолати - бу акс-ҳаракатлар, яъни қурғоқ саҳролар ўсимлик билан қопланиши натижасидир.
Олинган натижалар минтақадаги биохилма-хиллик, қишлоқ хўжалиги ва инсон фаровонлиги келажаги учун жиддий оқибатлар тўғрисида маълумот бермоқда. Ўтмишдаги фактлар шуни кўрсатмоқдаки, агар чўллар кўпайишда давом этса, Марказий Осиё ҳеч қачон илк чўлланишдан олдин мавжуд бўлган ноёб биологик хилма-хиллигини тиклай олмайди", - дея изоҳ беради тадқиқот иши етакчи муаллифи Наташа Барболини.
Ушбу тадқиқотлар Иқлим ўзгариши бўйича ҳукуматлараро кенгашнинг Марказий Осиё тезда сайёрадаги энг иссиқ ва энг қуруқ жойларидан бирига айланиб бораётганлигини кўрсатадиган прогнозларига мос келади, дея таъкидланган "Популярная механика" нашрида.
Тадқиқот ҳаммуаллифи Карина Хорн дейдики, қачонлардир доминантлик қилган айрим ўсимликлар минтақада ҳали ҳам бор, аммо улар жуда камёбдир. Бу шундан далолат берадики, иқлимнинг тезликда ўзгариши популяциянинг ортга қайтмас ўзгаришига олиб келиши мумкинлигига ишора қилади, деб ҳисоблайди аёл.