Пашинян "янги Гитлер" таҳдиди пайдо бўлиши ҳақида огоҳлантирди

617
(Янгиланган 19:20 14.10.2020)
Арманистон бош вазири Никол Пашинян Қорабоғдаги можарога нисбатан "Мюнхен келишувлари"ни тузишга йўл қўйиб бўлмаслигини билдирди.

ТОШКЕНТ, 14 окт — Sputnik. Арманистон бош вазири Никол Пашинян Қорабоғдаги можарога нисбатан "Мюнхен келишувлари"ни тузишга йўл қўйиб бўлмаслигини билдирди. Бу сўзларни у халққа мурожаатда айтган. РИА Новости хабарига асосан.

Пашинян таъкидлашича, Ғарбда "тинчлик эвазига ҳудудни алмашиш" формуласини илгари сурилиб, қуролли тўқнашувларга муносабат билдирилмаяпти.

Бу 1938 йилги Мюнхен келишувини эслатади, ўша вақтда Буюк Британия ва Франция раҳбарияти томонидан олиб борилган тинчлантириш сиёсати Германия Чехословакия ҳудудларининг бир қисмини эгаллашига олиб келган эди, дейди Арманистон бош вазири.

“Савол шундаки, дунё янги Гитлер пайдо бўлишига имкон берадими ёки йўқми, бу сафар Кичик Осиёда ", - деди Пашинян.

Бундан ташқари, Пашинян сўзларига кўра, Қорабоғдаги можарони ҳал қилишнинг ягона йўли - тан олинмаган Тоғли Қорабоғ республикаси аҳолисига ўз тақдирини ўзи белгилаш ҳуқуқини бериш лозим.

"Қорабоғ муаммосининг якуний ечими - Тоғли Қорабоғ аҳолисининг ўз тақдирини ўзи белгилаш ҳуқуқини тан олишдир", - деди Пашинян.

У таъкидлашича, Арманистон можарони тинч йўл билан ҳал қилиш мантиғига амал қилади, аммо унинг сўзларига кўра, бу "Озарбайжон, Туркия ва террорчиларни" жиловлаш учун етарли эмас. Боку Қорабоғда стратегик муваффақиятга эриша олмаган, шу билан бирга "Туркиядан, баъзи маълумотларга кўра, Покистондан келган бир неча минг махсус кучлар" улар томонида жанг қилмоқда.

"Биз охиригача турамиз ... Биз ғалаба қозонишимиз керак", - деди бош вазир.

Озарбайжон Мудофаа вазирлиги 27 сентябрь куни Арманистон армияси томонидан Тоғли Қорабоғдаги бир туташ чизиғида қатор аҳоли пунктларини ўққа тутгани, бунинг натижада аҳоли ва ҳарбийлар ҳалок бўлганини маълум қилди.

Ўз навбатида, Арманистон Мудофаа вазирлиги Қорабоғ “ҳаво ва ракета ҳужумига учрагани" ҳақида таъкидлади, расмий Ереваннинг фикрига кўра, Озарбайжон кучлари Қорабоғ йўналиши бўйича "ҳужум бошлаш" мақсадида уюштирилган.

Энг тан олинмаган Тоғли Қорабоғ Республиканинг ўзида, хусусан, пойтахт Степанакерт ўққа тутилди, шу сабабли Арцах ҳукумати аҳоли пана жойга беркинишга чақиргани, кейинчалик ҳудудда ҳарбий ҳолат ва сафарбарлик эълон қилинди.

Кейинчалик, шунга ўхшаш чоралар Арманистонда ҳам эълон қилинди. Умумий сафарбарлик республиканинг замонавий тарихидаги биринчи шундай ҳаракат эди.

Озарбайжон президенти Илҳом Алиев мамлакатнинг бир қатор шаҳар ва ҳудудларда ҳарбий ҳолатни жорий қилди ва комендантлик соати ва қисман сафарбарлик эълон қилди.

Қатор давлатлар, улар ичида Россия, Германия, АҚШ ва Франция томонларни осойишталикка чақирди. Ўз навбатида, Туркия ҳукумати Анқара Бокуга нафақат сиёсий ва дипломатик, балки бошқа турдаги ёрдамларни беришга тайёрлигини таъкидлади.

Россия президенти Владимир Путин Москвада ташқи ишлар вазирлари даражасида Арманистон ва Озарбайжон ўртасида маслаҳатлашувлар ўтказиш тўғрисида таклиф киритди.

10 октябр, шанба оқшомида Москвада Арманистон, Озарбайжон ва Россия ташқи ишлар вазирлари Зограб Мнацаканян, Жейхун Байрамов ва Сергей Лавров иштирокидаги ўн соатлик музокаралар якунланди.

Натижада Арманистон ва Озарбайжон Тоғли Қорабоғда ўт очишни тўхтатиш тўғрисида келишиб олдилар.

Келишув 10 октябрь 12.00дан бошлаб кучга кирди. Тинчлик режими ҳарбий асирлар ва асирликда сақланиб турган бошқа шахслар, шунингдек, ҳалок бўлган аскарлар жасадлари билан ўзаро алмашиш мақсадида ўрнатилмоқда. Қизил Хоч жамияти воситачилик қилади.

Сулҳ кучга кирганидан бир соат ўтмай, томонлар бир-бирини уни бузишда айбладилар.

617

“Россия пул ортидан қувмайди”: Европада “Спутник V” вакцинасини ҳимоя қилишди

13
“Monde diplomatique” нашри коронавирусга қарши Россия вакцинаси пандемияни енгиши мумкинлигини истисно қилмади.

ТОШКЕНТ, 18 янв — Sputnik. Россия коронавирус пандемиясини енгишга қодир препарат ишлаб чиқди; Ғарбда Россия илм-фанига нисбатан нодонлик мавжуд, дейилади “Monde diplomatique” Франция газетасининг испанча нашри материалида.

Мақола муаллифи Федерико Кусконинг фикрига кўра, Ғарбнинг “Спутник V” вакцинасининг яратилишига бўлган лоқайд ва шубҳаомуз муносабати рус илмий анъаналарига нисбатан нодонликдан юзага келган.

У препаратнинг ишлаб чиқарилиши Россиядаги илмий ишланмалар тарихий занжирлари натижаси эканини таъкидлаган. Аммо, унинг фикрига кўра, Ғарб “ҳикоячилари” йиллар давомида Россия илмий ютуқларини рад этиб келган ва энди вакцина яратилгани ҳақида эълон қилинишидан ҳайратга тушишган.

“Фармацевтика лабораториялари ўз дори-дармонларини қиммат нархлар билан ўтказадиган АҚШ ҳамда Европа Иттифоқи каби мамлакатлардан фарқли ўлароқ, Россия пул ортидан қувмайди”, - деб ҳисоблайди Куско.

У ҳозир “Спутник V” вакцинаси бутун дунё бўйлаб тарқалаётгани, эҳтимол, 50 йилдан кейин Россия вакцинасига нисбатан Ғарб гумонларини ҳеч ким эсга олмаслигини қўшимча қилди.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда. Вакцина айни пайтда ўзининг хавфсизлиги ва самарадорлигини исботлаган. Шунингдек, вакцинада узоқ кузатилувчи салбий оқибатлар мавжуд эмаслиги ўз исботини топган.

13
Теглар:
Европа, Спутник V, вакцина, Россия

Олимлар наркобарон Пабло Эскобарнинг бегемотлари хавфи ҳақида огоҳлантирмоқда

42
Колумбиялик эколоклари таъкидлашича, Пабло Эскобарнинг "кокаин бегемотлари" мамлакат экотизимига таҳдид солмоқда.

ТОШКЕНТ, 18 янв — Sputnik. Наркобарон Пабло Эскобарнинг "кокаин бегемотлари" тез кўпайиши мамлакат экотизимига таҳдид солмоқда, деб айтишди колумбиялик олимлар Telegraph билан ўтказилган суҳбатда.

Африка жониворлари 1980-йилларда наркобарон Пабло Эскобар уларни ўз ҳайвонот боғига ноқонуний Колумбияга олиб келинган. Эскобар вафотидан сўнг, ҳукумат унинг уй-жойини назорат остига олди, ҳайвонларнинг аксарияти олиб кетилди, аммо тўрт дона бегемот сув ҳавзасида қолди. Ўшандан бери уларнинг авлодлари Магдалена дарёси ҳавзаси бўйлаб тарқалиб кетишди.

Мутахассисларнинг фикрига кўра, ҳозирда Колумбияда 80 дан 100 гача бегемот яшайди, аммо 2040 йилга келиб уларнинг сони бир ярим мингга кўпайиши мумкин, шундан кейин уларни кўпайишини назорат қилиш имконсиз, атроф-муҳитга таъсирини эса қайтариб бўлмайди.

"Бегемотга ўқ отиш фикри ҳеч кимга ёқмаяпти, лекин  бошқа ҳеч қандай стратегия иш бермаслигини тан олишимиз керак" - деди эколог Натали Кастельбланко-Мартинес.

Африкада бегемотлар кўпайиши қурғоқчилик ва йиртқич жониворлар ови даврлари билан чекланиб турилади, дейилган Biological Conservation журналида чоп этилган  тадқиқотда. Аммо Магдалена ҳавзасида африкалик ҳайвонларнинг табиий душмани бўлмаган ва қуруқ даврлар унчалик узоқ эмас, бу уларнинг янада кўпайишига олиб келиши мумкин.

Кастелбланко-Мартинес сўзларига кўра, бегемотларнинг ахлати сувдаги фосфатлар ва азотнинг концентрациясини оширишини, паразитлар ва касалликлар маҳаллий фаунага, уй ҳайвонларига ва ҳатто одамларга юқиши мумкин.

Бундан ташқари, бегемот одамларга ҳужум қилиши мумкин. Масалан, ўтган йили шундай ҳолат юз берди: бегемот фермерга ҳужум қилиб, оёғидан тишлаб, осмонга улоқтирди. Бунинг оқибатида фермернинг оёқ ва бир нечта қовурғалари синган.

Экологлар бир неча йилдан бери бегемотларни стерилизация қилишга уринмоқдалар, аммо бу кўп вақт ва куч сарфлайди, мавжуд ресурслар эса жуда кам.

42