Тожикистонда Россия ҳарбий госпитали ветеранларни қабул қила бошлади

96
(Янгиланган 17:08 21.10.2020)
Россиянинг Тожикистондаги ҳарбий госпитали шифокорлари барча Иккинчи жаҳон уруши ветеранларини ва фронт ортида хизмат кўрсатган фуқароларни кўрикдан ўтказишни бошлади.

ТОШКЕНТ, 21 окт — Sputnik. Тожикистонда жойлашган Россия ҳарбий госпитали шифокорлари Иккинчи жаҳон уруши ветеранларини қабул қила бошлади, деб хабар қилмоқда Sputnik Тожикистон Марказий ҳарбий округ қўмондонлигига асосан.  

Тожикистонда жойлашган Россия 451 ҳарбий госпитал ходимлари Иккинчи жаҳон уруши ветеранларини ҳамда фронт ортида хизмат кўрсатган шахсларни, интернационал-жангчиларни  қабул қила бошлади, - дейилган хабарда.

Барча кекса фуқароларни уйларидан госпиталгача махсус транспортда олиб текширувлардан ўтказиб керакли муолажалар кўрсатилмоқда.

Ветеранларга кардиолог, хирург, отоларинголог, эндокринолог, невролог ва рентгенолог шифокорлар  хизмат кўрсатмоқда. У ерда ички органларни тўлиқ текширудан ўтказиш мумкин. Ҳарбий госпитал барча керакли замонавий тиббий техника билан жиҳозланган: УЗИ, электрокардиограмма, компьютер томографияси ва  рентгенография аппаратлари.Керак бўлганда беморларга стационар ва амбулатор даволаш хизматлари таклиф қилинмоқда.

Эслатиб ўтамиз, олдинроқ 451-ҳарбий госпитал шифокорларидан иборат мобил гуруҳлар ветеранларни турар жойларида кўрикдан ўтказиб келаётган эди.

96
Джо Байден во время выступления в Уилмингтоне, США

Байден йиқилиб, оёғини синдириб олди

73
(Янгиланган 12:53 30.11.2020)
АҚШ президентлигига номзод Жо Байден тойиб кетиш оқибатида оёғини шикастлади. Томография унинг оёғи икки жойидан дарз кетганини кўрсатди.

ТОШКЕНТ, 30 ноя — Sputnik. АҚШ президентлигига номзод Жо Байден тойиб кетиш оқибатида оёғини шикастлади.

Компьютер томографияси Жо Байденнинг оёғи икки жойидан дарз кетганини кўрсатди. Эҳтимол демократ бир неча ҳафта давомида махсус оёқ кийимда юришга тўғри келади.

Ўтган шанба куни Жо Байден ити Мейжор билан ўйнаётганда тойиб кетди, шундан сўнг шифокор кўригидан ўтишга тўғри келди.  

Дастлаб ортопед суяк синганини  аниқламаганди, фақат мушакларнинг чўзилиши ташхисини қўйди, аммо сиёсатчини қўшимча кўрикдан ўтиш учун юборилди. Қайта кўрикда унинг оёқ панжаси қисмида синиш жароҳатлари борлиги аниқланди.

АҚШда президент сайлови 3 ноябр куни бўлиб ўтди. Дастлабки маълумотларга кўра, Байден зарур бўлган 270 овоздан 306 та сайлашга вакил қилинган кишининг овозини олди. Амалдаги президент Дональд Трамп ҳали мағлубиятини тан олгани йўқ ва баъзи штатларда судлашмоқда.

АҚШ президенти Дональд Трамп Twitter’да ўз рақибига тезроқ соғайиб кетишни тилади.

73
Теглар:
Жо Байден, АҚШ

“Вектор” маркази раҳбари пандемия қачон тугаши ҳақида фикр билдирди

102
(Янгиланган 12:11 30.11.2020)
“Вектор” маркази раҳбари директори Ринат Максютов коронавирус пандемияси 2021 йилда якунланади деб ҳисоблайди.

ТОШКЕНТ, 30 ноя — Sputnik. “Вектор” вирусология ва биотехнология давлат илмий маркази бош директори Ринат Максютов коронавирус пандемияси 2021 йилда якунланади деб ҳисоблайди.

“Вирус қолади, лекин пандемиянинг ўзи, албатта, кетади. Ишонаманки, 2021 йилда”, - деди у “Science Bar Hopping” онлайн фестивалидаги чиқиши давомида. Унинг сўзларидан РИА Новости иқтибос келтирган.

Максютовнинг сўзларига кўра, пандемия дунё аҳолисининг аксарият қисми коронавирусни бош кечирган ёки вакциналар туфайли етарлича жамоавий иммунитет шакллангандан сўнг ортга қайтади.

Пандемия бошлангандан буён дунёда 63 миллиондан зиёд киши коронавирус билан касалланди, 1,4 миллиондан ортиқ киши вафот этди.

Россияда коронавирусга қарши иккита вакцина рўйхатга олинган. Бу Гамалея марказининг “Спутник V” ва “Вектор”марказининг “ЭпиВакКорона” вакцинаси. Яқин кунларда Чумаков номидаги Илмий марказ вакцинаси ҳам рўйхатга олиниши кутилмоқда.

102
Теглар:
коронавирус пандемияси, Гамалея маркази, “Вектор” маркази, Спутник V, вакцина, коронавирус

Декабрда қандай об-ҳаво кузатилади

0
(Янгиланган 13:24 30.11.2020)
Декабрда ёғингарчилик ёмғир, қор кўринишида бўлади. Ўзбекистон бўйича ёғингарчиликли кунлар ўртача 5 кундан 13 кунгача ташкил қилиши мумкин.

ТОШКЕНТ, 30 ноя — Sputnik. Ўзгидромет қиш фаслининг биринчи ойи декабрда об-ҳаво қандай бўлиши ҳақида маълумот берди.

Дастлабки маълумотларга кўра, бу йилги декабрь ҳарорат кўрсаткичлари бўйича ўртача кўп йиллик қийматларга яқин бўлиши кутилмоқда.

Ой давомида ҳароратнинг кечаси 0-5 даража совуқдан 2-7 даража илиққача, кундузи 0-5 даража илиқдан 10-15 даража илиққача ўзгариб туриши кутилмоқда.

Республиканинг шимолида тунда 8-10 даража совуқ бўлиши мумкин. Ойнинг иккинчи ярмида эса 12-15 даража совуқ бўлиши мумкин.

Декабрда ёғингарчилик ёмғир, қор кўринишида бўлади. Ўзбекистон бўйича ёғингарчиликли кунлар ўртача 5 кундан 13 кунгача ташкил қилиши мумкин. Бир кеча кундузда максимал ёғинлар миқдори суткалик меъёрдан анча кўп бўлиши мумкин.

Бу йилги декабрда ойлик ёғинлар миқдори меъёр атрофида, айрим жойларда меъёрдан юқори, шимолда эса айрим жойларда меъёрдан паст бўлиши кутилмоқда (Тошкентда декабрь ойи учун ёғинлар 59 мм ни ташкил қилади). Ёғингарчилик ой давомида вақти-вақти билан кузатилади.

0
Теглар:
об-ҳаво, Ўзгидромет, Ўзбекистон