Рамзан Қодиров Макрон бўйича позицияси туфайли лавозимдан кетишга тайёрлигини айтди

608
(Янгиланган 09:18 29.10.2020)
Ўзининг янги постида Қодиров Макронга сиёсатчи тариқасида эмас, эътиқодли мусулмон сифатида мурожаат қилганини ва шундай қилишга ҳақлиман, деб ўйлашини билдирган.

ТОШКЕНТ, 29 окт — Sputnik. Чеченистон республикаси раҳбари Рамзан Қодиров Telegram канали орқали Франция президенти Эммануэль Макронга қилган мурожаатига изоҳ берди ва ушбу масалада позицияси туфайли эгаллаб турган лавозимини тарк этишга тайёрлигини билдирди.

Сешанба куни Қодиров Франция етакчисининг Париж Муҳаммад пайғамбарга чизилган карикатуралар чоп этилишини қўллаб-қувватлашда давом этиши ҳақида айтилган сўзларини қоралаган эди. Қодировни фикрича, Макрон фитналарни қўллаб-қувватламоқда ва бу билан "мусулмонларни жиноятлар содир этишга" гиж-гижламоқда. Чеченистон раҳбари Франция президентини "кеч бўлмасидан, эътиқодга нисбатан фитна ва ҳужумларни тўхтатишга" чақирди. Эртаси куни Россия президенти Владимир Путиннинг матбуот-котиби Қодировнинг ушбу сўзларига изоҳ берди.

Песковнинг таъкидига кўра, регионлар раҳбарлари ташқи сиёсат билан шуғулланишмайди ва ушбу масалаларда давлат раҳбари линиясига қараб иш тутиш лозим.

Ўзининг янги постида Қодиров Макронга сиёсатчи тариқасида эмас, эътиқодли мусулмон сифатида мурожаат қилганини "ва шундай қилишга ҳақлиман", деб ўйлашини билдирган.

"Ҳозир эса, яна мусулмон сифатида Макронга нисбатан олдинроқ айтилган сўзларимни такрорлайман ва бу нарсани яна минг марта амалга оширишга тайёрман. <…> Бу позиция учун, агар керак бўлса, мен лавозимни тарк этишга, жабрланишга ёки жон фидо қилишга тайёрман! Аммо даҳрийлар қай тарзда динни мазах қилишаётганини жим туриб кузата олмайман, мен бундай қилолмайман ва қилмоқчи ҳам эмасман!" — деб таъкидлаган Чеченистон раҳбари.

Макроннинг чиқиши

Октябр ойида Макрон мамлакатдаги диний сепаратизмга қарши кураш мавзусида чиқиш қила туриб, республика қадриятларини мустаҳкамлашга қаратилган қонун лойиҳаси 9 декабрда тақдим этилиши ва уни қабул қилишга тайёргарлик кўрилаётгани ҳақида хабар берган эди. Давлат раҳбари "Франциядаги исломни чет эл таъсиридан озод қилиш" ҳамда масжидларнинг молиялаштирилиши устидан назоратни кучайтириш зарурлиги ҳақида айтганди. Макроннинг бундай чиқишига ўз дарсларида Муҳаммад пайғамбарга чизилган карикатураларни намойиш қилган тарих ўқитувчиси - Сэмюэль Патининг ваҳшийларча ўлдирилиб кетилиши сабаб бўлди.

Сал олдин, Франция президенти, Charlie Hebdo сатира журналида сентябр бошида Муҳаммад пайғамбарга чизилган карикатураларга изоҳ берар экан, мамлакатда шаккоклик қилиш эркинлиги мавжудлигини алоҳида таъкидлаган эди. Тарих муаллими Самюэль Пати қотиллигидан сўнг Макрон Францияда карикатуралар чоп этилишидан воз кечилмаслигини маълум қилди.

Душанба куни Чеченистон муфтийси Салоҳ-Хожи Мажиев Франция раҳбари Эммануэль Макроннинг ҳаракатларини исломга нисбатан аниқлилик билан режалаштирилган ҳужум дея атаб, бу яна инсоний қурбонларга олиб келиши мумкинлигини қўшимча қилган эди. Дин арбоби франция етакчисини барча мусулмонлар душмани, деб атаб, уни миллатлараро ва динлараро нифоқни авж олдиришда айбситган эди.

Россия Мусулмонлар диний бошқармаси раисининг биринчи ўринбосари Дамир Мухетдинов расмий Парижни тутуриқсизликда айблади. Унинг айтишича, француз жамияти "қоралар, аёллар ҳуқуқи, ЛГБТ-жамияти ҳолати ва бошқа озчилик" ҳуқуқлари учун курашиб туриб, миллиардлаб одамларга тегадиган карикатураларни ҳақорат, дея тан олмаяпти. Унинг тахминича, Макрон ислом ва мусулмонлар баҳонасида француз жамияти эътиборини "сариқ нимчалар" протестларидан чалғитишга уринмоқда.

Россия мусулмонлар диний йиғини раиси муфтий Альбир Крганов Макроннинг Муҳаммад пайғамбарга чизилган карикатуралардан воз кечмаслиги қарорини ушбу ҳаракатдан ғазаби қайнаётган "бутун ислом дунёсига нисбатан фитна", деб атади. Дин арбоби пайғамбарга бўлган муҳаббат мусулмон дини асоси эканлигини таъкидлаб ўтди. Бундан ташқари, Крганов мусулмонлар ўқитувчи қотилини қоралашаётгани, нега деганда инсонни мажбуран ҳаётдан маҳрум этиш исломга зидлигини қайд этди.

608
Пожилая женщина на лавочке

Биолог: бошдан кечирилган коронавирус эрта қаришни тезлаштириши мумкин

47
Маълум қилинишича, коронавирус беморларининг 70 фоизида айрим ички органларининг патологияси аниқланган.

ТОШКЕНТ, 2 дек — Sputnik. Коронавирусни бошдан кечиргандан кейинги асоратлардан бири эрта эрта қариш бўлиши мумкин. Бу ҳақда бу ҳақда Жорж Мэйсон университетининг тизимли биология мактаби профессори Анча Баранова РИА Новости билан суҳбатда маълум қилди.

Мутахассис коронавируснинг енгил ва ўрта даражасини бошдан кечирган одамлар соғлиғини кузатган бир гуруҳ шифокорларнинг тадқиқот натижаларига таяниб шундай фикрни билдирган.

Аниқланишича, беморларнинг 70 фоизида айрим ички органларининг патологияси аниқланган. Энг кўп учраган ҳолат ёғли гепатоз (жигар яллиғланиши) ва ошқозоности бези тўқималарининг ёғли дегенерацияси бўлган.

“Одатда бундай ташхислар 60 ёшда қўйилади, коронавирусдан тузалгандан гуруҳида бу 40 ёшдаёқ кузатилган”, - деди Баранова.

У коронавирус инфекцияси “ресурсларни олиб, қариликни яқинлаштириши” ҳақидаги фикри билан ўртоқлашди. Шу билан бирга у касаллик асоратлари янада батафсил ўрганишни талаб этишини таъкидлади

47
Теглар:
эрта қариш, коронавирус пандемияси, коронавирус
Мавзу:
COVID-19 умумжаҳон пандемияси
Мавзу бўйича
Коронавирусга чалинган беморларда эшитиш қобилияти ёмонлашади - олимлар
Олимлар COVID-19 "қариндошлари"ни топишди – бу Хитойда эмас
Олимлар коронавируснинг заиф жойини аниқлади
Олимлар коронавируснинг энг аниқ 3D-моделини яратишди – видео
Британиялик олимлар узоқ умр кўриш сирини очиб беришди
Коронавируснинг янги аломати айтилди
Макдональдс

“Макдоналдс” 50 йилда илк бор Бигмак рецептини ўзгартирди

29
(Янгиланган 18:04 02.12.2020)
Макдоналдс ўз мухлислари талабларига мувофиқ Бигмак рецептини ўзгартиришга қарор қилди: энди котлеталар орасидаги нон бўлмайди...

ТОШКЕНТ, 2 дек - Sputnik. "Макдоналдс" охирги 50 йилда илк бор ўзининг энг машҳур гамбургери "Бигмак" рецептини ўзгартиришга қарор қилди, Bloomberg хабарига асосан.

Бундан буён фастфуд тармоғи хўрандаларга Бигмакнинг икки хилини таклиф қилади. Уларнинг бирида қийма гўштли котлеталар орасига қўйиладиган нон бўлаги бўлмайди. Иккинчи хил гамбургер эса янада каттароқ бўлади ва унинг калорияси 860 ккалгача ошади.

Хабарда айтилишига кўра, дунёга машҳур фастфуд тармоғи ўз мухлислари талабларига тўлиқ жавоб бериш учун ана шундай қарор қабул қилган. 

29
Национальная валюта Узбекистана — сум

Пенсия таъминотига доир қонун лойиҳаси тайёрланди

165
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

165