Вирус мутацияси: Дания ҳукумати барча қоракўзанларни йўқ қилади

313
(Янгиланган 19:43 05.11.2020)
Данияда коронавирус мутациясининг олдини олиш учун барча қоракўзанлар йўқ қилинади. Қоракўзанларда аниқланган мутацияга учраган вирус вакцина яратилишида муаммони юзага келтириши мумкин.

ТОШКЕНТ, 5 ноя — Sputnik. Данияда коронавирус мутациясининг олдини олиш учун барча қоракўзанлар (норка) йўқ қилинади.

Ҳайвонлар орасида коронавирус аниқлангани сабабли Дания фермаларида сақланаётган қоракўзанлар ўлдирилади.

“Даниядаги барча қоракўзанлар ўлдирилиши керак”, — деди Дания бош вазири Мэттэ Фредериксон.

Фредериксеннинг сўзларига кўра, одамлар орасида тарқалиб, уларда антитаналар шаклланиш хусусиятини кучсизлантираётган қоракўзанларда мутацияга учраган COVID-19 инфекцияси сабаб кескин ҳаракатларни амалга ошириш зарур.

Таъкидлашича, қоракўзанларда аниқланган мутацияга учраган вирус вакцина яратилишида муаммони юзага келтириши мумкин.

Мутацияга учраган коронавирус билан касалланиш ҳолати 207 бош қоракўзанда ва 12 кишида аниқланди. Амалдорнинг сўзларига кўра, вирус нафақат Данияда, балки бошқа давлатларга тарқалиши мумкин.

“Биз Дания аҳолиси олдида масъулмиз. Бироқ аниқланган мутацияни ҳисобга олсак, дунёнинг қолган аҳолиси қаршисида ҳам масъулиятимиз бор”, — дейди Фредериксен.

 

313
Мавзу:
COVID-19 умумжаҳон пандемияси (1290)
Диего Марадона

Марадона сурати туширилган пул чиқарилиши мумкин - фото

132
Аргентиналиклар афсонавий футболчи Диего Марадонанинг суратини 10 минг песо пул бирлигида тасвирлашни таклиф қилишди.

ТОШКЕНТ, 1 дек — Sputnik. Аргентиналиклар афсонавий футболчи Диего Марадона суратини 10 минг песо пул бирлигида тасвирлашни таклиф қилишди. Петиция матни Change.org платформасида жойлаштирилди.

Акция 1 декабрга ўтар кечаси бошланди, айни вақтда ташаббусни 15 мингдан ортиқ киши қўллаб-қувватлади, уларнинг сони ўсишда давом этмоқда.

Аргентина байроғи,  кўк ва оқ рангларида - пул бирлигининг дизайни яратилди. Купюранинг марказида Марадонанинг ёшликдаги портрети, орқа фонда эса у 1986 йилда ютиб олган Жаҳон кубоги тасвирланган.

Аргентинада энг катта пул бирлиги 1000 песо.

Эслатиб ўтамиз, Марадона 25 ноябрда 60 ёшида вафот этди. Буэнос-Айресда дафн маросими бўлиб ўтди.

132
Теглар:
Диего Марадона
Церемония прощания с иранским ученым-ядерщиком Мохсеном Фахризаде в Тегеране

Эрон ядрошунос олими космосдан бошқарилган қурол ёрдамида ўлдирилди - Al-Alam

299
(Янгиланган 13:58 01.12.2020)
Эрон ядрошунос-физик олими Муҳсин Фахризода космосдан бошқариладиган қурол ёрдамида ўлдирилган бўлиши мумкин - Al-Alam телеканали.

ТОШКЕНТ, 1 дек — Sputnik. Эрон ядрошунос-физик олими Муҳсин Фахризода космосдан бошқариладиган қурол ёрдамида ўлдирилган бўлиши мумкин. Бу ҳақда РИА Новости Al-Alam телеканалига асосан хабар қилди.

"қотилликни амалга ошириш учун қўлланилган қурол, Исроилда ишлаб чиқарилган - сунъий йўлдош орқали бошқарилган", - деди телеканал манбаси.

Эрон ОАВ ёзганидек, 27 ноябр куни кундузи Фахризода машинаси Теҳрон вилоятидаги Абсард аҳоли пунктида ҳаракатланаётган эди. Ҳужум оқибатида олимнинг тан соқчилардан бири жароҳат олган. Фахризоданинг ўзи касалхонага вертолётда олиб келинди, аммо уни қутқаришнинг иложи бўлмади.

Эрон ташқи ишлар вазири Муҳаммад Жавад Зариф ОАВларда Эроннинг ракета дастурини асосчиларидан бири деб айтилаётган, ядрошунос-физик олимнинг ўлдирилишини кескин қоралади.

Дипломат бу воқеада Исроил махсус хизматларининг алоқадорлигини таъкидлади, шунингдек, халқаро ҳамжамиятни, хусусан, Европа Иттифоқини икки томонлама сиёсатни тўхтатиш ва "давлат терроризми" актини қоралашга чақирди.

Куни кеча Эрон Олий миллий хавфсизлик кенгаши котиби Али Шамхани ядрошунос-физик олими Муҳсин Фахризодага суиқасд ташкилотчилари аниқланганини маълум қилганди.

"Бу мураккаб операция бўлди, воқеа жойида ҳеч ким бўлмаган (суиқасд уюштирган жой). Шу билан бирга, бизга буни ким томонидан режалаштирганини маълум, унинг тарихини биламиз", - деди Шамхани, Tasnim агентлиги томонидан эълон қилинган видеода.

Унинг сўзларига кўра, суиқасдда Исроил ва “Моссад” ўз ролларини ўйнашди.

299
Теглар:
Исроил, қотиллик, Эрон
Президент Шавкат Мирзиёев разговаривает по телефону

Ўзбекистон раҳбари Назарбоев ва Тоқаевни Биринчи президент куни билан қутлади

8
Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

ТОШКЕНТ, 1 дек — Sputnik. Шавкат Мирзиёев Қозоғистон биринчи президенти – Элбоши Нурсултон Назарбоев ҳамда мамлакат президенти Қасим-Жомарт Тоқаев билан телефон орқали мулоқот қилди.

Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

© Пресс-служба президента Узбекистана

Суҳбат чоғида Ўзбекистон ва Қозоғистон ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари кўриб чиқилди. Амалий ҳамкорликка оид қўшма лойиҳа ва дастурларни, аввало, савдо-иқтисодий, инвестициявий ва гуманитар соҳаларда илгари суришга алоҳида эътибор қаратилди.

Элбошининг замонавий Қозоғистонни барпо этиш ва изчил ривожлантириш, мамлакатнинг халқаро майдондаги нуфузини оширишдаги тарихий роли, шунингдек, Марказий Осиё минтақасида дўстлик ва яхши қўшничилик муносабатларини мустаҳкамлашга қўшган катта ҳиссаси алоҳида қайд этилди.

Мирзиёев ва Тоқаев халқаро кун тартибини, жумладан, шу ойда Ўзбекистон раислигида бўлиб ўтадиган МДҲ саммитига тайёргарлик кўриш масалаларини ҳам муҳокама қилдилар. Ҳамдўстлик ва бошқа минтақавий ҳамда глобал тузилмалар доирасидаги яқин мулоқотни давом эттиришга тайёр эканликларини таъкидладилар.

Суҳбат сўнгида қардош мамлакатлар ўртасидаги кенг кўламли ҳамкорликни ривожлантиришга икки томоннинг ҳам интилиши қатъий экани тасдиқланди.

8
Теглар:
телефон мулоқоти, табрик, Қасим-Жомарт Тоқаев, Нурсултон Назабоев, Шавкат Мирзиёев, Қозоғистон, Ўзбекистон