Россия, Арманистон ва Озарбайжон Қорабоғ бўйича нималарга келишиб олди

262
Россия, Арманистон ва Озарбайжон етакчилари Тоғли Қорабоғда уруш якунланганини эълон қилишди ва битим имзолашди. Битим нимани англатиши - Sputnik материалида.

ТОШКЕНТ, 10 ноя — Sputnik. Россия президенти Владимир Путин, Озарбайжон президенти Илҳом Алиев ва Арманистон бош вазири Никол Пашинян Тоғли Қорабоғда ўт очишни тўхтатиш тўғрисида битим имзолашди. Битим матнини Sputnik Арманистон чоп қилди.

  • 10 ноябрь Москва вақти билан ярим тундан бошлаб ўт очиш тўлиқ тўхтатилади. Озарбайжон ва Арманистон ҳарбийлари эгаллаб турган позициясида тўхтайди.
  • Томонлар ҳарбий асирлар билан ўзаро алмашиш мажбуриятини ўз зиммасига олди.
  • Ереван  Келбажар тумани, Агдам тумани ва Озарбайжоннинг Газах туманида Арманистон томони эгаллаб турган ҳудудлар, шунингдек, Лочин туманини 2020 йил 15 ноябрь, 20 ноябрь ва 1 декабргача Бокуга қайтариши лозим. Арманистон Тоғли Қорабоғ билан алоқани таъминлайдиган 5 километр кенгликдаги Лочин йўлагини олади. Шунингдек, ушбу йўлак Боку аввалроқ озод қилингани айтган Шуша шаҳрига таъсир қилмайди.
  • Тоғли Қорабоғдаги туташув чизиғи ва Лочин йўлаги бўйлаб  Россиянинг 1960 нафар қуролли, 90 та зирҳли транспортёр, 380 та автомобиль ва махсус техникадан иборат тинчликпарвар кучлари контенгенти киритилади.
  • Тинчликпарвар кучлари арман ҳарбийлари олиб чиқилиши билан параллел равишда киритилади. Уларнинг қолиш муддати кейинги 5 йиллик муддатларга автоматик узайтириш билан 5 йилни ташкил этади, агар томонлардан ҳеч бири битимдан чиқишга қарор қилмаса.
  • Келишувларнинг ижро этилишини кузатиш учун тинчликни сақлаш маркази ташкил этилади.
  • Яқин уч йилда Спепанакерт ва Арманистон ўртасидаги алоқани таъминлайдиган Лочин йўлаги бўйлаб янги ҳаракат йўналиши қурилиши режаси белгиланиши керак, кейинчалик бу йўналишни ҳимоя қилиш учун Россия тинчликпарвар кучларини жойлаштириш билан. Озарбайжон Лочин йўлаги бўйлаб транспорт алоқаси хавфсизлигини таъминлашни кафолатлайди.
  • Қочқинлар Тоғли Қорабоғ ҳудудига ва унга қўшни ҳудудларга БМТнинг Қочқинлар иши бўйича Олий комиссари бошқармаси назорати остида қайтиб келишлари керак.
  • Минтақадаги барча иқтисодий ва транспорт алоқалари йўлга қўйилиши керак. Арманистон Озарбайжон ва Нахичеван автономи ўртасида транспорт алоқаларини таъминлаш мажбуриятини олади. Транспорт қатновини Россия чегарачилари назорат қилади. Бундан ташқари, Озарбайжоннинг асосий ҳудудини Нахичеван билан боғлайдиган янги транспорт коммуникацияларини қуришни таъминлаш режалаштирилмоқда.

Россия етакчиси Владимир Путин эришилган келишувларни Тоғли Қорабоғ можаросини адолатли тартибга солиш учун асос бўлишини айтди.

Арманистон бош вазири Никол Пашинян Қорабоғ бўйича битим ўзи учун жуда оғир қарор бўлганини айтди, лекин бошқа чора бўлмаганини таъкидлади.

Озарбайжон президенти Илҳом Алиев ушбу келишувлар Тоғли Қорабоғдаги можарога нуқта қўйишини маълум қилди.

Тоғли Қорабоғдаги тўқнашувлар 27 сентябрь куни бошланди. Арманистон ва Озарбайжон бир-бирини ҳарбий ҳаракатларни бошлашда айблади. Россия, АҚШ ва Франция етакчилари томонларни ўт очишни тўхатиш ва дастлабки шартларсиз музокараларни бошлашга чақирди.

262
Теглар:
Никол Пашинян, Илҳом Алиев, Владимир Путин, Озарбайжон, Арманистон, Россия
Мавзу бўйича
Эрдоған Путинга Қорабоғ бўйича ишчи гуруҳ тузишни таклиф қилди
Алиев Ереванга Қорабоғ масаласида “охиригача бориш” билан таҳдид қилди
Урушга сабаб бўлган қарама-қаршилик - Алиев ва Пашинян билан параллел интервью
Алиев Қорабоғда ёлланма жангарилар йўқлигини расман хабар қилди
Лавров Қорабоғ бўйича музокаралар тикланишини чўзмасликка чақирди
Қорабоғ қопқони – Арманистон ва Озабайжон унга қандай тушиб қолишди
Меркель Путин, Трамп ва Макроннинг Тоғли Қорабоғга оид баёнотини қўллаб-қувватлади
Дунёда Тоғли Қорабоғ можаросига қандай муносабат билдирилди ва ким "оловга ёғ қуймоқда"?
Тоғли Қорабоғдаги можаро ҳеч қачон тугамайди – Жириновский
Тоғли Қорабоғга минглаб жангарилар келмоқда - Наришкин
Озарбайжон армияси Қорабоғда 20тадан ортиқ қишлоқни ўз назоратига олди - Алиев
Путин Тоғли Қорабоғда жанговар ҳаракатларни тўхтатишга чақирди
Коронавирус, Беларусь, Қорабоғ ва Навальний: РФ ташқи разведка раҳбари билан интервью
Джо Байден во время выступления в Уилмингтоне, США

Байден йиқилиб, оёғини синдириб олди

45
(Янгиланган 12:53 30.11.2020)
АҚШ президентлигига номзод Жо Байден тойиб кетиш оқибатида оёғини шикастлади. Томография унинг оёғи икки жойидан дарз кетганини кўрсатди.

ТОШКЕНТ, 30 ноя — Sputnik. АҚШ президентлигига номзод Жо Байден тойиб кетиш оқибатида оёғини шикастлади.

Компьютер томографияси Жо Байденнинг оёғи икки жойидан дарз кетганини кўрсатди. Эҳтимол демократ бир неча ҳафта давомида махсус оёқ кийимда юришга тўғри келади.

Ўтган шанба куни Жо Байден ити Мейжор билан ўйнаётганда тойиб кетди, шундан сўнг шифокор кўригидан ўтишга тўғри келди.  

Дастлаб ортопед суяк синганини  аниқламаганди, фақат мушакларнинг чўзилиши ташхисини қўйди, аммо сиёсатчини қўшимча кўрикдан ўтиш учун юборилди. Қайта кўрикда унинг оёқ панжаси қисмида синиш жароҳатлари борлиги аниқланди.

АҚШда президент сайлови 3 ноябр куни бўлиб ўтди. Дастлабки маълумотларга кўра, Байден зарур бўлган 270 овоздан 306 та сайлашга вакил қилинган кишининг овозини олди. Амалдаги президент Дональд Трамп ҳали мағлубиятини тан олгани йўқ ва баъзи штатларда судлашмоқда.

АҚШ президенти Дональд Трамп Twitter’да ўз рақибига тезроқ соғайиб кетишни тилади.

45
Теглар:
Жо Байден, АҚШ

“Вектор” маркази раҳбари пандемия қачон тугаши ҳақида фикр билдирди

75
(Янгиланган 12:11 30.11.2020)
“Вектор” маркази раҳбари директори Ринат Максютов коронавирус пандемияси 2021 йилда якунланади деб ҳисоблайди.

ТОШКЕНТ, 30 ноя — Sputnik. “Вектор” вирусология ва биотехнология давлат илмий маркази бош директори Ринат Максютов коронавирус пандемияси 2021 йилда якунланади деб ҳисоблайди.

“Вирус қолади, лекин пандемиянинг ўзи, албатта, кетади. Ишонаманки, 2021 йилда”, - деди у “Science Bar Hopping” онлайн фестивалидаги чиқиши давомида. Унинг сўзларидан РИА Новости иқтибос келтирган.

Максютовнинг сўзларига кўра, пандемия дунё аҳолисининг аксарият қисми коронавирусни бош кечирган ёки вакциналар туфайли етарлича жамоавий иммунитет шакллангандан сўнг ортга қайтади.

Пандемия бошлангандан буён дунёда 63 миллиондан зиёд киши коронавирус билан касалланди, 1,4 миллиондан ортиқ киши вафот этди.

Россияда коронавирусга қарши иккита вакцина рўйхатга олинган. Бу Гамалея марказининг “Спутник V” ва “Вектор”марказининг “ЭпиВакКорона” вакцинаси. Яқин кунларда Чумаков номидаги Илмий марказ вакцинаси ҳам рўйхатга олиниши кутилмоқда.

75
Теглар:
коронавирус пандемияси, Гамалея маркази, “Вектор” маркази, Спутник V, вакцина, коронавирус

Дунё COVID-19 устидан ғалабага эришилгани ҳақида қачон гапира бошлайди ССВ раҳбари фикри

0
Ўзбекистон соғлиқни сақлаш вазири Абдуҳаким Хаджибаев дунё коронавирус пандемияси устидан ғалаба қозонилгани ҳақида қачон гапиришни бошлаши борасида фикр билдирди.

Вазирнинг сўзларига кўра, ўтган яқин 30-40 йил ичида бундай кенг кўламли пандемия бўлмаганини ҳисобга олган ҳолда ўзини ҳурмат қилувчи ҳеч бир киши бу саволга аниқ жавоб беришни зиммасига олмайди.

Олимлар ва ЖССТ мутахассислари фикрига кўра, 2021 охирига қадар ҳар ҳолда коронавирус ҳолатлари аниқланиб туради. Лекин пандемия жараёни секинлашиб боришига умид қилинмоқда.

“Айтайлик, 2021 йилнинг биринчи чорагида оммавий эмлашни бошлайдиган мамлакатлар бор деб ўйламайман. Ҳойнаҳой бу 2021 йилнинг иккинчи ярмида бўлади. Оммавий эмлаш бошланиши билан эса биз дунё тиббиёт ходимлари босқичма-босқич бунинг устидан ғалабага эришамиз”, - деди ССВ раҳбари Sputnik мухбири билан суҳбатда.

0
Теглар:
Абдуҳаким Хаджибаев \\, коронавирус пандемияси