Самолет военно-транспортной авиации России

Россия тинчликпарвар кучлари Қорабоғга жўнаб кетди - видео

312
(Янгиланган 14:03 10.11.2020)
Ил-76 самолётлари Россия тинчликпарвар кучлари билан Қорабоғ томон учиб кетди. Можаро зонасига шахсий таркиб, зирҳли автомашиналар ва бошқа техника етказиб берилади.

ТОШКЕНТ, 10 ноя — Sputnik. Ил-76 самолётлари Россия тинчликпарвар кучлари билан Қорабоғ томон учиб кетди, деб хабар қилди Мудофаа вазирлиги.

10-самолёт Уляновск-Восточний аэродромидан учиб чиқди. Можаро зонасига шахсий таркиб, транспорт воситалари, зирҳли автомашиналар ва материаллар етказиб берилади.

Тоғли Қорабоғда ҳарбий ҳаракатларни тўхтатиш ҳақидаги келишув доирасида Россия, Озарбайжон ва Арманистон раҳбарлари тинчликпарвар кучларни жойлаштириш тўғрисида келишиб олдилар. Ҳужжат 10 ноябрга ўтар кечаси имзоланди.

Мудофаа вазирлигининг маълумотига кўра, ҳудудга 1970 нафар ҳарбий хизматчи, 90 та зирҳли машина ва 380 та бошқа техника олиб келинади. Тинчликпарвар контингентнинг асосини Марказий ҳарбий округнинг 15-алоҳида мотоўқотар бригадаси бўлинмалари ташкил қилади.

Параллел равишда Арманистон ҳудуддан ўз ҳарбийларини олиб чиқади.

312

Қирғизистонда рус тилидан расмий мақомни олиб ташлаш таклиф қилинди

95
(Янгиланган 18:35 26.11.2020)
Қирғизистон Конституциявий кенгашининг аъзоси Садирдин Торалиев рус тилидан расмий мақом олиб ташлашни таклиф қилди.

ТОШКЕНТ, 26 ноя — Sputnik. Қирғизистон Конституциявий кенгашининг аъзоси Садирдин Торалиев рус тилидан расмий мақомни олиб ташлашни таклиф қилди.

"Бу кескин бўлиб эшитилиши мумкин. Аммо менинг таклифим - фақат қирғиз тилини давлат тили сифатида қолдириш. Бошқа тилларни бошқа қонунлар билан ривожлантирамиз", - деган Торалиевнинг сўзларини келтиради 24.kg агентлиги.

Унга кўра, ёшлар қирғиз тилида гаплашишни тўхтатдилар.

"Нега улар қирғиз тилини ўрганмайдилар? Чунки бунга эҳтиёж йўқ. Биз уни яратишимиз керак. Шундагина ҳамма қирғиз тилини ўрганишни ва гапиришни бошлайди", - деди Торалиев.

Рус тилининг расмий мақоми давлат мақоми - қирғиз тили билан бир қаторда Қирғизистон Конституциясида мустаҳкамланган.

Қирғизистон президенти девони ахборот сиёсати бўлими мудири Нургази Анарқулов Торалиевнинг таклифи юзасидан изоҳ берди, деб хабар қилди Sputnik Қирғизистон.

Амалдорнинг сўзларига кўра, Торалиев баёноти фақат унинг шахсий фикри сифатида қаралиши керак.

"Конституциявий кенгаш 80 дан ортиқ аъзога эга, ҳар кимнинг ўз фикри бор. Умид қиламанки, охир-оқибат уларнинг барчаси умумий фикрга келади, шу сабабли бу жамоат арбобининг таклифига бутун конституциявий йиғилишнинг фикри сифатида эмас, балки унинг шахсий фикри сифатида қараш керак", - деди Анарқулов.

Унинг таъкидлашича, бундай таклифлар президент аппаратида кўриб чиқилмаяпти ва қонунга асосан рус тили расмий тил мақомига эга.

95
Теглар:
Қирғизистон
Меган Маркл

"Бу ҳақда гаплашиш муҳим": Меган Маркл боласини йўқотгани ҳақида сўзлади

281
Меган Марклнинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

ТОШКЕНТ, 25 ноя - Sputnik. Британия шаҳзодасиГаррининг турмуш ўртоғи Меган Маркл яқинда боласидан жудо бўлди, у бу ҳақда The New York Timesдаги колонкада маълум қилган.

Маълум бўлишича, бу июль ойида юз берган, аммо герцогиня Сассекскаянинг ҳомиладорлиги ўша вақтда кенг жамоатчиликка маълум қилинмаган эди.

"Ўғлимни каравот остидан олиб чиқиш олдидан сочларимни "хвост" қилиб йиғдим. Унинг таглигини алмаштириб, кескин титроқни ҳис қилдим. Мен у билан полга ётиб, иккимизни ҳам тинчлантириш учун алла айта бошладим, аммо куйнинг оҳанги ич-ичимдан сезаётган ҳавотирли туйғуга сира мос эмасди. Биринчи фарзандимни бағримга маҳкам қучган вақтимда, иккинчисини йўқотаётганимни англадим. Орадан бир неча соат ўтгач, касалхона койкасида турмуш ўртоғимнинг қўлидан ушлаганча ётардим. Мен унинг ёпишқоқ кафтини сезардим, кўз ёшларимиз ёмғиридан нам бўлиб кетган бармоқлари бўғинларидан бўса олдим",  деб ёзади Меган.

Унинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

"Хонадаги юз аёлдан 10-20 нафари боласидан ҳали у туғилмай жудо бўлган. Аммо, ушбу оғриқнинг лол қолдирувчи умумийлигига қарамасдан, у ҳақда гапириш (мутлақо асоссиз) уятга қоришиб кетган табулигича қолмоқда, фарзандини йўқотган аёл бу мушкулотни танҳо енгишга ҳукм қилинмоқда", - дея хотима қилган у.

Эслатиб ўтамиз, 2019 йилнинг май ойида британия шаҳзодаси Гарри ва унинг рафиқаси Меган Маркл ва ниҳоят янги туғилган фарзандларини кўрсатишган эди.

Меган Марклнинг ўғли - Арчи Маунтбеттен-Виндзор тахт ворислари линиясида еттинчи ўринни эгаллади, у қиролича Елизавета иккинчининг саккизинчи эварасидир.

281
Доллары США

Аҳоли бандлигига кўмаклашиш маркази директори йирик фирибгарликка қўл урди

14
Директор фуқаролардан бирини юқори лавозимдаги танишлари орқали Тошкент шаҳридаги туғруқ комплексларидан бирига раҳбар лавозимига тайинлатиш учун 30 минг доллар "рағбат" сўраган

ТОШКЕНТ, 26 ноя - Sputnik. Бектемир туман аҳоли бандлигига кўмаклашиш маркази директори ўтказилган тезкор тадбир давомида фирибгарлик устида ушланди, деб хабар қилмоқда Бош прокуратура матбуот хизмати.

Хабарда айтилишича, гап Бектемир туман аҳоли бандлигига кўмаклашиш маркази директори М.А. ҳақида бормоқда.

У фуқаро Ш.А.нинг турмуш ўртоғини Тошкент шаҳридаги туғруқ комплексларидан бирига раҳбар лавозимига тайинлатиб бериш эвазига 30 000 АҚШ доллар талаб қилган.

У бу ишни юқори лавозимдаги танишлари орқали бажармоқчи бўлган.

Пулнинг учдан бир қисмини олган вақтида ашёвий далил билан ушланган.

Мазкур ҳолат юзасидан М.А.га нисбатан Жиноят кодексининг 168-моддаси 3-қисми ва 28, 211-моддаси билан жиноят иши қўзғатилиб, тергов ҳаракатлари ўтказилмоқда.

14