Россияда мутлақ ҳимояланган қўмондонлик пункти ишга тушмоқда - Путин

695
(Янгиланган 13:01 12.11.2020)
Россия қўшинларининг, жумладан стратегик ядровий кучлари учун қурилаётган янги қўмондонлик-бошқарув пункти ўта мустаҳкам иншоот бўлади.

ТОШКЕНТ, 11 ноя - Sputnik. Россияда деярли "мутлақ ҳимояланган" янги қўмондонлик-бошқарув пункти қуриб битказилмоқда, деди Владимир Путин бугун Россия Мудофаа вазирлигида бўлиб ўтган йиғилишда.

"Биз сиз билан яхши тушунамизки, жанговар шароитда бошқарув тизимини сақлаб қолиш жуда муҳим аҳамиятга эга. Уларни ҳатто ядровий зарба берилганда ҳам сақлаб қолиш керак. Шунинг учун бошқарув тизимларининг хавфсизлигини ошириш устида жиддий ишлашимиз керак. 

Менга айтишларича, янги деярли мутлақ ҳимояга эга бўлган бошқарув пункти қурилиши сўнгги босқичга етган. Барча, жумладан стратегик ядровий кучларни бошқариш имконига эга бўлган ушбу иншоотнинг мустаҳкамлиги жуда юқори бўлади", - деди Россия президенти. 

Эслатиб ўтамиз, сўнгги вақтларда бир неча экспертлар дунёда ядровий уруш хавфи ортиб бораётганини айтиб ўтишмоқда. Бироз олдин Германия ҳарбий кучлари "ядровий уруш шароитида" ҳарбий машғулотлар ўтказган эди.

Ундан ташқари яқинда Чехия ҳарбийлари ҳам "Учинчи жаҳон урушини" башорат қилишган эди. 

 

 

 

695
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

33
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

33
Мавзу:
COVID-19 умумжаҳон пандемияси
День рождения основателя ювелирного дома De Grisogono

Bloomberg: Гулнора Каримова Швейцарияда судда ютиб чиқди

717
(Янгиланган 20:31 04.12.2020)
Гулнора Каримованинг адвокати Грегуар Манжга кўра, бу унинг учун муҳим ғалаба. Тафсилотлар билан хабаримизда танишинг

ТОШКЕНТ, 4 дек - Sputnik. Гулнора Каримова Швейцарияда судда ғолиб чиқди, деб ёзади Bloomberg.

Қарорга биноан Федерал Апелляция суди Каримованинг Гибралтар компанияси Takilant Ltd нинг қонуний бенефициари бўлганлиги тўғрисидаги даъвосини қондирди, унинг маблағлари 2018 йилги жиноят иши бўйича Швейцария банк ҳисобварағида музлатиб қўйилган.

Шу билан бирга, суд қарори билан аллақандай Ўзбекистон фуқароси Б.га нисбатан суд қарори қабул қилинган. Аёл Гулнора Каримова номидан ҳужжатларни сохталаштириш ва пулни юқишда айбдор деб топилган. Б.нинг бу қилмишларидан мақсад Гулнора Каримова пул маблағларининг ҳақиқий эгаси эканлиги тўғрисидаги фактни яшириш бўлган.

Каримованинг адвокати Грегуар Манжнинг сўзларига кўра, бу Гулнора учун муҳим ғалаба, Швейцария прокуратурасида эса 350 миллион долларнинг ноқонуний келиб чиқишини исботловчи далиллар етарли эмас.

Адвокатнинг аниқлик киритишича, ушбу қарор Швейцариянинг пулларни Ўзбекистонга қайтаришдан олдинроқ Гулнора Каримовага қайтариш имконини беради.

Эслатиб ўтамиз, 2012 йилда Швейцария прокуратураси Гулнора Каримованинг 800 млн швейцария франкига тенг активларини музлатиб қўйган эди. Ушбу маблағларнинг бир қисми — 131 млн долларга яқини — 2019 йилда қайд этилган.

2015 йил август ойида Каримова товламачилик ва солиқ тўлашдан бўйин товлашда айбланиб, 2017 йилнинг декабрида яна бир жиноий иш доирасида унга 10 йилга озодликдан маҳрум этиш кўринишида жазо тайинланган эди. 18 март куни суд янги жиноий иш доирасида унинг қамоқ муддатини 13 йил тўрт ойгача узайтирди.

717

Ўзбекистонга учадиган Россия авиакомпаниялари рўйхати кенгайди

74
(Янгиланган 13:43 05.12.2020)
Россия Федерацияси Марказий Осиё минтақасининг турли шаҳарларига парвозларни амалга оширадиган авиакомпаниялар рўйхатини кенгайтирди

ТОШКЕНТ, 5 дек — Sputnik. Росавиация тегилши лицензияга эга бир нечта авиакомпанияларга фуқароларни ёки юкларни ташиш бўйича чет элга халқаро рейсларни амалга ошириш ҳуқуқини берди. Авиакомпаниялар рўйхати идора сайти қарорида эълон қилинган.

11та авиакомпаниялар ичида энг кўп йўналишда парвозларни амалга ошириш ҳуқуқини AZUR air компанияси қўлга киритган.

Марказий Осиё мамлакатларига парвоз пунктлари орасида Ўзбекистон ҳам бор.

Росавиация қарорига мувофиқ, эндиликда "ИрАэро", "Северный ветер", "Ред Вингс" каби авиакомпаниялар ҳафтасига 2-5 мартагача Россиянинг Нижневартовск, Москва, Красноярск, Уфа, Екатеринбург, Ростов-Дондан Ўзбекистоннинг Андижон, Наманган, Фарғона ва Самарқанд сингари шаҳарларига парвозларни амалга ошириши мумкин.

Марказий Осиёнинг бошқа мамлакатларига ҳам парвозларни амалга оширувчи авиакомпаниялар сони ортган. Хусусан, AZUR air Иркутскдан Тожикистонга, "Северный ветер", "Ред Вингс", "АЗУР эйр", "Азимут", "Северный Ветер" - Қозоғистонга, "Северный ветер" эса Қирғизистон(Бишкек)га парвозларни амалга ошириш ҳуқуқини қўлга киритган.

74