Флаг Азербайджана

Тоғли Қорабоғдаги уруш Озарбайжоннинг ғалабаси билан якунланди Алиев

490
(Янгиланган 19:00 11.11.2020)
Илҳом Алиев Озарбайжон Тоғли Қорабоғдаги урушда ғалаба қозонганлигини эълон қилди. У Боку Қорабоғда етказилган зарар ҳисобланишини ва Еревандан компенсация талаб қилишини айтди.

ТОШКЕНТ, 11 ноя — Sputnik. Тоғли Қорабоғдаги уруш Озарбайжоннинг ғалабаси билан якунланди, деди республика президенти Илҳом Алиев ҳарбийлар билан учрашувда. РИА Новости хабарига асосан.

Тоғли Қорабог бўйича келишув: Озарбайжон, Арманистон ва Россия раҳбарлари нимани келишиб олдилар
Ria.ru / AZTV / RT Arabic / Минобороны России / Пресс-служба правительства Республики Армении / Ruptly

"Ватан уруши якунланди. Озарбайжон бу урушда ёрқин ғалабани қўлга киритди, бизнинг ерларимиз ишғолдан озод қилинди, биз босқинчиларни ўз ерларимиздан қувиб чиқардик", деди у.

Шунингдек, Алиев Боку Қорабоғда етказилган зарар ҳисобланишини ва Еревандан компенсация талаб қилишини айтди.

Сентябр ойи охирида Тоғли Қорабоғда вазият кескинлашди: Арманистон ва Озарбайжон бир-бирини 1980-йиллар охирида бошланган можарони авж олдиришда айбладилар. Томонлар тўлиқ ёки қисман сафарбарлик эълон қилишди, жанглар бошланди.

Бир ярим ой ичида томонлар ўт очишни тўхтатиш учун учта муваффақиятсиз уринишни амалга оширдилар. 10 ноябрга ўтар кечаси Россия, Озарбайжон ва Арманистон тўртинчи ҳужжатни имзоладилар. Унга кўра, Озарбайжон ва Арманистон ҳарбийлари жанговар ҳаракатларни тўхтатади, эгаллаб олинган позицияларда тўхтайди ва асирлар билан ўзаро алмашилади. Арманистон Бокуга Келбажар, Лочин ва Агдам туманларини қайтариши керак.

Бундан ташқари, Россия тинчликпарвар кучлари Тоғли Қорабоғ можароси зонасида жойлаштирилади. Мудофаа вазирлигининг маълумотларига кўра, Марказий ҳарбий округнинг тинчликпарвар 15-алоҳида моторўқотар бригадаси бўлинмасидан иборат контингент - 1960 нафар ҳарбий хизматчи, 90 та зирҳли транспортёрлар, 380 та автомобил ва махсус техника.

Бокуда бу келишув Ереваннинг таслим бўлиши деб номланди. Илҳом Алиев ҳужжат Озарбайжон учун энг фойдали эканлигини таъкидлади: энди, унга кўра, ҳарбий босқич якунланди ва сиёсий масалаларга ўтиш мумкин.

Арманистон бош вазири Никол Пашинян, ўз навбатида, тинчлик тўғрисидаги қарор унга жуда оғриқли бўлгани, аммо бу Қорабоғни йўқотиб қўйишдан сақлаб қолганини айтди. Ереванда намойишлар бошланди, намойишчилар бир нечта ҳукумат биноларини ағдартўнтар қилишди.

490

“Вектор” маркази раҳбари пандемия қачон тугаши ҳақида фикр билдирди

13
(Янгиланган 12:11 30.11.2020)
“Вектор” маркази раҳбари директори Ринат Максютов коронавирус пандемияси 2021 йилда якунланади деб ҳисоблайди.

ТОШКЕНТ, 30 ноя — Sputnik. “Вектор” вирусология ва биотехнология давлат илмий маркази бош директори Ринат Максютов коронавирус пандемияси 2021 йилда якунланади деб ҳисоблайди.

“Вирус қолади, лекин пандемиянинг ўзи, албатта, кетади. Ишонаманки, 2021 йилда”, - деди у “Science Bar Hopping” онлайн фестивалидаги чиқиши давомида. Унинг сўзларидан РИА Новости иқтибос келтирган.

Максютовнинг сўзларига кўра, пандемия дунё аҳолисининг аксарият қисми коронавирусни бош кечирган ёки вакциналар туфайли етарлича жамоавий иммунитет шакллангандан сўнг ортга қайтади.

Пандемия бошлангандан буён дунёда 63 миллиондан зиёд киши коронавирус билан касалланди, 1,4 миллиондан ортиқ киши вафот этди.

Россияда коронавирусга қарши иккита вакцина рўйхатга олинган. Бу Гамалея марказининг “Спутник V” ва “Вектор”марказининг “ЭпиВакКорона” вакцинаси. Яқин кунларда Чумаков номидаги Илмий марказ вакцинаси ҳам рўйхатга олиниши кутилмоқда.

13
Теглар:
коронавирус пандемияси, Гамалея маркази, “Вектор” маркази, Спутник V, вакцина, коронавирус

ЕИ туфайли ишсиз қолган латвиялик балиқчилар Россияга кўчиб ўтди

46
(Янгиланган 11:41 30.11.2020)
ЕИ Болтиқ денгизида балиқ овлашни таъқиқлаганидан сўнг Латвияда балиқчилар ишсиз қолишди. Уларга компенсация эвазига кемаларини металломга топшириш таклиф қилинди. 

ТОШКЕНТ, 30 ноя — Sputnik. Европа Иттифоқининг қарори туфайли ишсиз қолган латвиялик бир неча балиқчилар оиласи Россияга кўчиб ўтди, деб хабар қилмоқда Sputnik Latvija.

Маълумот учун, 2020 йилнинг октябр ойида ЕИ Болтиқ денгизида бир неча турдаги балиқларни овлашни таъқиқлаган эди. Шарқий болтиқ трескаси овлашга ихтисослашган латвиялик балиқчилар бунинг оқибатида ишсиз қолишди. Уларга компенсация эвазига балиқ овловчи кемаларини металломга топшириш таклиф қилинди. 

Лекин Авотиньш исмли балиқчи бунга рози бўлмади. Ўз касбини йўқотганидан сўнг у Латвияни тарк этишга қарор қилди. 

"Россия мени ва менинг балиқчи дўстларимни жуда яхши кутиб олди. Улар ҳам бир вақтлар Болтиқ денгизида балиқ овлашар эди, лекин  Евроиттифоқнинг кескин сиёсати туфайли ўз кемаларини металломга топширишга мажбур бўлишди", - дейди Авотиньш. 

Балиқчилар айтишига кўра, улар ЕИдан компенсация олишган, лекин бу етказилган зарарни тўлиқ қопламайди. 

"Дейлик, ўша пулнинг бир қисмига мен эскигина немис машинасини сотиб олдим, қолганини еб-ичиб тугатдим.Ахир ишлаш керак-ку, Ҳозир эса Латвияда балиқчилар ишлай олмайди", - дейди суҳбатдош. 

Авотиньш ўз балиқчи дўстлари билан Узоқ Шарқ ҳудудига кўчиб ўтишган қарор қилган. У ерда "ҳаёт ҳам қизиқроқ, балиқ ҳам тўлиб-тошиб" ётибди. 

46