Пушков: Байден “сайловларни ўғирлаган” президентига айланиши мумкин

393
(Янгиланган 13:22 15.11.2020)
Россиялик сенатор Алексей Пушков Twitter’да Жо Байден "сайловларни ўғирлаган" АҚШ президенти бўлиши мумкинлигини айтди.

ТОШКЕНТ, 15 ноя — Sputnik. Россиялик сенатор Алексей Пушков Twitter’да Жо Байден "сайловларни ўғирлаган" АҚШ президенти бўлиши мумкинлигини айтди.

Сенатор таъкидлашича, агар АҚШнинг амалдаги президенти Дональд Трамп Жоржия штатида овозларни қайта ҳисоблашга эришса, Пенсилванияда эса ғалаба қозонса, у ҳолда унинг рақиби 36 та сайлашга вакил қилинган кишиларнинг овозини йўқотади - улар Трампга ўтади. Бироқ, бу АҚШнинг амалдаги раҳбарининг ғалабаси учун етарли бўлмайди - унга яна битта штат керак. Шу билан бирга, сенатор фикрига кўра, Байден илгари ғолиб бўлган икки штатда овоз беришни қайта ҳисоблаш сайловларни йўққа чиқаради ва уларни қонунийликдан маҳрум қилади.

"Байден "сайловларни ўғирлаган" президентга айланади. Бундай сценарий бўлиши мумкин, аммо унинг президентлигига жуда исталмаган ҳолат", - деб хулоса қилди Пушков.

3 ноябр куни АҚШда президент сайловлари бўлиб ўтди. Ғолиб ҳали расман эълон қилинмади. Бир нечта штатларда овозларни ҳисоблаш давом этмоқда. Бироқ, Америка ОАВ ғалабани Жо Байденга берди - Fox News хабарига кўра, у 290 сайлашга вакил қилинган кишиларнинг овозини олди, Трамп - 232. Байден аллақачон ғалаба қозонганлигини эълон қилди, уни кўплаб давлатлар раҳбарлари табрикладилар. Трамп, ўз навбатида, сайловлар ҳали тугамаслигини ва ўз ғалабасини судда ҳимоя қилмоқчи эканлигини айтди. Шу билан бирга, у АҚШ раҳбари сифатида иккинчи муддатга қолмаслиги мумкинлигини ҳам тан олди.

393
Теглар:
сайлов натижалари, Жо Байден
Джо Байден во время выступления в Уилмингтоне, США

Байден йиқилиб, оёғини синдириб олди

36
(Янгиланган 12:53 30.11.2020)
АҚШ президентлигига номзод Жо Байден тойиб кетиш оқибатида оёғини шикастлади. Томография унинг оёғи икки жойидан дарз кетганини кўрсатди.

ТОШКЕНТ, 30 ноя — Sputnik. АҚШ президентлигига номзод Жо Байден тойиб кетиш оқибатида оёғини шикастлади.

Компьютер томографияси Жо Байденнинг оёғи икки жойидан дарз кетганини кўрсатди. Эҳтимол демократ бир неча ҳафта давомида махсус оёқ кийимда юришга тўғри келади.

Ўтган шанба куни Жо Байден ити Мейжор билан ўйнаётганда тойиб кетди, шундан сўнг шифокор кўригидан ўтишга тўғри келди.  

Дастлаб ортопед суяк синганини  аниқламаганди, фақат мушакларнинг чўзилиши ташхисини қўйди, аммо сиёсатчини қўшимча кўрикдан ўтиш учун юборилди. Қайта кўрикда унинг оёқ панжаси қисмида синиш жароҳатлари борлиги аниқланди.

АҚШда президент сайлови 3 ноябр куни бўлиб ўтди. Дастлабки маълумотларга кўра, Байден зарур бўлган 270 овоздан 306 та сайлашга вакил қилинган кишининг овозини олди. Амалдаги президент Дональд Трамп ҳали мағлубиятини тан олгани йўқ ва баъзи штатларда судлашмоқда.

АҚШ президенти Дональд Трамп Twitter’да ўз рақибига тезроқ соғайиб кетишни тилади.

36
Теглар:
Жо Байден, АҚШ

“Вектор” маркази раҳбари пандемия қачон тугаши ҳақида фикр билдирди

63
(Янгиланган 12:11 30.11.2020)
“Вектор” маркази раҳбари директори Ринат Максютов коронавирус пандемияси 2021 йилда якунланади деб ҳисоблайди.

ТОШКЕНТ, 30 ноя — Sputnik. “Вектор” вирусология ва биотехнология давлат илмий маркази бош директори Ринат Максютов коронавирус пандемияси 2021 йилда якунланади деб ҳисоблайди.

“Вирус қолади, лекин пандемиянинг ўзи, албатта, кетади. Ишонаманки, 2021 йилда”, - деди у “Science Bar Hopping” онлайн фестивалидаги чиқиши давомида. Унинг сўзларидан РИА Новости иқтибос келтирган.

Максютовнинг сўзларига кўра, пандемия дунё аҳолисининг аксарият қисми коронавирусни бош кечирган ёки вакциналар туфайли етарлича жамоавий иммунитет шакллангандан сўнг ортга қайтади.

Пандемия бошлангандан буён дунёда 63 миллиондан зиёд киши коронавирус билан касалланди, 1,4 миллиондан ортиқ киши вафот этди.

Россияда коронавирусга қарши иккита вакцина рўйхатга олинган. Бу Гамалея марказининг “Спутник V” ва “Вектор”марказининг “ЭпиВакКорона” вакцинаси. Яқин кунларда Чумаков номидаги Илмий марказ вакцинаси ҳам рўйхатга олиниши кутилмоқда.

63
Теглар:
коронавирус пандемияси, Гамалея маркази, “Вектор” маркази, Спутник V, вакцина, коронавирус