Трансгендер в Пакистане

Трансгендерларни хотирлаш куни. Қотилликлар тарихи

662
Ҳар йили 20-ноябр куни кўплаб мамлакатларда ноанъанавий жинсий идентификацияга эга одамларга нисбатан тажовузкорлик қурбонларини хотирлашади. Анъана 1999 йилда, АҚШда трансгендер рок-қўшиқчиси Рита Хестер ўлдирилганидан сўнг бир йил ўтиб юзага келган.

Олег Обухов, Sputnik радиоси шарҳловчиси

Транссексуаллар ва андрогинлар, агендерлар ва бигендерлар, трансвеститлар ва гендерквирлар. Дунёда жинсий чегараси туташиб кетган ёки одатий бўлмаган одамлар қанчалиги - ҳеч кимга маълум эмас. Аммо, ўзини трансгендер деб атагувчи одамлар бошқаларга нисбатан кўпроқ зўравонликка учраши ҳақидаги таъкидлар жуда кўп янграйди. Бошқа жинс вакилларига нисбатан уч карра кўп, дейилади америка зўравонликка қарши миллий коалицияси маълумотларида.

Ҳаммаси қандай бошланган

Трансгендерларни хотирлаш куни илк бор 1999 йилда Сан-Францискода бўлиб ўтган. Ўшанда бу кун Рита Хестер (Rita Hester) – бир йил олдин ўзининг Бостон (АҚШ)даги квартирасида ўлдириб кетилган транссексуал аёл, рок-мусиқачи хотирасига бағишланган эди. Аёл пичоқ билан берилган бир неча зарба оқибатида ҳаётдан кўз юмган. Аёл қотиллиги, транссексуаллар қотилликларининг аксарияти сингари очилмасдан қолиб кетган.

Статистика

Трансгендерлар ҳуқуқлари ҳимоячиларининг таъкидларига кўра, дунёда ҳар йили ўнлаб транссексуал одамлар турли сабаблар туфайли юз берган қотилликлар оқибатида ҳалок бўлишади. Бу борада аниқ статистика олиб борилмайди. Полициячиларнинг ҳисоботларида одатда расмий ҳужжатларда ёзилган жинс кўрсатилади. 2019 йилда АҚШда камида 25 нафар транссексуаллар ўлдирилган, дея келтирган Инсон ҳуқуқлари бўйича миллий ташкилот портали (HRC). 

Шанба. Тонг. Лос Эрос бульвари яқинида бир нечта эркак 27 ёшли Анаи Риваснинг ёнига келишади. Улар Анаидан ўзларига жинсий характердаги хизмат кўрсатишни сўрашади. Аммо Анаи эркакларнинг бу таклифидан чоғ бўлди, деб ҳам бўлмайди, чунки, гувоҳларнинг сўзларига кўра, уни машина томонга мажбурлаб судраб кетишган. Авто турган жойидан шиддат билан қўзғалади, аммо трансгендер-аёлни салонга тўлиқ итариб киргизишга улгуришмаган (эҳтимол, атайдан шундай қилинган) эди. Унинг оёқлари беш километргача ерда судралиб борган. У ҳалок бўлади. Ушбу ҳикоя Сальвадордаги ЛГБТ-фаоллар томонидан сўзлаб берилди.

Бу кам учрайдиган ҳолатлардан эмас: таъкидланишича, мамлакатда сўнгги вақтларда нафрат туфайли трансгендерларга нисбатан амалга ошириладиган жиноятлар сони ортиб бормоқда.

Испания ҳикояси

45 яшар Соня Рескальво Зафра, трансгендер аёл Барселонада Сьютаделла паркида (Parc de la Ciutadella) олти нафар неонацист скинхедлар томонидан ўлдирилган. Улар 16-17 ёшдаги ўсмирлар бўлишган. Ёш йигитлар аёлни у трансгендер бўлгани учун бир неча маротаба бошига оёқлари билан тепишган. Уларнинг уйлари тинтув қилинган вақтда пичоқлар, бейсбол биталари ва кастетлар топилган. Суд ўсмирларни 310 йилга озодликдан маҳрум этган. Орадан 22 ярим йил ўтиб Каталония гейлар халоскор фронти (Front d'Alliberament Gai de Catalunya) ушбу ҳодиса юз берган жойни Glorieta de la Transsexual Sònia (Транссексуал Соня майдончаси) деб номлашни таклиф этган. Шаҳар ҳукумати ушбу ғояни қўллаб-қувватлаган ва фожиа хотирасига янги ном расман тасдиқдан ўтказилган.

Россия ҳикояси/ Ишдаги тушунмовчилик

Трансгендерларнинг ўзларининг айтишича, Россияда ноанъанавий жинсий идентификацияланган одамлар қотилликлари учраб туради, аммо бундай ҳодисалар кўпроқ маиший можаролар ва рашк туфайли юзага келади.

Шу билан бирга, Trans Family YouTube-канали муаллифи Эрика Аскарованинг Sputnik радиосига айтишича, бундай одамлар дискриминацияга дуч келишлари ҳам бор гап, хусусан, ишга жойлашишда.

"Мени кўпинча ишга олишмаган. Рад этишлари учун менинг ноодатий ташқи кўринишимнинг ўзи етарли ҳисобланарди. Улар менинг маълумотим ёки профессионал сифатидаги кўникмаларимга мутлақо аҳамият беришмаган. Мен уларга тўғри келмаслигим, улар трансгендерни ишга ололмасликларини айтишарди. Менинг дугонамни эса анчадан буён дорихонадан ишдан бўшатишга ҳаракат қилиб келишмоқда, у фармацевт бўлиб ишлайди. Меҳнат инспекциясида иш берувчи уни ишдан бўшатишга ҳақли эмаслигини тушунтиришса-да, аммо бевосита иш жойида у мунтазам дискриминацияга дуч келади. Бу ерда мураккаб томони - трансгендерлик - жисмоний эмас, балки руҳий ҳолатлигида. Кўпинча жинсни тўлиқ ўзгартириш учун операцияга пул топилмайди. Ва паспорт бўйича, мисол учун, сиз эркак бўлсангизда, иш берувчи қаршисида аёлни кўради. Бундай фарқлар кўпчилик учун мақбул эмас".

"Одатий" кўринишга эга бўлиш эса, трансгендерларнинг ўзлари учун номақбулдир. Ушбу коллизияга айнан ҳозир қандай ечим топиш мумкин - тушунарсиз. Аммо бир нарса равшан, ҳеч қандай ҳолатда ҳам зўравонликка йўл қўйиш мумкин эмас ва уни ҳеч нарса билан оқлаб бўлмайди.

662

Уханлик вирусолог коронавируснинг янги турлари ҳақида гапирди

192
Коронавирус тарқалган ҳудуднинг "юрагидан" бўлган хитойлик эксперт-вирусолог ўз ўрганишлари давомида кашф қилган ҳолатлар ҳақида гапирди

ТОШКЕНТ, 5 дек — Sputnik. Хитой ҳудудида коронавирусга эга кўпшапалакларнинг бир қанча тури мавжуд, деб хабар қилди Ухань вирусология институти мутахассиси Ши Чженли. Унинг сўзларидан Guardian иқтибос келтирмоқда.

Вирусолог коронавируснинг янги турлари мамлакатнинг жанубий ва жануби-ғарбий қисмларида рўйхатдан ўтказилганини қўшимча қилди.

Эксперт шунингдек, коронавирусли кўршапалаклар Хитой чегарасидан ташқарида, хусусан, Жанубий Осиёда ҳам мавжуд, дея ҳисоблайди.

Чжэнли COVID-19 вируси кўршапалакдан одамга тўғридан-тўғри юқмаганини, ўртадаги ташувчини аниқлаштириш кераклигига эътибор қаратди.

Шунингдек, ўтган йилнинг охирида топилгунига қадар, вируснинг ҳайвонлар ёки одамлар орасида қанча вақт циркуляция қилганлиги ҳақидаги савол ҳам номаълумлигича қолмоқда.

192
Мавзу:
COVID-19 умумжаҳон пандемияси
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

71
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

71
Мавзу:
COVID-19 умумжаҳон пандемияси
Каннабис в Узбекистане: будет ли легализован медицинский препарат

Ўзбекистонда техник каннабис етиштириш учун тўланадиган бож миқдори тасдиқланди

21
(Янгиланган 20:17 05.12.2020)
Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

ТОШКЕНТ, 5 дек - Sputnik. Техник каннабис етиштириш билан шуғулланиш учун тўланадиган бож миқдори тасдиқланди, деб хабар бермоқда Қишлоқ хўжалиги вазирлиги ахборот хизмати.

Ўсимликни етиштириш учун 3000 та базавий ҳисоблаш миқдори (БҲМ), импорт (экспорт), қайта ишлаш, сақлаш, сотиш (чиқариш), сотиб олиш ва ташиш учун - буларнинг ҳар бири учун 200 БҲМ (тахминан 44,6 миллион сўм)дан тўғри келади.

Ушбу турдаги фаолият билан шуғулланиш учун лицензиялар олиш мақсадидаги божлар миқдори 2020 йил 3 декабрдаги ЎРҚ-653-сонли "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунининг 17-моддасида кўрсатилган.

Лицензиялар Ўзбекистон Республикаси Қишлоқ хўжалиги вазирлиги томонидан берилади.

Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

Жумладан, вазирлик изоҳига кўра:

- каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

- ўсимликка қишлоқ хўжалиги кимёвий препаратларини нисбатан камроқ ишлатилади ҳамда сувни анча кам талаб қилади;

- атроф-муҳитни ифлосланишлардан тозалаш имконини беради;

- айланмадан чиқиб қолган ерларни тиклаш учун тупроқдан кадимий ва бошқа заҳарли моддаларни чиқариб олишда ниҳоятда фойдали;

- 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

- жаҳонда 40 дан ортиқ давлатларда техник каннабисдан саноат мақсадларида фойдаланиб келинмоқда.

21