Флаг Турции на фоне курорта

Ўзбекистонликлар Туркиядаги янги чекловлар ҳақида огоҳлантирилди

346
Туркияда коронавирус тарқалишига қарши курашиш бўйича янги чора-тадбирлар жорий этилмоқда. ТИВ Ўзбекистон фуқароларига огоҳлантириш билан чиқди.

ТОШКЕНТ, 1 дек — Sputnik. COVID-19 пандемияси сабабли Туркияда бўлиб турган ёки ушбу мамлакатга сафар қилишни режалаштираётган ватандошлар огоҳлантирилди.

ТИВ матбуот хизмати хабарига кўра, Туркияда коронавирус тарқалишига қарши курашиш бўйича янги чора-тадбирлар жорий этилмоқда.
Хусусан, 2020 йил 1 декабрдан бошлаб Туркияда қуйидаги янги чеклов чоралари жорий этишга қарор қилинди:

- Иш кунлари комендантлик соати мавжуд. Кечки 21:00 дан эрталаб 05:00 гача кўчага чиқишга рухсат берилмайди.

- жума куни кечқурун соат 21:00 дан бошлаб дам олиш кунлари давомида ва душанба куни соат 05:00 гача уйдан ташқарида бўлиш мумкин эмас.

- Жаноза ва тўй маросимларида ўртача 30 киши қатнашиши мумкин.

- Барча давлат идоралари иш кунлари фақат соат 10:00 дан 16:00 гача фаолият кўрсатади.

- 65 ёшдан ошган ва 20 ёшгача бўлган фуқаролар жамоат транспортидан фойдаланиши таъқиқланади. Улар жума кунидан ташқари, иш кунлари соат 10:00 дан 13:00 гача кўчада бўлиши мумкин. Жума намозига ташриф буюришга рухсат берилади. Иш кунлари комендантлик соатидан ташқари вақтда болалар ва пенсионерлар шаҳар атрофида 05:00дан 21:00гача шахсий транспортда ҳаракат қилиши мумкин.

- Уйда меҳмон кутиш, турли маросим, зиёфат, байрам тадбирлари, шу жумладан Янги йил байрамини ўтказиш тақиқланади.

- Озиқ-овқат, гўшт дўконлари, мева-сабзавот шохобчалари ва бошқа етказиб бериш билан шуғулланадиган тизимлар дам олиш кунлари ҳам фаолият юритиши мумкин.

- Кинотеатрлар фаолияти йил охиригача чекланади. Сауналар, ҳаммомлар ва кўнгилочар боғлар ёпилади.

- Болалар майдончалари ва спорт майдончаларидан фойдаланиш тақиқланади. Мамлакатдаги барча спорт тадбирлари томошабинларсиз давом эттирилади.

- Барча болалар боғчалари, тайёргарлик синфлари ва бошқа болалар таълим муассасалари фаолияти тўхтатилади. Мактаб ўқувчилари ва талабалар учун масофавий ўқитиш 2020 йил охиригача узайтирилмоқда.

- Касалхоналар, ўт ўчирувчилар хизмати, полиция ва дорихоналар ҳар куни чекловсиз ишлайди.

- Уйга етказиб бериш шохобчалари, кафелар ва ресторанлар ҳам комендантлик соати вақтида ишлашни давом эттиради.

- Агар бирор кишининг қўлида самолёт ёки поезд чиптаси бўлса, у аэропортга ёки темир йўл станциясига бориш учун шахсий ёки жамоат транспортидан фойдаланиши мумкин.

- Жамоат транспортидан фойдаланиш, савдо марказига, касалхонага, давлат идораларига кириш учун HES коди керак бўлади. Бу Туркия фуқароларига ҳам, яшаш ҳуқуқига эга бўлганларга ҳам тегишли.

- Тиббий маскаларни доимий равишда таъқиш режими, шунингдек, ижтимоий масофа ва вирусга қарши гигиена қоидалари ҳамда қўчада сигарет чекиш билан боғлиқ тақиқлаш ўз кучида қолди.

“Мамлакатда юзага келган оғир эпидемиологик вазиятни ҳисобга олган ҳолда Ўзбекистон элчихонасининг консуллик бўлими ва Истанбул шаҳридаги Бош консулхонаси ҳужжатларни жумладан электрон почталар орқали қабул қилишни (Элчихона консуллик бўлими – uzconsul.ankara@gmail.com, Бош консулхона – uzbekconsul@yahoo.com), электрон почталар воситасида консультатив ёрдам кўрсатишни бошлади”, - дейилган хабарда.

Мамлакат элчихонаси Туркияда вақтинча ёки доимий яшаётган, ўқиётган, меҳнат фаолияти билан шуғулланаётган ёки ушбу мамлакатга сафар қилишни режалаштираётган Ўзбекистон фуқароларини ушбу чеклов чораларини ҳисобга олишни, ўз соғлигини ҳимоя қилиш чораларини кўришни, расмий ҳокимият органларининг барча талабларига қатъий риоя қилишга чақиради.

346
Теглар:
ТИВ, карантин, чеклов, коронавирус пандемияси, Туркия, Ўзбекистон
Мавзу:
COVID-19 умумжаҳон пандемияси (1349)
Генерал Ллойд Джеймс Остин III

Илк бор афроамерикалик Пентагон раҳбари бўлди - Сенат Ллойд Остин номзодини маъқуллади

183
(Янгиланган 10:05 23.01.2021)
АҚШ Сенати Мудофаа раҳбари номзодини маъқуллади. Пентагон раҳбари лавозимини тўрт юлдузли генерал рангига эга 67 ёшли Ллойд Остин эгаллади. У 2016 йилдан истеъфода эди

ТОШКЕНТ, 23 янв — Sputnik. АҚШ Сенати Пентагон раҳбари лавозимига Ллойд Остин номзодини маъқуллади, деб хабар бермоқда РИА Новости.

Остин учун 93 нафар сенатор овоз берган, икки киши қарши чиққан. Сал олдин унинг номзодини сенатнинг мудофаа қўмитаси қўллаб-қувватлаган эди. 

Фуқаролик мудофаа вазири лавозимига етти йилгача бўлган муддат аввал истеъфога чиққан ҳарбийлар сафидан номзодлар учун конгресснинг махсус рухсатномаси талаб этилади. Остин 2016 йилда истеъфога чиққан.

Ллойд Остин 67 ёшда, тўрт юлдузли генерал рангига эга. Остин АҚШ мудофаа идорасига раҳбарлик қилган биринчи афроамерикаликка айланди. Германияда, Қўшма Штатларнинг кўплаб нуқталарида хизмат қилган, штаблар раҳбарлари бирлашган қўмитасида фаолият юритган, дивизия қўмондони бўлган ва 2006 йилда генерал-лейтенант унвонини олган.

2010-йилда Остин АҚШнинг Ироқдаги кучлари қўмондони этиб тайинланган ва мамлакатдан аста-секин чиқарилиши учун жавоб берган. 2011 йилнинг декабрида уни қуруқликдаги кучлар штаби қўмондони ўринбосари этиб тайинлашган, 2013-2016 йилларда у АҚШ ҲК Марказий қўмондонлигига раҳбарлик қилган.

Бу лавозимда у Вашингтоннинг "Ислом давлати"га қарши кураш стратегиясини ишлаб чиқишда бош рольни ўйнаган. 2016 йилда истеъфодан сўнг энг йирик қурол ишлаб чиқарувчи - Raytheon директорлар кенгашида лавозимни эгаллаган.

183
Новоизбранный премьер-министр Садыр Жапаров (в центре)

Жапаров кортеж ва зиёфатдан воз кечди - инаугурация камтарона ўтказилади

536
(Янгиланган 20:08 22.01.2021)
Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

ТОШКЕНТ, 22 янв — Sputnik. Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилди.

21 январь куни пойтахтининг марказида транспорт ҳаракати тўсиб қўйилди: мамлакат раҳбарининг махсус автокарвони ўтиши учун репетиция ўтказилди.

Sputnik Қирғизистон ёзишича, тадбирга 10 миллион қирғиз сўмини сарфлаш режалаштирилгани ҳақида хабар берилган. Шундан сўнг, қирғизистонликлар ижтимоий тармоқларда йўлларнинг ёпилиши, маросим харажатларини танқид қилишди.

Бугун Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

"Мен катта миқдордаги молиявий харажатларни келтириб чиқарадиган махсус кортежи, зиёфат ва бошқа ташкилий тадбирлардан воз кечиш тўғрисида қарор қабул қилдим. Президентлик лавозимига киришиш учун фақат қонунда белгиланган мажбурий тартибларни ҳисобга олиб, амалга оширилади", - деди Жапаров.

Унга кўра, ҳозирда ҳукумат бюджет маблағларини халқ ва уларнинг эҳтиёжлари учун ишлатишга қаратиши керак. Инаугурация ташкилий қўмитаси тадбир учун янги сценарий тузиши керак.

Инаугурация 28 январь куни Миллий филармониянинг катта залида бўлиб ўтади.

536
Теглар:
интернет, инаугурация, инаугурация маросими, сайлов, Садир Жапаров, Бишкек, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Мирзиёев Садир Жапаров билан қўнғироқлашди. Нима ҳақда гаплашишди?

Портлаш содир бўлган Янги-Ангрен ИЭС цех раҳбари ўз жонига қасд қилди

0
Йигирманчи январь куни ИЭСда юз берган фавқулодда ҳолат натижасида уч киши ҳалок бўлган, яна бир нечтаси жабрланган. Цех раҳбари терговга жалб этилган эди

ТОШКЕНТ, 23 янв — Sputnik. 20 январ куни портлаш содир бўлган Янги-Ангрен ИЭС цех раҳбари Тошкент вилоятида, уйида ўз жонига қасд қилди. Эслатиб ўтамиз, ИЭСдаги фавқулодда ҳолат туфайли уч ишчи ҳалок бўлган ва бир нечтаси жабрланган эди.

Цех раҳбарининг суиъқасд содир этгани ҳақидаги хабарни Sputnik Ўзбекистон мухбирига Энергетика вазирлиги матбуот-хизмати тасдиқлади.

Сал аввал тергов тадбирлари давомида юз берган воқеа факти юзасидан ИЭС цех раҳбари ҳам суриштирув ишларига жалб этилгани, у терговга чақиртирилгани ҳақида хабар берилган эди.

Эслатиб ўтамиз, 20 январ Янги-Ангрен ИЭС қозон агрегатида кўмир-кукуни ҳаво аралашмасининг чақнаши натижасида “Востокэнерготеплоизоляция” АЖнинг 3 нафар ходими олинган жароҳатлар натижасида вафот этган.

Уларнинг оила аъзоларига дафн маросимини ўтказиш учун 20-21 январь кунлари 4 миллион 866 минг сўмдан биринчи моддий ёрдам кўрсатилган.

Шунингдек, 22 январь куни Янги-Ангрен ИЭС томонидан вафот этганларнинг оила аъзоларига қўшимча равишда 105 миллион сўмдан моддий ёрдам кўрсатилди.

0