Член Совета при главе Чеченской Республики по развитию гражданского общества и правам человека Хеда Саратова

Чеченистонда француз ўқитувчисини ўлдирган қотилнинг дафн маросими қандай ўтказилди

1484
(Янгиланган 20:09 07.12.2020)
Чеченистон президенти ҳузуридаги Инсон ҳуқуқлари бўйича кенгаш аъзоси Хеда Саратова Францияда ўқитувчини ўлдирган қотилнинг дафн маросими ҳақида сўзлаб берди.

ТОШКЕНТ, 7 дек — Sputnik. Францияда ўқитувчини бошидан жудо қилган Абдулах Анзоровнинг қариндошлари унинг жасадини Чеченистонга олиб келишди ва Шалажи қишлоқ қабристонида дафн этишди. Бу ҳақда Чеченистон президенти ҳузуридаги Инсон ҳуқуқлари бўйича кенгаш аъзоси Хеда Саратова РИА Новостига сўзлаб берди.

"Йигит дафн маросимига оид барча ислом қоидаларига риоя қилган ҳолда Шалажидаги қишлоқ қабристонида дафн этилди. Унда қариндошлар ва танишлар иштирок этди" - деди у. Фақат маросим қачон бўлганинига аниқлик киритмади.

Ҳуқуқ фаолининг сўзларига кўра, ўқитувчининг қотиллиги жинояти ортида "маълум кучлар ёки қандайдир махсус хизматлар" турган.

"Барча содир бўлаётган нарсаларда махсус хизматлар, ва эҳтимол, "ислом терроризми" ва ҳоказоларни айтган, динни терроризм билан боғлаган ОАВлар айбдор, ва содир бўлаётганнинг сабабларини Франция ичида излаш керак. Қайси динга мансуб бўлишидан қатъи назар, одамларнинг диний ҳис-туйғуларига тегиш мумкин эмас. Мамлакатимизда дин давлат томонидан ҳимоя қилинади ва ҳеч ким ҳақоратни сўз эркинлиги деб ҳисобламайди. Бу сўз эркинлиги эмас", - деди Саратова.

Бундан аввал айрим ОАВлар тарих ўқитувчиси қотили Чеченистонда "шараф билан" дафн этилгани ҳақида хабар тарқатишди.

Қотиллик 16 октябрь куни Париж яқинидаги Конфланс-Сент-Онорин коммунасида содир бўлган. Қотилликни ўқитувчининг сўз эркинлиги дарсларида пайғамбар Муҳаммад (с.а.в) карикатураларини намойиш этганлиги билан боғлашмоқда. Ҳужум қилган киши полиция томонидан отиб ўлдирилди. Прокуратура маълумотларига кўра, у 2002 йилда Москвада туғилган, келиб чиқиши чеченистонлик бўлган, Францияда қочқин мақомини олган.

Россия президенти матбуот котиби Дмитрий Песков Анзоровнинг Чеченистондаги дафн маросими ҳақидаги хабарларнинг қанчалик ишончли эканлигини билмаслигини айтди. Шу билан бирга, у ўқитувчини ўлдириш - бу қоралаш ва рад этилиши керак бўлган террористик ҳаракат эканлигини таъкидлади.

1484
Британские военнослужащие

Эркак севгилисини ҳарбий қисмга олиб келиб, хонасида яшириб қўйди

384
(Янгиланган 19:47 25.01.2021)
Буюк Британияда эркак севгилисини ҳарбий қисмга олиб келиб, ўз хонасида икки давомида яшириб сақлади.

ТОШКЕНТ, 25 янв — Sputnik. Буюк Британияда самолёт устаси икки ҳафта давомида аёлни ҳарбий базадаги хонасида яшириб қўйди, деб хабар қилди РИА Новости The Sun нашрига асосан.

Эркак бу ҳолатни яширишга ҳаракат қилиб, “Илтимос, хона тозаланмасин” деган ёзувни осиб қўйди. Бироқ хонадан келаётган ҳид шикоятларга сабаб бўлди. Шундан сўнг, бир гуруҳ зобитлар хонани текшириш учун келишди. Улар шкафда ҳарбий кийим орқасидан аёлни топишди.

Аёл - Шарқ мамлакатларидан бирининг фуқароси, Голландия паспортига эга. Ҳарбий қисмда аёл эркакни алдаб, ундан сирларни олиши мумкинлиги ҳақида гумон қилишди.

Эркак севгилининг жосус эканлиги ҳақидаги шубҳаларни рад этди. Манбанинг маълум қилишича, аёл рухсатномасиз қўриқланадиган ҳудудга кирган.

Газетанинг ёзишича, севишганлар 2019 йилда танишган. Эркак қизни Рождество таътилидан кейин автомобил юкхонасида олиб келиб, ўз хонасида яшириб қўяди. Ҳарбий хизматчи жиддий қонунбузарлик содир этган ва қамоқ жазосига ҳукм қилиниши мумкин. Аёл Британияни тарк этди.

Денгиз кучлари вакилининг сўзларига кўра, ҳодиса юзасидан текширув тайинланган. У аёл Европа Иттифоқи фуқароси эканлигини ва унга  жосусликда айб қўйилмагани таъкидланди.

384
Теглар:
ҳарбийлар, ҳарбий база, Буюк Британия

Путин Навальнийнинг суриштируви ҳақида: қаср менга тегишли эмас

549
(Янгиланган 18:08 25.01.2021)
Владимир Путин Алексей Навальнийнинг Геленжикдаги "қаср" тўғрисидаги фильмини томоша қилмаганлигини айтди. Аммо ёрдамчилари тайёрланган видеолар тўплами билан танишиб чиққан.

ТОШКЕНТ, 25 янв — Sputnik. Россия талабалари билан ўтказилган онлайн-учрашувда Владимир Путин Алексей Навальнийнинг Геленджикдаги "қаср" тўғрисидаги фильмини томоша қилмаганлигини айтди. Чунки бунга унинг вақти йўқлиги, аммо ёрдамчилари томонидан тайёрланган видеолар тўплами билан танишиб чиққан.

Уфа давлат нефт техника университетининг 3-босқич талабаси Даниил Чемезов YouTube'да жойлаштирилган фильмнинг ҳаққонийлиги ҳақида сўради.

"Мен саволингизга бирдан жавоб бермоқчиман. У ерда менинг мулким сифатида кўрсатиладиган ҳеч нарса, на менга, на яқин қариндошларимга тегишли эмас ва ҳеч қачон тегишли бўлмаган. Ҳеч қачон", - деб жавоб берди Путин.

Ўтган ҳафтада Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

Кремл Геленжикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

549
Теглар:
Москва, Россия, Навальный, Владимир Путин
Мавзу бўйича
Навальний билан боғлиқ ҳолат бўйича жиноят ишини қўзғатишга асос йўқ - Лавров
Европарламент Навальний туфайли Россияга қарши резолюция қабул қилди
Кремл "Путин қасри" ҳақидаги хабарлар юзасидан изоҳ берди
Навальний иши: Россия Европа Иттифоқига қарши санкция қўллади