Хитой Ойда ўз байроғини ўрнатди - фото

226
(Янгиланган 15:58 08.12.2020)
"Чанъэ-5" Хитой космик аппаратининг қўниш модули Ойда Хитой байроғини ўрнатди. Энди космик кема муҳим юк билан Ерга қайтиши керак.

ТОШКЕНТ, 8 дек — Sputnik. "Чанъэ-5" Хитой космик аппаратининг қўниш модули Ой юзига Хитой байроғини ўрнатди ва ундан тупроқ намуналарини йиғди. “Чанъэ-5” зонди 2020 йил 1 декабрда Ойга қўнган эди.

  • Китайский лунный зонд Chang'e-5
    © AP Photo / China National Space Administration / Xinhua
  • Китайский лунный зонд Chang'e-5 на Луне
    © AP Photo / China National Space Administration / Xinhua
  • Китайский лунный зонд Chang'e-5
    © AP Photo / China National Space Administration / Xinhua
  • Китайский зонд Chang'e-5
    © REUTERS / CHINA NATIONAL SPACE ADMINISTRAT
1 / 4
© AP Photo / China National Space Administration / Xinhua
Китайский лунный зонд Chang'e-5

Энди космик кема муҳим юк билан Ерга қайтиши керак.

Хитой Миллий космик бошқармаси космик кема тасвирга олган суратларни эълон қилди. Космик зонд тахминан икки кило ой тупроғини йиғди ва Хитой байроғини ўрнатди.

Бунгача ойга фақат америкалик астронавтлар ўз байроғини ўрнатган эди.

Энди зонд қайтиши керак: 16-17 декабр кунлари кеманинг капсула билан ерга тушиши режалаштирилган.

1969-1976 йилларда АҚШ ва СССР Ой тупроқларини Ерга олиб келган, агар бу миссия муваффақиятли ўтса, Хитой тадқиқот учун ойдан тупроқ олиб келган учинчи мамлакат бўлади.

226
Теглар:
Қуёш, Ой, космос, Хитой

Путин ва Байденнинг илк телефон суҳбати: президентлар нималарни муҳокама қилди

105
(Янгиланган 11:39 27.01.2021)
Жо Байденнинг матбуот котиби Жен Псаки суҳбат Америка томони ташаббуси билан бўлиб ўтганини маълум қилди.

ТОШКЕНТ, 27 янв — Sputnik. Россия етакчиси Владимир Путин бир неча кун аввал АҚШ президенти лавозимини бажаришга киришган Жо Байден билан илк бор телефон орқали мулоқот қилди. Бу ҳақда Кремль матбуот хизмати хабар қилмоқда.

Жо Байденнинг матбуот котиби Жен Псаки суҳбат Америка томони ташаббуси билан бўлиб ўтганини маълум қилди.

Кремль хабарига кўра, Путин Байденни фаолиятини бошлагани билан табриклаган. Шунингдек, у Росия ва АҚШ ўртасидаги муносабатларнинг нормаллашиши  “ҳар иккила мамлакат ва бутун халқаро ҳамжамият манфаатларига жавоб берган бўлишини” таъкидлаган.

Бундан ташқари, президентлар Стратегик ҳужумкор қуролланиш тўғрисидаги шартномани (ДСНВ) узайтиришга оид келишувни узайтиришга қаратилган ноталар алмашинувини олқишлаган. Кремль матбуот хизмати маълумотларига кўра, томонлар тез орада бу халқаро ҳуқуқий механизмнинг барча зарурий жараёнларини якунлайди.

Шунингдек, Путин ва Байден ўз суҳбати давомида АҚШнинг Очиқ осмон келишувидан бир томонлама чиқиб кетиши, коронавирус пандемиясига қарши курашиш, Украинадаги низо каби мавзуларга тўхталган. Эрон ядро дастури бўйича Қўшма кенг кўламли ҳаракатлар режасини сақлаш ҳам муҳокама қилинган. Россия томони БМТ Хавфсизлик кенгашининг доимий аъзолари иштирокида саммит ўтказиш ташаббусини билдирган.

105
Теглар:
АҚШ, Россия, Жо Байден, Владимир Путин
Избранный президент КР Садыр Жапаров и экс-глава государства Сооронбай Жээнбеков. Архивное фото

Қирғизистон президенти инаугурациясига Жээнбеков таклиф қилинди

723
Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди.

ТОШКЕНТ, 26 янв — Sputnik. Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди. Буни президент матбуот котиби Галина Байтерек тасдиқлади.

Унинг сўзларига кўра, собиқ президент Роза Отунбаева ва мамлакат раҳбари лавозимига бошқа номзодлар ҳам таклиф қилинган.

Мамлакатни уч йил давомида бошқарган Жээнбеков Қирғизистондаги 2020 йил октябр воқеаларидан сўнг истеъфога чиқди. Ўша пайтда президент вазифасини бажарувчи Садир Жапаров Жээнбековнинг собиқ президент мақоми тўғрисидаги фармонни имзолаганди. 10 январда мамлакатда ўтказилган президент сайловларида Садир Жапаров ғалаба қозонди.

Ўтган ҳафтада Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилганди. Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

Инаугурация маросими 28 январ куни Миллий филармония катта залида бўлиб ўтади.

723
Теглар:
инаугурация маросими, Садир Жапаров, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Жапаров кортеж ва зиёфатдан воз кечди - инаугурация камтарона ўтказилади
Автомобиль национальной гвардии Узбекистана

“Миллий гвардияга ишга киритиб қўяман”: Қаршида фирибгар қўлга тушди

6
Қаршида 4,5 минг доллар эвазига миллий гвардия тизимига ишга киритиб қўймоқчи бўлган шахс ушланди - Бош прокуратура матбуот хизмати.

ТОШКЕНТ, 27 янв — Sputnik. Қарши шаҳрида фуқарони миллий гвардия тизимига ишга киритиб қўймоқчи бўлган шахс ушланди.

Бош прокуратура ҳузуридаги Департаментнинг Қарши шаҳар бўлими томонидан Қарши ҳарбий прокуратураси ва Миллий гвардия ходимлари билан ҳамкорликда ўтказилган тезкор тадбирда, фуқаро М.Т. фуқаро Р.С.нинг ишончига кириб, уни юқори лавозимда ишловчи танишилари орқали миллий гвардия тизимига ишга жойлаштириб қўйиш эвазига 4 500 АҚШ долларини фирибгарлик йўли билан олган вақтида ашёвий далил билан ушланган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

6
Теглар:
фирибгарлик, Бош прокуратура, Қарши, Қашқадарё вилояти, Ўзбекистон