“Япончик” лақабли қонундаги ўғри нима сабабдан ўлдириб кетилгани очиқланди

1169
(Янгиланган 13:19 09.12.2020)
Тергов қўмитаси раҳбарининг ўринбосари Ростислав Рассохов қонундиги ўғри Вячеслав Иванков (Япончик) ўлдирилишининг сабабларини маълум қилди.

ТОШКЕНТ, 9 дек — Sputnik. Тергов қўмитаси раҳбарининг ўринбосари Ростислав Рассохов қонундиги ўғри Вячеслав Иванков (Япончик) ўлдирилишининг сабабларини маълум қилди. РИА Новости хабарига асосан.

"Иванковнинг ўлдирилишининг асосий сабаби - жиноят ташкилотчиси, қонундаги ўғри Илья Симоний (Махо)нинг шахсий адовати бўлган", - деди у.

Рассоховнинг сўзларига кўра, 1980-йилларда жиноят оламидаги авторитетлари Иркутск вилоятидаги колонияларда жазо ўтаётган вақтда ўртасида зиддиятлар бошланганди.

Тергов қўмитаси раҳбарининг ўринбосарига кўра, техник воситалар номукаммал бўлгани сабабли қотилликни “иссиқ излар” бўйича фош этиш имкон бўлмади. Кейинчалик, замонавий суд-тиббиёт воситалари ва молекуляр генетика имкониятлари туфайли гумонланувчилар аниқланди.

2009 йил июн ойи охирида Иванков Москвадаги “Таиланд фили” ресторанидан чиқаётган вақтда снайпер томонидан оғир яраланган эди. Бир неча ой ўтгач, жинойи авторитет вафот этди.

2020 йил феврал ойида суд бу ишда айбланувчилардан бири - Муртаз Шаданияни ҳибсга олиш ҳақида қарор чиқарди (терговга кўра, у Иванковни кузатиб юрган), апрел ойида эса Илья Симония қотилликнинг ташкилотчиси сифатида сиртдан ҳибсга олиб, халқаро қидирувга берилган.

Май ойида Жамбул Жанашияни ҳибсга олинди, у терговга кўра, қотиллик содир этилган куни қотиллик содир бўлган жойда жиноятчилар ва ташкилотчилар ўртасидаги алоқани таъминлаган.

Қотилликда яна бир шерик - бу бир неча бор судланган Каха Газзаев. 2017 йилдан бери у бошқа жинояти учун жазони ўтамоқда.

1169
Теглар:
Россия, жиноятчилик

Гвинея президенти “Спутник V” билан эмланди

44
82 ёшли Гвинея президенти Алфа Конде коронавирусга қарши Россия вакцинаси “Спутник V” билан эмланди.

ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.

Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

“Спутник V”: Нима учун Россия вакцинасига ишонч билдиришмоқда? - видео

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.

44
Теглар:
эмлаш, вакцина, Спутник V

Россия яна тўртта давлат билан мунтазам парвозларни тикламоқда

192
(Янгиланган 11:00 17.01.2021)
Россия 27 январдан Вьетнам, Ҳиндистон, Финляндия ва Қатар билан халқаро авиақатновларни тиклашга қарор қилди.

ТОШКЕНТ, 17 янв — Sputnik. Россия 27 январдан Вьетнам, Ҳиндистон, Финляндия ва Қатар билан мунтазам авиақатновларни тиклайди. Бу ҳақда мамлакатнинг коронавирус инфекциясига қарши курашиш тезкор штаби хабар қилди.

Ушбу мамлакатларга халқаро рейслар ҳафтасига бир неча марта амалга оширилади.

“Ўтказилган муҳокама якунига ва алоҳида давлатлардаги эпидемиологик вазиятни инобатга олган ҳолда 27 январдан қуйидаги давлатлар билан авиапарвозларни тиклаш тўғрисида қарор қабул қилинди: Вьетнам (Москва – Ханой, ҳафтада икки марта), Ҳиндистон (Москва – Деҳли, ҳафтада икки марта), Финляндия (Москва – Хельсинки, ҳафтада икки марта, Санкт-Петербург – Хельсинки, ҳафтада икки марта), Қатар (Москва – Доҳа, ҳафтада уч марта)”, дейилади хабарда.

Россия чегараларини қачон очади – Путин жавоби

Бундан ташқари, Мисрга парвозлар сони ҳафтасига беш мартагача кўпайтирилади.

192
Теглар:
авиапарвозлар, Россия
Доллары США

Ўтган йили Ўзбекистонда мансабдорлар энг кўп қайси жиноятга қўл урди

19
Ўзбекистонда 2020 йилда жами 1723 нафар мансабдор шахслар жиноий жавобгарликка тортилган. Улар давлат ва жамият манфаатларига 500,1 млрд. сўм моддий зарар етказган.

ТОШКЕНТ, 17 янв — Sputnik. 2020 йил давомида республика бўйича жами 1148 та жиноят иши бўйича 1723 нафар мансабдор шахслар жиноий жавобгарликка тортилган. Бу ҳақда Бош прокуратура маълум қилди.

Жиноий жавобгарликка тортилган мансабдор шахсларнинг 9 нафари республика, 45 нафари вилоят ва 1669 нафари туман-шаҳар миқёсидаги вазирлик, идора ва ташкилотларда фаолият юритган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Жиноий жавобгарликка тортилган мансабдор шахсларнинг 835 нафари ўзганинг мулкини ўзлаштириш ва растрата йўли билан талон-торож қилиш, 227 нафари фирибгарлик, 132 нафари пора олиш (бериш) ва пора олиш-беришда воситачилик қилиш, 58 нафари мансаб мавқеини суиистеъмол қилиш, 31 нафари мансаб ваколати доирасидан четга чиқиш, 25 нафари мансабга совуққонлик билан қараш, 16 нафари мансаб сохтакорлиги ва  399  нафари бошқа жиноятларни содир этишган.

Мансабдор шахслар жиноятчили таҳлили
Бош прокуратура матбуот хизмати
Мансабдор шахслар жиноятчили таҳлили

Мансабдор шахсларнинг жиноятлари оқибатида давлат ва жамият манфаатларига 500,1 млрд. сўм миқдорида моддий зарар етказилган. Тергов жараёнида ушбу зарарнинг 355,7 млрд. сўми ундирилган.

19