Ўзбекистон ва Тожикистондан юзлаб террорчи “Толибон”* сафига қўшилди – афғон ОАВ

© AP / Allauddin KhanБоевики движения Талибан*
Боевики движения Талибан* - Sputnik Ўзбекистон
Oбуна бўлиш
Сўнгги вақтларда Марказий Осиё ва бошқа давлатлардан келган юздан ортиқ террорчи “Толибон” (Россияда тақиқланган) сафига қўшилди

ТОШКЕНТ, 10 дек — Sputnik. Сўнгги вақтларда Марказий Осиё ва бошқа давлатлардан келган юздан ортиқ террорчи “Толибон” радикал ҳаракати (Россияда тақиқланган) сафига қўшилди, деб хабар қилди Афғонистон Pajhwok ахборот агентлиги.

Жангариларнинг аксарияти шимолий Бадахшон провинциясида тўпланди.

"Булар Тожикистон, Ўзбекистон, Кавказдан келган террорчилар ва Хитойдан келган уйғурлар. Улар асосан Вардуж ва Жирм туманида тўпланган, яқинда эса Маймаи ва Нусай чегара ҳудудларига келишди", - деди Бадахшон вилояти губернатори Аҳмад Муҳаммад Хайрзода.

Минтақа кенгаши аъзоси Абдулла Нажи Назарининг сўзларига кўра, ушбу ҳудуд чет элликлар учун бошпана бўлиб хизмат қилади: стратегик жойлашув, Покистон билан чегараларнинг очиқлиги ва Тожикистон ва бошқа икки давлат билан умумий чегаралари уларга ёрдам бермоқда.

Чет эл фуқаролари Толибон ва Афғонистон армияси ўртасидаги жангларда фаол қатнашмоқда. Маҳаллий ҳокимият вакилига кўра, бу қўшни давлатлар учун хавф туғдиради.

Бадахшон полицияси вакили Саноуллоҳ Руҳонийнинг айтишича, Афғонистон махсус хизмати ходимлари ҳудудда террорчилардан озод қилиш операциялари бошланади.

Ўз навбатида, “Толибон” матбуот котиби Забиҳулла Мужоҳид ташкилот жангарилари таркибида хорижий фуқаролар борлигини рад этди.

* Россияда тақиқланган террорчилик ҳаракат

Янгиликлар лентаси
0