Президент России Борис Ельцин (слева) и президент Казахстана Нурсултан Назарбаев на пресс-конференции после подписания декларации об образовании Содружества Независимых Государств

Назарбоев: мен Туркистон давлатлари иттифоқини тузиш ғоясидан бош тортган эдим

1138
(Янгиланган 10:40 16.12.2020)
Елбаси таъкидига кўра, ушбу иттифоқ инсонларнинг миллий келиб чиқиши бўйича ажралишни англатарди ва бунинг ортидан улкан муаммолар юзага келиши тайин эди

ТОШКЕНТ, 16 дек – Sputnik. Қозоғистоннинг биринчи президенти "Портретга чизгилар" ҳужжатли фильмининг иккинчи серияси эфирида Мустақил Давлатлар Ҳамдўстлиги қандай ташкил топгани тарихи ҳақида сўзлаб берди, деб ёзади Sputnik Қозоғистон.

"Биз ўзи шундоқ ҳам амалда мустақил эдик, чунки бошқа ҳамма биздан мустақил бўлган. Россия ўзини мустақил деб эълон қилди. У СССР ўзаги эди. У сигнал бергач, ҳамма эълон қила бошлади. Биз ёлғиз ва мустақиллигимизча қолдик. Ҳеч қандай уруш, муштлашувларсиз. Шундай давлат тепасида бўлиб қолдим. Бошқалар ҳам худди шундай вазиятда эди. Лекин бизни шароит оғирроқ эди. Бундан чиқиш керак эди", - деб ҳикоя қилган Назарбоев.

Қозоғистон биринчи президентининг хотирлашича, 1991 йилда энг асосий вазифа орттирилган мустақилликни сақлаб қолиш бўлган. Назарбоев унга Ашхободда Туркистон давлатлари иттифоқини ташкил этиш таклифи билдирилганини ёдга олади.

"Мен бу ғоядан воз кечдим. Бу этник масала туфайли ажралишни англатарди. Бунақаси кетмайди, дедим. Шунча йиллар давомида бирдам яшаб, энди бундай иттифоқни ташкил этсак - тўқнашувлар ва ўзаро тушунмовчилик юзага келиши муқаррарлигини айтдим. Ўшанда Ельцин бир неча маротаба қўнғироқ қилган. Москвада биз бирор қарорга келган-келмаганимиз борасида жуда ташвиш тортишарди", - деган Назарбоев.

Айтишича, у Борис Ельцинга Алматида ўн кундан кейин учрашишни таклиф қилган. Айнан ўша куни Мустақил Ҳамдўстлик Давлатлари ташкил топган.

"Сал олдинги воқеа. Биз олдиндан тўпланиб, келишганмиз. Қозоғистон, Россия, Украина. Нима қилиш керак, деган масала ўртага ташланган эди. Атрофда ҳаммаси барҳам топаётганди-да. Шунда СССР иқтисодиётининг асосий қисми тўпланган тўртта давлат иттифоқини эълон қилиш ғояси туғилди. Кейин эса бошқаларга - истасангиз, қўшилинг, демоқчи эдик. Бошқаларни ҳам назарда тутувчи янги иттифоқни яратиш эди, мақсад. Аммо бундай таклиф билан Горбачёвнинг олдига ким ҳам борарди? Ельцин бош тортди, Украина президенти ҳам рад этди. Ҳибсга олишларидан қўрқди. Мени юборишди", - деб ҳикоя қилади Назарбоев.

Унинг айтишича, Горбачёв бу ғоядан воз кечган, унинг муаллифлари давлат тўнтариши уюштиришмоқчи эканлигини тахмин қилган.

"Беловеж, алмати битимлари - бунинг натижаси. МДҲ шундай ташкил топган. 1994 йилда у ишламаяпти, деган фикрга яқин келдик. У ҳозир ҳам ишламаяпти, гарчи МДҲ барҳам топмаган, президентлар учрашиб туришган бўлса ҳам. Шундан кейин мен Евроосиё иқтисодий иттифоқи доирасида янада яқинроқ интеграллашувни таклиф қилган эдим", - деган Елбаси.

1138

Гвинея президенти “Спутник V” билан эмланди

33
82 ёшли Гвинея президенти Алфа Конде коронавирусга қарши Россия вакцинаси “Спутник V” билан эмланди.

ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.

Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.

“Спутник V”: Нима учун Россия вакцинасига ишонч билдиришмоқда? - видео

Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.

33
Теглар:
эмлаш, вакцина, Спутник V

Россия яна тўртта давлат билан мунтазам парвозларни тикламоқда

177
(Янгиланган 11:00 17.01.2021)
Россия 27 январдан Вьетнам, Ҳиндистон, Финляндия ва Қатар билан халқаро авиақатновларни тиклашга қарор қилди.

ТОШКЕНТ, 17 янв — Sputnik. Россия 27 январдан Вьетнам, Ҳиндистон, Финляндия ва Қатар билан мунтазам авиақатновларни тиклайди. Бу ҳақда мамлакатнинг коронавирус инфекциясига қарши курашиш тезкор штаби хабар қилди.

Ушбу мамлакатларга халқаро рейслар ҳафтасига бир неча марта амалга оширилади.

“Ўтказилган муҳокама якунига ва алоҳида давлатлардаги эпидемиологик вазиятни инобатга олган ҳолда 27 январдан қуйидаги давлатлар билан авиапарвозларни тиклаш тўғрисида қарор қабул қилинди: Вьетнам (Москва – Ханой, ҳафтада икки марта), Ҳиндистон (Москва – Деҳли, ҳафтада икки марта), Финляндия (Москва – Хельсинки, ҳафтада икки марта, Санкт-Петербург – Хельсинки, ҳафтада икки марта), Қатар (Москва – Доҳа, ҳафтада уч марта)”, дейилади хабарда.

Россия чегараларини қачон очади – Путин жавоби

Бундан ташқари, Мисрга парвозлар сони ҳафтасига беш мартагача кўпайтирилади.

177
Теглар:
авиапарвозлар, Россия

Ҳабиб Нурмагомедов UFCʼга қайтиш шартини айтди

21
(Янгиланган 14:22 17.01.2021)
Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди.

ТОШКЕНТ, 17 янв — Sputnik. UFCʼнинг енгил вазндаги чемпиони Ҳабиб Нурмагомедов қайси ҳолатда карьерасини қайта тиклаш ҳақида ўйлаб кўришини маълум қилди. Куни кеча у ташкилот президенти Дана Уайт Абу-Дабида учрашув ўтказди. Дана Уайт учрашув тафсилотларини очиқлади.

Уайтнинг сўзларига кўра, сўнгги пайтларда Ҳабибнинг бошига кўплаб синовлар тушган: отасининг вафоти, Гэтжи билан жангдан олдин оёғининг жароҳатланиши.

“Ўшанда Ҳабиб билан ўзига келиб олиши учун танаффус олиш борасида келишиб олгандик. Ҳабиб ўзи хоҳлаган барча нарсага эришди. Унинг қайтиши учун мотивация йўқ. Келаси ҳафта биз иккита топ жанг гувоҳига айланамиз: Конор Макгрегор Дастин Порьега қарши, Майкл Чендлер эса Ден Ҳукерга. Агар ушбу йигитлар қандайдир феноменал нарса кўрсата олса, Ҳабиб қайтиш борасида ўйлаб кўришини айтди”, - деди Уайт. У Ҳабибга бразилиялик Чарльз Оливейра ўтказган жанг маъқул келганини қўшимча қилган.

“У (Ҳабиб. – Sputnik)  Ҳабиб қайтиш учун сабаб кўрмаса, дивизион чемпионлигини ушлаб турмайди. У UFC 257га келмоқчи, кўрамиз”, - дея хотима қилди Уайт.

Ҳабиб эса ўзининг Instagram ижтимоий тармоғидаги саҳифасида UFCʼ раҳбари билан суҳбат тафсилотларини "Кавказ асираси" фильми саҳнаси асосидаги тайёрланган ҳазил ролик билан таърифлади.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Эслатиб ўтамиз, Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди. У 29 марта жанг ўтказиб, уларнинг барчасида қўли баланд келган.

 

21