Дунё мамлакатлари коронавируснинг янги тури сабаб Британия билан парвозларни тўхтатмоқда

170
(Янгиланган 10:59 21.12.2020)
Вируснинг янги тури Буюк Британияда пайдо бўлгани ёки у ташқаридан олиб кирилгани ҳақидаги маълумот ҳозирча йўқ. Лондон ва Англиянинг жанубий-шарқида локдаун жорий этилган. Лондон аҳолиси чекловлар қатъийлаштирилгандан сўнг оммавий равишда шаҳарни тарк эта бошлади.

ТОШКЕНТ, 21 дек — Sputnik. Дунёнинг 20 дан ортиқ мамлакатлари, жумладан, Европа Иттифоқига аъзо камида 14 та давлат, Буюк Британияда коронавируснинг янада юқумлироқ тури аниқлангандан сўнг у билан транспорт алоқасини тўхтатиб қўйиш ёки чеклашга қарор қилди.

Коронавируснинг янги тури Бирлашган қиролликда декабрь ўртасида аниқланган. Мамлакат бош вазири Борис Жонсон бу штамм биринчисига қараганда 70 фоизга юқумлироқ эканини маълум қилди.

Нидерландия ҳукумати биринчилардан бўлиб Британия билан парвозларни 1 январгача тўхтатиб қўйишини билдирди. Унинг ортидан Бельгия Қироллик билан чегараларини ёпди. Шу боис Лондон ва Брюссель ва Лондон ва Амстердам ўртасидаги темир йўл алоқалари бекор қилинган.

Шунингдек, Италия, Германия, Болгария, Ирландия, Литва, Латвия ва Финляндия Британия билан парвозларни тўхтатиб қўйди.

Франция 48 соатга барча транспорт алоқаларини тўхтатишга қарор қилди. Швеция бу мамлакатдан келаётганларнинг киришини тақиқлади, Греция улар учун етти кунлик, Кипр икки ҳафталик карантин жорий этди, Испания эса Бирлашган Қиролликдан келаётганларни назорат қилишни кучайтирди.

Евроиттифоқ мамлакатларидан ташқари Исроил,Туркия, Канада ва Аргентина ҳам Британия билан парвозларни тўхтатиш тўғрисида қарор қабул қилди. Саудия Арабистони эса ўз чегараларини бир ҳафтага тўлиқ ёпиб, барча халқаро рейсларни бекор қилди.

Жаҳон соғлиқни сақлаш ташкилоти маълумотларига кўра, коронавируснинг янги тури Дания, Нидерландия ва Австралияда ҳам аниқланган. ЖАР ва Италия ҳукумати ҳам янги штамм аниқлангани хабар қилди.

Вируснинг янги тури Буюк Британияда пайдо бўлгани ёки у ташқаридан олиб кирилгани ҳақидаги маълумот ҳозирча йўқ. Лондон ва Англиянинг жанубий-шарқида локдаун жорий этилган. Лондон аҳолиси ҳукумат чекловларни қатъийлаштиргандан сўнг оммавий равишда шаҳарни тарк эта бошлади.

Буюк Британия ҳукумати 20 декабрь куни мамлакатда сутка давомида рекорд даражадаги 35,9 мингта янги коронавирус билан касалланиш аниқланганини хабар қилди.

170
Теглар:
Бирлашган Қироллик, авиапарвозлар, Европа Иттифоқи, коронавирус, Буюк Британия
Мавзу:
COVID-19 умумжаҳон пандемияси (1349)
Генерал Ллойд Джеймс Остин III

Илк бор афроамерикалик Пентагон раҳбари бўлди - Сенат Ллойд Остин номзодини маъқуллади

92
(Янгиланган 10:05 23.01.2021)
АҚШ Сенати Мудофаа раҳбари номзодини маъқуллади. Пентагон раҳбари лавозимини тўрт юлдузли генерал рангига эга 67 ёшли Ллойд Остин эгаллади. У 2016 йилдан истеъфода эди

ТОШКЕНТ, 23 янв — Sputnik. АҚШ Сенати Пентагон раҳбари лавозимига Ллойд Остин номзодини маъқуллади, деб хабар бермоқда РИА Новости.

Остин учун 93 нафар сенатор овоз берган, икки киши қарши чиққан. Сал олдин унинг номзодини сенатнинг мудофаа қўмитаси қўллаб-қувватлаган эди. 

Фуқаролик мудофаа вазири лавозимига етти йилгача бўлган муддат аввал истеъфога чиққан ҳарбийлар сафидан номзодлар учун конгресснинг махсус рухсатномаси талаб этилади. Остин 2016 йилда истеъфога чиққан.

Ллойд Остин 67 ёшда, тўрт юлдузли генерал рангига эга. Остин АҚШ мудофаа идорасига раҳбарлик қилган биринчи афроамерикаликка айланди. Германияда, Қўшма Штатларнинг кўплаб нуқталарида хизмат қилган, штаблар раҳбарлари бирлашган қўмитасида фаолият юритган, дивизия қўмондони бўлган ва 2006 йилда генерал-лейтенант унвонини олган.

2010-йилда Остин АҚШнинг Ироқдаги кучлари қўмондони этиб тайинланган ва мамлакатдан аста-секин чиқарилиши учун жавоб берган. 2011 йилнинг декабрида уни қуруқликдаги кучлар штаби қўмондони ўринбосари этиб тайинлашган, 2013-2016 йилларда у АҚШ ҲК Марказий қўмондонлигига раҳбарлик қилган.

Бу лавозимда у Вашингтоннинг "Ислом давлати"га қарши кураш стратегиясини ишлаб чиқишда бош рольни ўйнаган. 2016 йилда истеъфодан сўнг энг йирик қурол ишлаб чиқарувчи - Raytheon директорлар кенгашида лавозимни эгаллаган.

92
Новоизбранный премьер-министр Садыр Жапаров (в центре)

Жапаров кортеж ва зиёфатдан воз кечди - инаугурация камтарона ўтказилади

464
(Янгиланган 20:08 22.01.2021)
Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

ТОШКЕНТ, 22 янв — Sputnik. Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилди.

21 январь куни пойтахтининг марказида транспорт ҳаракати тўсиб қўйилди: мамлакат раҳбарининг махсус автокарвони ўтиши учун репетиция ўтказилди.

Sputnik Қирғизистон ёзишича, тадбирга 10 миллион қирғиз сўмини сарфлаш режалаштирилгани ҳақида хабар берилган. Шундан сўнг, қирғизистонликлар ижтимоий тармоқларда йўлларнинг ёпилиши, маросим харажатларини танқид қилишди.

Бугун Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

"Мен катта миқдордаги молиявий харажатларни келтириб чиқарадиган махсус кортежи, зиёфат ва бошқа ташкилий тадбирлардан воз кечиш тўғрисида қарор қабул қилдим. Президентлик лавозимига киришиш учун фақат қонунда белгиланган мажбурий тартибларни ҳисобга олиб, амалга оширилади", - деди Жапаров.

Унга кўра, ҳозирда ҳукумат бюджет маблағларини халқ ва уларнинг эҳтиёжлари учун ишлатишга қаратиши керак. Инаугурация ташкилий қўмитаси тадбир учун янги сценарий тузиши керак.

Инаугурация 28 январь куни Миллий филармониянинг катта залида бўлиб ўтади.

464
Теглар:
интернет, инаугурация, инаугурация маросими, сайлов, Садир Жапаров, Бишкек, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Мирзиёев Садир Жапаров билан қўнғироқлашди. Нима ҳақда гаплашишди?

Сандерс қўлқоплари: Жо Байден инаугурациясидан мемларга айланган суратлар

0
Юморни тушунадиган одамлар Байден инаугурацияси узоқ вақт кўпчиликнинг ёдида қолишига ҳаракат қилдилар. Фотолентани томоша қилинг!

Шу ҳафтада, аниқроғи, 20 январ куни Вашингтонда АҚШнинг 46-президентининг лавозимга киришиш маросими бўлиб ўтди.

Ушбу тадбир, журналистлар томонидан суратга олинган кулгили суратлар билан ҳам ёдда қолди, ижтимоий тармоқлар фойдаланувчилари эса дарҳол бу суратлардан мемларни тайёрладилар.

0
  • © AFP 2018 / Brendan Smialowski

    Сенатор Берни Сандерснинг Жо Байден инаугурациясидаги сурати кўпчиликка завқ бағишлади ва ҳозирда Сандерс сурати туширилган бокал ва футболкалар савдога чиқарилган. Хусусан, қизлардан бири Сандерс қўлқопларини қайта ишланган чиқиндидан ишлаб чиқармоқда.

  • © Sputnik / Stringer

    Қасамёд қилаётган Жо Байден ва унинг рафиқаси Жилл Байден суратлари ҳам машҳур мемлар қаторидан ўрин олди.

  • © REUTERS / Brendan McDermid

    Хонанда Женнифер Лопес ва АҚШ вице-президенти Камала Харрис инаугурация вақтида.

  • © REUTERS / Jim Bourg

    АҚШнинг янги сайланган президенти Жозеф Байден рафиқаси Жилл Байден билан.

  • © REUTERS / Mike Segar

    Ходимлар инаугурация вақтида ерга тушиб кетган шляпаларни йиғиб чиқишмоқда.

  • © REUTERS / Kevin Dietsch / Pool

    Биринчи хоним Жилл Байдендан массаж.

  • © REUTERS / Patrick Semansky / Pool

    Леди Гага АҚШ президентининг 59-инаугурацияси вақтида.

  • © REUTERS / Tasos Katopodis / Pool

    АҚШ президенти Жо Байден президентнинг 59-инаугурацияси вақтида Вашингтонда.

  • © REUTERS / Mike Segar

    АҚШ президенти Жо Байден, биринчи хоним Жилл Байден, вице-президент Камала Харрис ва унинг турмуш ўртоғи Дуг Эмхофф Вашингтонда бўлиб ўтган инаугурация маросимидан сўнг.

  • © REUTERS / Erin Scott

    АҚШ вице-президенти Камала Харрис ўзининг набира-жияни Амара Ажагу билан АҚШ президенти Жо Байденнинг Вашингтондаги инаугурацияси вақтида.