Посол РФ в Узбекистане Владимир Тюрденев

Россия элчиси: Ўзбекистон ЕОИИга аъзолиги - мустақиллик йўқотилишига олиб келмайди

1168
(Янгиланган 19:42 21.12.2020)
Ўзбекистон ЕОИИга аъзолиги - мустақиллик йўқотилишига олиб келмайди - Россия элчиси Владимир Тюрденев.

ТОШКЕНТ, 21 дек — Sputnik. Ўзбекистоннинг Евроосиё иқтисодий иттифоқи (ЕОИИ)га аъзолиги - мустақиллик йўқотилишига олиб келмайди, деб айтди Россия элчиси Владимир Тюрденев Тошкентда ўтказилган йиллик матбуот анжуманида. Sputnik Ўзбекистон мухбири хабарига асосан.

“Айниқса, ижтимоий тармоқларни кўрганимизда, Ўзбекистоннинг ЕОИИда кузатувчи мақомини олганига  “Мустақиллик – алвидо” деган реакция. Бу кулгили. ЕОИИга аъзо бўлган ҳеч қайси давлат ўз мустақиллигини йўқотмади. Улар кўпроқ имкониятларни олишди. Чунки, бу маълум бир иштирокчининг миқёсига қарамай, ҳамма учун бир хил бўлган тенг ҳуқуқли иттифоқ", - деди Россия элчиси.

Унинг фикрига кўра, Ўзбекистон ЕОИИга кузатувчи мақомини олиши жуда муҳим қадам.

"Ўйлайманки, ҳозир бу қадам жуда муҳим, лекин бу қўшилиш йўлидаги биринчи қадам. Вақт керак бўлади. Ўзбекистон ва ЕОИИ аъзо-давлатларига ҳам вақт зарур. Негаки, ЕОИИ бу фақат Россия эмас, бу - Қозоғистон, Беларусь, Қирғизистон, Арманистон. Улар ўз иқтисодий шароитларга эга.

Қирғизистон ЕОИИга қўшилганда, уни иқтисодиёт даражаси жиҳатидан Ўзбекистон билан таққослаш мураккаб. Демак, бу босқичда томонларнинг ҳар бир ҳаммага фойдали бўлиши учун бундай интеграциядан нимани олишини аниқ тушуниб олиши керак”, - деб қўшимча қилди Россия дипломати.

Эслатиб ўтамиз, 11 декабрь куни Ўзбекистон ЕОИИда кузатувчи-давлат мақомига эга бўлди.

ЕОИИ - 2015 йил 1 январдан бери фаолият юритиб келаётган халқаро интеграцион иқтисодий бирлашма. Россия, Арманистон, Беларусь, Қозоғистон ва Қирғизистон ЕОИИга аъзо.

2020 йилда Беларус Евроосиё иқтисодий иттифоқи органларига раислик қилмоқда. Молдова 2018 йил май ойидан бошлаб ЕОИИ қошида кузатувчи ҳисобланади.

1168
Теглар:
Ўзбекистон, ЕОИИ
Генерал Ллойд Джеймс Остин III

Илк бор афроамерикалик Пентагон раҳбари бўлди - Сенат Ллойд Остин номзодини маъқуллади

68
(Янгиланган 10:05 23.01.2021)
АҚШ Сенати Мудофаа раҳбари номзодини маъқуллади. Пентагон раҳбари лавозимини тўрт юлдузли генерал рангига эга 67 ёшли Ллойд Остин эгаллади. У 2016 йилдан истеъфода эди

ТОШКЕНТ, 23 янв — Sputnik. АҚШ Сенати Пентагон раҳбари лавозимига Ллойд Остин номзодини маъқуллади, деб хабар бермоқда РИА Новости.

Остин учун 93 нафар сенатор овоз берган, икки киши қарши чиққан. Сал олдин унинг номзодини сенатнинг мудофаа қўмитаси қўллаб-қувватлаган эди. 

Фуқаролик мудофаа вазири лавозимига етти йилгача бўлган муддат аввал истеъфога чиққан ҳарбийлар сафидан номзодлар учун конгресснинг махсус рухсатномаси талаб этилади. Остин 2016 йилда истеъфога чиққан.

Ллойд Остин 67 ёшда, тўрт юлдузли генерал рангига эга. Остин АҚШ мудофаа идорасига раҳбарлик қилган биринчи афроамерикаликка айланди. Германияда, Қўшма Штатларнинг кўплаб нуқталарида хизмат қилган, штаблар раҳбарлари бирлашган қўмитасида фаолият юритган, дивизия қўмондони бўлган ва 2006 йилда генерал-лейтенант унвонини олган.

2010-йилда Остин АҚШнинг Ироқдаги кучлари қўмондони этиб тайинланган ва мамлакатдан аста-секин чиқарилиши учун жавоб берган. 2011 йилнинг декабрида уни қуруқликдаги кучлар штаби қўмондони ўринбосари этиб тайинлашган, 2013-2016 йилларда у АҚШ ҲК Марказий қўмондонлигига раҳбарлик қилган.

Бу лавозимда у Вашингтоннинг "Ислом давлати"га қарши кураш стратегиясини ишлаб чиқишда бош рольни ўйнаган. 2016 йилда истеъфодан сўнг энг йирик қурол ишлаб чиқарувчи - Raytheon директорлар кенгашида лавозимни эгаллаган.

68
Новоизбранный премьер-министр Садыр Жапаров (в центре)

Жапаров кортеж ва зиёфатдан воз кечди - инаугурация камтарона ўтказилади

451
(Янгиланган 20:08 22.01.2021)
Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

ТОШКЕНТ, 22 янв — Sputnik. Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилди.

21 январь куни пойтахтининг марказида транспорт ҳаракати тўсиб қўйилди: мамлакат раҳбарининг махсус автокарвони ўтиши учун репетиция ўтказилди.

Sputnik Қирғизистон ёзишича, тадбирга 10 миллион қирғиз сўмини сарфлаш режалаштирилгани ҳақида хабар берилган. Шундан сўнг, қирғизистонликлар ижтимоий тармоқларда йўлларнинг ёпилиши, маросим харажатларини танқид қилишди.

Бугун Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

"Мен катта миқдордаги молиявий харажатларни келтириб чиқарадиган махсус кортежи, зиёфат ва бошқа ташкилий тадбирлардан воз кечиш тўғрисида қарор қабул қилдим. Президентлик лавозимига киришиш учун фақат қонунда белгиланган мажбурий тартибларни ҳисобга олиб, амалга оширилади", - деди Жапаров.

Унга кўра, ҳозирда ҳукумат бюджет маблағларини халқ ва уларнинг эҳтиёжлари учун ишлатишга қаратиши керак. Инаугурация ташкилий қўмитаси тадбир учун янги сценарий тузиши керак.

Инаугурация 28 январь куни Миллий филармониянинг катта залида бўлиб ўтади.

451
Теглар:
интернет, инаугурация, инаугурация маросими, сайлов, Садир Жапаров, Бишкек, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Мирзиёев Садир Жапаров билан қўнғироқлашди. Нима ҳақда гаплашишди?
Самолет Airbus A320 компании Uzbekistan Airways

"Uzbekistan Airways" Краснодар ва Қозондан чартер рейсларни амалга оширади

19
Ўзбекистонга Россия Федерациясининг шаҳарларидан ПЗР-тестдан (қатнов жўнашидан 72 соат ичида амалга оширилган) ўтганлиги тўғрисидаги маълумотномани тақдим этилган ҳолда парвоз қилишга рухсат этилади.

ТОШКЕНТ, 23 янв - Sputnik. "Uzbekistan Airways" авиакомпанияси 2021-йил 9 ва 23-феврал кунлари Краснодардан Тошкентга чартер қатновларини амалга оширади.

Краснодар - Тошкент жўнаб кетиш 21:20 да, етиб келиш соат 02:50 да

Ўзбекистонга Россия Федерациясининг шаҳарларидан ПЗР-тестдан (қатнов жўнашидан 72 соат ичида амалга оширилган) ўтганлиги тўғрисидаги маълумотномани тақдим этилган ва Ўзбекистон Республикаси виза режимига риоя қилинган ҳолда парвоз қилишга рухсат этилади. ПЗР маълумотномасига ега бўлмаган йўловчилар авиакомпаниянинг қатновларига қўйилмайди.

Шунингдек, авиакомпания 2021-йил 2, 9, 16 ва 23-феврал кунлари Қозондан Тошкентга чартер қатновларини амалга оширади.

Қозон - Тошкент жўнаб кетиши соат 18:30да, етиб келиш соат 23:30да.

19