Фаластин Яқин Шарқда биринчи бўлиб “Спутник V” вакцинасини рўйхатга олди
ТОШКЕНТ, 11 янв — Sputnik. Фаластин Яқин Шарқда биринчи бўлиб Россиянинг коронавирусга қарши “Спутник V” вакцинасини рўйхатга олди. Бу ҳақда Россия тўғридан-тўғри инвестициялар жамғармаси (РФПИ) хабар қилди.
“Рўйхатга олиш тезлаштирилган жараён (emergency use authorization) доирасида давлат ҳудудида қўшимча клиник тадқиқотларни ўтказмаган ҳолда амалга оширилди”, - дейилган хабарда.
Фаластинга “Спутник V” вакцинасини етказиб бериш жорий йилнинг биринчи чорагида режалаштирилган. Вакцинанинг биринчи партияси ушбу мамлакатга бир ой давомида етказилади.
Вакцинанинг етказиб берилиши РФПИнинг Ҳиндистон, Хитой, Жанубий Корея ва бошқа мамлакатларлдаги халқаро ҳамкорлари ёрдамида таъминланади.
Аввалроқ шундай тезлаштирилган жараён билан “Спутник V” вакцинаси Аргентина, Боливия, Сербия ва Алжирда рўйхатга олинган эди.
РФПИ бош директори Кирилл Дмитриевнинг сўзларига кўра, “Спутник V” вакцинасининг юқори сифати ва самарадорлиги унга нисбатан кўплаб давлатлар қизиқишининг ортишига сабаб бўлмоқда.
“Биз “Спутник V” Европа, Осиё, Лотин Америкаси ва Африка ортидан Яқин Шарқда ҳам тақдим этилишидан шодмиз”, - деди у.
Дмитриевнинг таъкидлашича, бу кўп давлатлар ва улар аҳолисини самарали ва хавфсиз вакцина билан таъминлаш эвазига коронавирус устидан тезроқ ғалаба қозониш учун сайъ-ҳаракатларни бирлаштиришга имкон беради.
Теглар:
Гвинея президенти “Спутник V” билан эмланди
ТОШКЕНТ, 17 янв — Sputnik. Гвинея президенти Алфа Конде коронавирусга қарши Россия вакцинаси “Спутник V” билан эмланди. Бу ҳақда “Guinéenews” телеканали хабар қилди.
Конде куни президент қароргоҳи Секутуреяда эмланган. У вакцинанинг биринчи дозасини олган. Гвинея Москвадан “Спутник V” вакцинасининг 55 та намунасини олган. Аввалроқ мамлакатда 19 нафар юқори лавозимли амалдор, жумладан, мудофаа вазири эмланганди.
“Спутник V”: Нима учун Россия вакцинасига ишонч билдиришмоқда? - видео
Сўнгги маълумотларга кўра, Гвинеяда 14 мингдан зиёд киши COVID-19 билан касалланган. Шулардан 13,3 мингдан зиёд тузалиб кетган. Жами 81 бемор коронавирусдан вафот этган.
Теглар:
Россия яна тўртта давлат билан мунтазам парвозларни тикламоқда
(Янгиланган 11:00 17.01.2021)
Россия 27 январдан Вьетнам, Ҳиндистон, Финляндия ва Қатар билан халқаро авиақатновларни тиклашга қарор қилди.ТОШКЕНТ, 17 янв — Sputnik. Россия 27 январдан Вьетнам, Ҳиндистон, Финляндия ва Қатар билан мунтазам авиақатновларни тиклайди. Бу ҳақда мамлакатнинг коронавирус инфекциясига қарши курашиш тезкор штаби хабар қилди.
©
Sputnik / Валерий Мельников
Ушбу мамлакатларга халқаро рейслар ҳафтасига бир неча марта амалга оширилади.
“Ўтказилган муҳокама якунига ва алоҳида давлатлардаги эпидемиологик вазиятни инобатга олган ҳолда 27 январдан қуйидаги давлатлар билан авиапарвозларни тиклаш тўғрисида қарор қабул қилинди: Вьетнам (Москва – Ханой, ҳафтада икки марта), Ҳиндистон (Москва – Деҳли, ҳафтада икки марта), Финляндия (Москва – Хельсинки, ҳафтада икки марта, Санкт-Петербург – Хельсинки, ҳафтада икки марта), Қатар (Москва – Доҳа, ҳафтада уч марта)”, дейилади хабарда.
Россия чегараларини қачон очади – Путин жавоби
Бундан ташқари, Мисрга парвозлар сони ҳафтасига беш мартагача кўпайтирилади.
Теглар:
Тоғли Қорабоғда Россия тинчликпарвар кучлари COVID-19га қарши эмланмоқда – видео
Тоғли Қорабоғда бир кун ичида 100 нафарга яқин Россия тинчликпарвар кучлари коронавирусга қарши Спутник-V билан эмланди. Бу ҳақда Россия Мудофаа вазирлиги хабар қилмоқда.
Sputnik Арманистон маълумотларига қараганда, эмлаш икки босқичда ўтказилади: ҳарбийлар 14 январдан 31 январгача вакцинанинг биринчи, 1 февралдан 28 февралгача иккинчи дозасини олади.