Россиялик олимлар коронавирус янги мутациялар ҳосил қилиш механизмини аниқлашди

262
(Янгиланган 12:58 12.01.2021)
Иммунитети сусайган аёл танасида узулуксиз бўлган коронавирус 6 ой давомида 18та янги мутация ҳосил қилгани аниқланди.

ТОШКЕНТ, 12 янв – Sputnik. Россиялик олимлар бир бемор танасида узоқ вақт давомида бўлган коронавирус 18та янги мутация пайдо қилганини аниқлашди.

Маълум бўлишича, саратон касалига чалинган 47 ёшли аёл апрел ойида коронавирус юқтириб олган. Шундан сўнг 9 сентябрга қадар топширилган барча тест натижалари мусбат чиққан.

Бир неча илмий институт олимлари томонидан ушбу ҳолат диққат билан ўрганганида, иммунитети сусайган аёл танасида узоқ вақт давомида бўлган коронавирус, инсон организмига мослашиш учун 18та янги мутация ҳосил қилгани аниқланган. Ушбу мутациялар орасида олдин Голландияда норка кемирувчиларида аниқланган S-оқисил мутацияси борлиги ҳам аниқланган.

Бундан хулоса қилиб айтганда, ҳозирги кунда дунёда катта шов-шувга сабаб бўлаётган коронавируснинг Британия штамми ҳам ана шундай йўл билан ҳосил бўлган бўлиши мумкин, дейди геномика ва биоинформатика кафедраси профессори Константин Крутовский.

Олим хулосасига кўра, коронавируснинг янги мутацияси Россияга хавф солаётгани ҳақида гапиришга ҳали эрта, чунки ушбу вирус фақат бир кишининг организмида аниқланган ва тарқалишга улгурмаган.

Бироз олдин Спутник V вакцинасини яратган Гамалея номидаги марказ директори Александр Гинцбург ҳам Россияда коронавируснинг ўзига хос мутацияси пайдо бўлиши кутилаётганини хабар қилган эди.

Эслатиб ўтамиз, айни дамда Голландия, Британия,  ЖАР, Бразилия ва АҚШда коронавируснинг янги фақат ушбу ҳудудга хос штаммлари аниқланган. Улар орасида Британия штамми юқумлироқ ва хавфлироқ дейилмоқда.

Россияда Британия штамми ушбу мамлакатдан келган бир кишида аниқланган. Ҳозир у изоляция қилинган ва даволанмоқда. Россия 22 декабрда Британия билан авиа алоқаларни тўхтатган эди. Бугун 12 январдан бошлаб ушбу чеклов 1 февралга қадар узайтирилди. 

262
Избранный президент КР Садыр Жапаров и экс-глава государства Сооронбай Жээнбеков. Архивное фото

Қирғизистон президенти инаугурациясига Жээнбеков таклиф қилинди

562
Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди.

ТОШКЕНТ, 26 янв — Sputnik. Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди. Буни президент матбуот котиби Галина Байтерек тасдиқлади.

Унинг сўзларига кўра, собиқ президент Роза Отунбаева ва мамлакат раҳбари лавозимига бошқа номзодлар ҳам таклиф қилинган.

Мамлакатни уч йил давомида бошқарган Жээнбеков Қирғизистондаги 2020 йил октябр воқеаларидан сўнг истеъфога чиқди. Ўша пайтда президент вазифасини бажарувчи Садир Жапаров Жээнбековнинг собиқ президент мақоми тўғрисидаги фармонни имзолаганди. 10 январда мамлакатда ўтказилган президент сайловларида Садир Жапаров ғалаба қозонди.

Ўтган ҳафтада Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилганди. Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.

Инаугурация маросими 28 январ куни Миллий филармония катта залида бўлиб ўтади.

562
Теглар:
инаугурация маросими, Садир Жапаров, Қирғизистон
Мавзу бўйича
Шавкат Мирзиёев Садир Жапаровни ғалаба билан табриклади
Садир Жапаровнинг рафиқаси ҳақида 9та қизиқарли факт
“Қамоқдан президентликка”: Садир Жапаровга ўхшаган етакчилар кўп бўлганми?
Жапаров кортеж ва зиёфатдан воз кечди - инаугурация камтарона ўтказилади
Медработник демонстрирует компонент 1 вакцины от коронавируса Спутник V в прививочном пункте городской поликлиники

“Спутник V” вакцинаси икки ҳафта ичида яна 25та давлатда рўйхатдан ўтказилади

363
(Янгиланган 16:03 26.01.2021)
“Спутник V” коронавирусга қарши вакцинаси икки ҳафта давомида йигирмадан зиёд мамлакатда рўйхатдан ўтказилиши кутилмоқда.

ТОШКЕНТ, 26 янв — Sputnik. Россия тўғридан-тўғри инвестиция жамғармаси раҳбари Кирилл Дмитриев Россия “Спутник V” коронавирусга қарши вакцинаси яқинда йигирмадан зиёд мамлакатда рўйхатдан ўтказилишини кутмоқда.

"Спутник V” вакцинамиз ҳозирда 14та давлатда рўйхатдан ўтган, келгуси икки ҳафта ичида 25тадан ортиқ давлатда рўйхатдан ўтказилишини кутмоқдамиз", - деди Дмитриев Давосда бўлиб ўтган Жаҳон иқтисодий форумининг онлайн режимида бўлиб ўтган сессиясида.

Жамғарма ҳар бир мамлакат билан алоҳида иш олиб борди, вакцина ишлаб чиқариш бўйича кўплаб халқаро шерикликлар билан ҳамкорлик йўлга қўйилди. “Спутник V”  вакцинаси Россия, Беларусь, Аргентина, БАА, Венгрия, Сербия, Боливия, Жазоир, Фаластин, Венесуэла, Парагвай ва Туркманистонда рўйхатга олинган.

Европа Иттифоқи ва ЖССТда вакциналарни рўйхатдан ўтказиш жараёни бошланди.

“Спутник V” вакцинаси Гамалея эпидемиология ва микробиология миллий тадқиқот маркази томонидан Россия тўғридан-тўғри инвестиция жамғармаси билан ҳамкорликда ишлаб чиқилган.

Препарат инсоннинг аденовирус векторли платформасига асосланган бўлиб, хавфсизлик, самарадорлик ва узоқ муддатли салбий оқибатларнинг йўқлиги - унинг муҳим афзалликлари ҳисобланади.

Рўйхатдан ўтгандан сўнг, ўтказилган тадқиқотда якуний назорат нуқтасида маълумотларни таҳлил қилиш натижаларига кўра, унинг самарадорлиги 91,4 фоизни, оғир ҳолатларда эса 100 фоизни кўрсатди.

 

363
Теглар:
Спутник V, вакцина, коронавирус пандемияси, ЖССТ, Европа Иттифоқи, Туркманистон, Венесуэла, Фаластин, Сербия, Венгрия, БАА, Аргентина, Беларусь, Россия
Мавзу:
COVID-19 умумжаҳон пандемияси

"Тахтақорача" довонида ФВВ ўқув-машқи ўтказилди

121
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди.

ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди

"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.

Ўқув машқи 4 босқичда ўтказилди:

  1. Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
    МЧС
    Учения МЧС на перевале Тахтакорача
  2. Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
    МЧС
    Учения МЧС на перевале Тахтакорача
  3. Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
  4. Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.

Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли  юқорида қайд этилган ўқув машғулотлари аслига яқин мураккаб шароитларда бўлиб ўтди.

МЧС
Учения МЧС на перевале Тахтакорача
121