Украинада “Спутник V” вакцинасини рўйхатдан ўтказиш учун имзо тўплаш бошланди
(Янгиланган 16:14 13.01.2021)
Аввалроқ Украина Соғлиқни сақлаш вазирлиги Харьковнинг "Биолек” компаниясига “Спутник V” вакцинасини рўйхатдан ўтказиш аризасига рад жавобини берган эди.ТОШКЕНТ, 13 янв — Sputnik. Украинанинг “Мухолифат платформаси – Ҳаёт учун” партияси Украинада коронавирусга қарши Россиянинг “Спутник V” вакцинасини рўйхатдан ўтказиш ва ишлаб чиқариш учун имзо тўплашни бошлади. Бу ҳақда партиянинг ёшлар қаноти раҳбари Артём Марчевский маълум қилди, деб ёзади РИА Новости.
“Бугун максимал қисқа фурсатда вакцинани рўйхатга олиш ва ишлаб чиқаришни йўлга қўйиш талаби билан президент ва Вазирлар маҳкамасига мурожаат қилиш учун имзо тўплаш бошланди. Виктор Медведчук (“Мухолифат платформаси – Ҳаёт учун” партияси етакчиси – таҳр.) ҳаммаси ҳақида келишиб олди. Яъни алоҳида бюрократик мавзу. Лекин ҳукуматимиз хоҳламаяпти, унга бу керак эмас, у самарадорлиги 50 фоиз бўлган қандайдир Хитой вакцинасини харид қилмоқчи, “Спутник V” вакцинасининг самарадорлиги 92 фоиз, айрим тадқиқотларга кўра 96 фоизгача бўлганига қарамасдан”, - деди Марчевский “112 Украина” телеканали эфирида.
Унинг сўзларига кўра, имзо тўплаш Донецк вилоятининг учта шаҳрида – Покровск, Доброполье ва Мирноградда бошланган.
Аввалроқ Харьковнинг “"Биолек” компанияси Украина Соғлиқни сақлаш вазирлигига коронавирусга қарши “Спутник V” вакцинасини рўйхатдан ўтказишни сўраб мурожаат қилган эди. Мамлакат бош санитар шифокори Виктор Ляшко мамлакатда Россия вакцинасининг рўйхатга олинишини истисно қилди. У Киев фақат тадқиқотларнинг учинчи босқичидан муваффақиятли ўтган вакцинадан фойдаланишини таъкидлади.
Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда. Вакцина айни пайтда ўзининг хавфсизлиги ва самарадорлигини исботлаган. Шунингдек, вакцинада узоқ кузатилувчи салбий оқибатлар мавжуд эмаслиги ўз исботини топган.
Теглар:
Қирғизистон президенти инаугурациясига Жээнбеков таклиф қилинди
ТОШКЕНТ, 26 янв — Sputnik. Қирғизистоннинг сайланган президенти Садир Жапаровнинг инаугурация маросимига собиқ президент Сооронбай Жээнбеков таклиф қилинди. Буни президент матбуот котиби Галина Байтерек тасдиқлади.
Унинг сўзларига кўра, собиқ президент Роза Отунбаева ва мамлакат раҳбари лавозимига бошқа номзодлар ҳам таклиф қилинган.
Мамлакатни уч йил давомида бошқарган Жээнбеков Қирғизистондаги 2020 йил октябр воқеаларидан сўнг истеъфога чиқди. Ўша пайтда президент вазифасини бажарувчи Садир Жапаров Жээнбековнинг собиқ президент мақоми тўғрисидаги фармонни имзолаганди. 10 январда мамлакатда ўтказилган президент сайловларида Садир Жапаров ғалаба қозонди.
Ўтган ҳафтада Қирғизистон сайланган президенти Садир Жапаров инаугурация муносабати билан махсус кортеж, зиёфат ва бошқа тадбирлар ўтказилмаслигини маълум қилганди. Садир Жапаров сиёсий ва иқтисодий вазиятни ҳисобга олган ҳолда мамлакат иқтисодиёти учун оғир бўлган тадбирлардан воз кечиш зарурлигини айтди.
Инаугурация маросими 28 январ куни Миллий филармония катта залида бўлиб ўтади.
“Спутник V” вакцинаси икки ҳафта ичида яна 25та давлатда рўйхатдан ўтказилади
(Янгиланган 16:03 26.01.2021)
“Спутник V” коронавирусга қарши вакцинаси икки ҳафта давомида йигирмадан зиёд мамлакатда рўйхатдан ўтказилиши кутилмоқда.ТОШКЕНТ, 26 янв — Sputnik. Россия тўғридан-тўғри инвестиция жамғармаси раҳбари Кирилл Дмитриев Россия “Спутник V” коронавирусга қарши вакцинаси яқинда йигирмадан зиёд мамлакатда рўйхатдан ўтказилишини кутмоқда.
"Спутник V” вакцинамиз ҳозирда 14та давлатда рўйхатдан ўтган, келгуси икки ҳафта ичида 25тадан ортиқ давлатда рўйхатдан ўтказилишини кутмоқдамиз", - деди Дмитриев Давосда бўлиб ўтган Жаҳон иқтисодий форумининг онлайн режимида бўлиб ўтган сессиясида.
Жамғарма ҳар бир мамлакат билан алоҳида иш олиб борди, вакцина ишлаб чиқариш бўйича кўплаб халқаро шерикликлар билан ҳамкорлик йўлга қўйилди. “Спутник V” вакцинаси Россия, Беларусь, Аргентина, БАА, Венгрия, Сербия, Боливия, Жазоир, Фаластин, Венесуэла, Парагвай ва Туркманистонда рўйхатга олинган.
Европа Иттифоқи ва ЖССТда вакциналарни рўйхатдан ўтказиш жараёни бошланди.
“Спутник V” вакцинаси Гамалея эпидемиология ва микробиология миллий тадқиқот маркази томонидан Россия тўғридан-тўғри инвестиция жамғармаси билан ҳамкорликда ишлаб чиқилган.
Препарат инсоннинг аденовирус векторли платформасига асосланган бўлиб, хавфсизлик, самарадорлик ва узоқ муддатли салбий оқибатларнинг йўқлиги - унинг муҳим афзалликлари ҳисобланади.
Рўйхатдан ўтгандан сўнг, ўтказилган тадқиқотда якуний назорат нуқтасида маълумотларни таҳлил қилиш натижаларига кўра, унинг самарадорлиги 91,4 фоизни, оғир ҳолатларда эса 100 фоизни кўрсатди.
Теглар:
"Тахтақорача" довонида ФВВ ўқув-машқи ўтказилди
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди. ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди.
"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.
Ўқув машқи 4 босқичда ўтказилди:
- Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
МЧСУчения МЧС на перевале Тахтакорача - Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
МЧСУчения МЧС на перевале Тахтакорача - Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
- Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.
Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли юқорида қайд этилган ўқув машғулотлари аслига яқин мураккаб шароитларда бўлиб ўтди.
МЧС
Учения МЧС на перевале Тахтакорача