АҚШ “Шимолий оқим-2”га қарши янги санкциялар жорий этди

276
(Янгиланган 11:26 20.01.2021)
АҚШ “Шимолий оқим-2”ни қуриб битказишда қатнашаётган “Фортуна” қувур ётқизувчи ва унинг эгасига нисбатан санкция киритди.

ТОШКЕНТ, 20 янв — Sputnik. АҚШ “Шимолий оқим-2”ни қуриб битказишда қатнашаётган “Фортуна” қувур ётқизувчига нисбатан санкция қўллади. Бу ҳақда Америка Молия вазирлиги сайтида хабар қилинди.

Шунингдек, “Фортуна” эгаси ООО “КВТ-РУС” ҳам санкция рўйхатига тушган.

Россия, Яман, Венесуэлага қарши чораларнинг аралаш рўйхатига қуйидагилар ҳам киритилган:

- олтита кема, жумладан, Россия байроғи остида ҳаракат қилувчи “Максим Горький” ва “Сиерра” нефть танкерлари;

- Краснодар ўлкасида рўйхатдан ўтган ООО “Рустанкер”

- Италия, Швейцария, АҚШ, Венесуэла, Мальта, Буюк Британиянинг 14 та компанияси

- уч нафар жисмоний шахс: Швейцария, Италия ва Венесуэла фуқаролари.

Команияларга нисбатан санкциялар экспорт, банк ва валюта операциялари тақиқлаш, актив ва мол-мулкни блоклашни назарда тутади.

Россия президенти матбуот котиби Дмитрий Песков янги Америка санкцияларига муносабат билдириб, Москва чекловлардан афсусдалиги, аммо газ қувурини қуришда давом этишини таъкидлади.

АҚШ нима учун "Шимолий оқим-2"га тўсқинлик қилаётганини қуйидаги видеода билиб олиш мумкин.

276
Теглар:
Шимолий оқим-2, санкциялар, АҚШ
Портрет саудовского журналиста Джамаля Хашукджи в Стамбуле

Саудиялик журналист Хашоггининг Истанбулда ўлдирилиши - АҚШ меросхўр шаҳзодани айблади

148
Разведка маълумотига кўра, мамлакатда қарор қабул қилиш устидан назорат даражаси шу қадар юқорики, бу сингари ишлар шаҳзоданинг "оқ фотиҳаси"сиз рўй бериши мумкин эмас.

ТОШКЕНТ, 27 фев — Sputnik. Журналист Жамол Хашоггининг Истанбулда қўлга олиниши ёки ўлдирилиши бўйича операция 2018 йилда Саудия Арабистони меросхўр шаҳзодаси Муҳаммад бин Салмон томонидан шахсан маъқулланган. Бу ҳақда АҚШ Миллий разведкаси директори офиси докладида айтилган. РИА Новости хабари асосида.

Разведка маълумотига кўра, мамлакатда қарор қабул қилиш устидан назорат даражаси шу қадар юқорики, бу сингари ишлар шаҳзоданинг "оқ фотиҳаси"сиз рўй бериши мумкин эмас.

"Меросхўр шаҳзода Хашоггини қироллик учун таҳдид деб билган ва зарурат туғилганида, унинг оғзини ёпиш учун зўравонлик чоралари қўлланилишини кенг қўллаб-қувватлаган", - дейилади доклад матнида.

Унда айтилишича, саудиялик амалдорлар операцияга олдиндан тайёргарлик кўришган, АҚШ "Хашогги қотиллигида "катта эҳтимол билан" қўли бор деб гумонлаётган" 21 кишидан иборат рўйхат ҳам келтирилган. Шу билан бирга, разведка ушбу алоқадор шахслар операция финали қандай бўлишини олдиндан билишган, деган фикрни таъкидлай олмайди.

Разведканинг ушбу доклади эълон қилинганидан сўнг, АҚШ давлат котиби Энтони Блинкен "Хашогги таъқиқи" киритилиши ҳақида эълон қилди.

"Бу чет эл ҳукуматлари вакили бўла туриб, диссидентларга, жумладан, ўз иши туфайли диссидентлар ҳисобланувчи журналистлар, фаоллар ёки бошқа шахсларни бостириш, таъқиб қилиш, кузатиш, қўрқитиш ёки бошқа зиён етказиш сингари жиддий экстериториал ҳаракатларда қатнашган шахсларга виза чекловларини киритиш имконини беради", - дейди амалдор.

Доклад эълон қилинганидан сўнг ўлдирилган журналистнинг рафиқаси Хатижа Женгиз Twitter да #justiceforjamal ("Жамол учун адолат") хэштегини жойлаштирди.

БМТнинг суддан ташқари қатллар бўйича махсус маърузачиси Аньес Калламар АҚШни Саудия Арабистони валиаҳд шаҳзодаси Муҳаммад бин Салмонга қарши санкцияларни қўллашга чақирди.

"Қўшма Штатлар ҳукумати валиаҳд шаҳзодага, бошқа жиноятчиларга бўлгани каби, унинг шахсий активларига, шунингдек халқаро мажбуриятларига нисбатан ҳам санкцияларни қўллаши керак", - дейилади баёнотда.

Ўз навбатида, Саудия Арабистони ҳукумати АҚШ разведкасининг меросхўр шаҳзода Хашогги қотиллигига алоқадорлиги тўғрисидаги доклади хулосаларини рад этди.

"Саудия Арабистони Қироллиги ҳукумати ҳисоботда келтирилган Қироллик раҳбариятига берилган негатив, ёлғон ва мақбул бўлмаган баҳосини бутунлай рад этади ва ҳисоботда ноаниқ маълумотлар ва хулосалар бўлганлигини таъкидлайди", - дейилади ТИВ баёнотида.

Яқин шарқ қироллиги Ташқи ишлар вазирлиги шунингдек, АҚШ ва қироллик ўртасида "мустаҳкам шериклик" мавжудлигини қайд этиб ўтган.

Консулликда юз берган қотиллик

Таниқли саудиялик журналист Жамол Хашогги 2017 йилдан АҚШда истиқомат қилган ва Washington Post газетасида фаолият юритган. У 2018-йилнинг октябрида Истанбулда ўлдирилган эди. Аввалига саудия ҳукумати унинг Саудия Арабистони Қироллиги консуллиги ҳудудида ғойиб бўлганини тўлиқ рад этган, аммо видео- ва аудио ёзувларнинг пайдо бўлганидан сўнг Хашогги "консуллик ходимлари билан юз берган можаро оқибатида ўлдирилганлигини" тан олишди.

Туркия полицияси журналист жасадини топа олмади.

Араб матбуоти, Саудия Арабистони ҳукумати ҳаракатларини танқид қилган Хашоггини ўлдириш буйруғи қиролликдаги тахт учун даъвогар - валиаҳд шаҳзода томонидан берилган бўлиши мумкинлиги ҳақидаги версияларни илгари сурган эди. Бироқ, Қироллик Ташқи ишлар вазирлиги валиаҳд шаҳзоданинг бу жиноятга мутлақо алоқаси йўқлигини таъкидлаб келган.

 

148
Близнецы, акробатки и блогеры Тиган и Сэм Рыбка

Эгизак опа-сингиллар акробатик трюклари билан интернетда машҳур бўлмоқда

577
(Янгиланган 14:59 26.02.2021)
Австралиялик эгизак опа-сингиллар Тиган ва Саманта акробатик трюклари билан ижтимоий тармоқларни забт этмоқда.

ТОШКЕНТ, 25 фев — Sputnik. Австралиялик эгизак опа-сингиллар Тиган ва Саманта Рибка ўзларининг акробатик трюклари билан ижтимоий тармоқларни забт этмоқда.

Посмотреть эту публикацию в Instagram

Публикация от The Rybka Twins (@rybkatwinsofficial)

Қизлар уч ёшида акробатика билан шуғулланишни бошладилар. Ҳозир уларнинг ёши 25да.

Посмотреть эту публикацию в Instagram

Публикация от The Rybka Twins (@rybkatwinsofficial)

Улар икки йил олдин Australia's Got Talent шоуда қатнашдилар ва кейинчалик видеороликларни YouTube’да жойлаштиришни бошлашган. Кўпгина фойдаланувчилар эгизакларнинг эгилувчанлигига ҳайратда қолишмоқда, уларнинг каналига 7,3 миллион киши обуна бўлган.

Шунингдек, қизларни Instagram ва TikTokда миллионлаб обуначилар кузатиб боришмоқда.

577
Теглар:
ижтимоий тармоқ, интернет, қизиқарли видео

Латвияда совет жангчиларига қўйилган яна бир ёдгорлик таҳқирланди

0
Совет аскарлари хотираси устидан навбатдаги даҳшатли таҳқирлаш ҳолати Латвиянинг Екабпилс шаҳрида юз берди. Тунда маҳаллий мемориал жойидан пушка ғойиб бўлди.

Кимдир пушкани жойидан қисмларга ажратиб, номаълум йўналишда олиб кетган. Видеокузатув камералари тракторни суратга олган. Кадрларда трактор ковшида ўша пушка олиб кетилаётгани акс этган.

Совет жангчиларига мемориални ким таҳқирлади? Миллатчилар бу хабарни қандай қарши олди? Латвиядаги вандалларни кимдир тўхтата оладими? Бу саволларга ҳамон ҳеч қандай жавоб йўқ. Маҳаллий аҳоли ўз тахминларини билдирмоқда - кадрларни томоша қилинг.

0