TikTok

Ҳиндистонда TikTok умрбодга блокланди

368
(Янгиланган 00:51 27.01.2021)
Ҳиндистон мамлакатда 59та Хитой дастуридан, улар ичида TikTok тармоғидан фойдаланишга доимий тақиқ жорий қилди.

ТОШКЕНТ, 26 янв — Sputnik. Ҳиндистон мамлакатда 59та Хитой дастуридан, шу жумладан TikTok ижтимоий тармоғидан фойдаланишга расмий доимий тақиқ жорий қилди. Бу ҳақда NDTV ўз манбасига асосан хабар қилди.

Қарорни Ҳиндистон электроника ва ахборот технологиялари вазирлиги қабул қилди. Бунгача, ўтган йилнинг июн ойида Ҳиндистон ҳукумати хитойлик дизайндаги 59 та дастурдан фойдаланишни тақиқлаб, уларни мамлакат суверенитети, яхлитлиги ва миллий хавфсизлигига "зиён етказадиган" деб атади.

Доимий равишда тақиқланган платформалар рўйхатига Alibaba компанияси томонидан ишлаб чиқарилган WeChat, UC Browser ва TikTok киритилди.

Хитой дастурларини тақиқлаш тўғрисидаги қарор Ладахнинг тоғли чегара ҳудудида икки мамлакат ўртасидаги кескинлашув фонида қабул қилинди.

Эслатиб ўтамиз, ўз президентлиги даврида Дональд Трамп “TikTok ва WeChat иловалари таҳдиди”га қарши кураш тўғрисида фармонни имзолаганди. Ҳужжатда TikTok ва WeChat АҚШ миллий хавфсизлиги, иқтисодиёти ва сиёсатига таҳдид сифатида кўрсатилган. Таъкидланишича, бу иловалар фойдаланувчи, шу жумладан у жойлашган жойи ва қидирган нарсалар ҳақидаги маълумотларни йиғади.

368
Теглар:
интернет, Хитой, Ҳиндистон
Мавзу бўйича
TikTok юлдузи собиқ эри томонидан онлайн-эфирда ёқиб юборилди
TikTok учун видеога Қуръонни йиртган ўзбекистонлик қўлга олинди
Тошкент ҳокими Ортиқхўжаев TikTok учун видеога тушди
Трамп TikTok’га қарши уруш бошлади

Космосдан ҳужум: Апофис астероиди Ерга қулаши мумкинми?

384
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

384
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

408
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

408
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи

ДХХдаги вакант жойни 5 минг $га пуллаётган уддабурро шахс қўлга олинди

18
(Янгиланган 10:05 06.03.2021)
Жиноятчи катта лейтенант унвонидаги ДХХ формасида аризачидан келишилган 5 минг АҚШ доллари миқдоридаги пулларни олаётган вақтда, операция иштирокчилари томонидан ушланган

ТОШКЕНТ, 6 мар - Sputnik. Тошкент шаҳрида ДХХга ишга киргизиб қўйиш учун фуқародан 5 000 доллар талаб қилган шахс далилий ашёлар билан ушланди, деб хабар бермоқда ИИББ ахборот-хизмати.

Хабарда айтилишича, Тошкент вилоятида яшовчи фуқаро Х.Н. 3 март куни вилоят ИИББга ариза билан мурожаат қилган. Аризада, ўзини "ДХХ Тошкент шаҳар бошқармаси кадрлар бўлими бошлиғи" деб таништирган шахс ўғлини ДХХ ҳарбий қисмларидан бирига ишга киритиб қўйиш учун 5 минг АҚШ доллари талаб қилаётганлигини маълум қилиб, қонуний чора кўришини сўраган.

Мазкур мурожаатга асосан, Тошкент вилояти ИИББ Коррупция ва иқтисодий жиноятларга қарши курашиш ва Ўз хавфсизлик бошқармаси вилоят бўлими ходимлари ва ДХХ ходимлари ҳамкорлигида Чирчиқ шаҳрида тезкор тадбир ўтказилган.

"ДХХ Тошкент шаҳар бошқармаси Кадрлар бўлими бошлиғи" деб таништирган Э.М. катта лейтенант унвонидаги ДХХ формасида аризачидан келишилган 5 минг АҚШ доллари миқдоридаги пулларни олаётган вақтда, операция иштирокчилари томонидан ушланган ва тегишли ҳужжатлар расмийлаштирилган.

Ўтказилган суҳбат давомида ушбу шахс – Сурхондарё вилоятида яшовчи 1998 йилда туғилган Э.М. ҳеч бир давлат органи ёки бошқа ташкилотда ишламаслиги, шунингдек, аввалроқ ДХХга қарашли ҳарбий қисмда муддатли ҳарбий хизматни ўтаганлиги аниқланган.

Ушланган шахсга нисбатан Ўзбекистон Республикаси ЖКнинг тегишли моддалари билан жиноят иши қўзғатилган.

18