Видеооператор

“Путин қасри” кўриниши қандай? репортаж

1973
(Янгиланган 00:49 30.01.2021)
Катта шов-шувга сабаб бўлган “Путин қасри” кўриниши қандай – Mash Telegram-канал журналистлари бу ҳақда репортаж тайёрлади.

ТОШКЕНТ, 29 янв — Sputnik. Mash Telegram-канал журналистлари Алексей Навальний эълон қилган фильмда айтилган Геленджикдаги "қаср"га келиб, репортаж тайёрлади.

"Қаср олдига келганларни дарвозасиз парад кириш жойи кутиб олади - бу ерда шунчаки улар йўқ. Дарвоза устида ҳеч қандай Қишки сарой тожли Подшоҳ бургут нусхаси йўқ. Жойни жуда оддий тасвирлаш мумкин - бу битта катта бетон. Ҳамма нарса қурилишнинг нол босқичида", - дейилган материалда.

Журналистларга 6 йилдан бери қаср қурилишини кузатиб борган техник назорат вакили ҳамроҳлик қилди. Мухбирлар 16 та бир хил хонани кўришга муваффақ бўлишди: уларни бир ибора билан - яхлит бир бетон, деб тасвирласа бўлади. "Суриштирув"да айтилган "чилимхона" ўрнида "қурувчилар хонаси": ишчилар у ерда каскалар, махсус кийим ва поябзалларни сақлашмоқда.

"Лой хонаси" - қурилишнинг дастлабки босқичида, уни битта сўз - бетон деб таърифлаш мумкин, интернетда мемларга айланган "аквадискотека" эса амалда - ишламайдиган фаввора экан.

Журналистлар тасвирга олган лавҳада: тахталар, кўплаб симлар, бетон блоклар ва "розетка ишламайди" деган ёзувлар акс этган.

"Атрофда жуда кўп ишчилар. Ҳар қадамда қурувчиларни учратиш мумкин. Иморатни кўздан кечираётганимизда йигитлар тешиш, бурғулаш ишлари билан банд эди ... Ростини айтсам, жуда зерикарли. Ўша айтилган қасрни кўришга муваффақ бўлмадик", - дейди репортаж муаллифларидан бири.

Қурувчиларнинг сўзларига кўра, "қаср"ни барпо қилиш ва фойдаланишга топшириш учун 5-6 йил керак.

Бироқ, бу "мулк"нинг эгаси ким эканлиги номаълум бўлиб қолмоқда.

Журналистлар эгаларни жавоб қайтаришга чақиришди.

Кремль реакцияси

Аввалроқ Владимир Путин Алексей Навальнийнинг Геленджикдаги "қаср" тўғрисидаги фильмини томоша қилмаганлигини, аммо ёрдамчилари тайёрлаган видеолар тўплами билан танишиб чиққанлигини айтди. Президент таъкидлашича, “суриштирув”да кўрсатилган ҳеч қандай мулк на унга, на унинг қариндошларига тегишли эмас ва ҳеч қачон тегишли бўлмаган.

Президент матбуот котиби Дмитрий Песков сўзларига кўра, Геленджикдаги қаср эгаси - бир ёки бир нечта ишбилармон. Кремль исмларни ошкор қилмайди, чунки бу нотўғри. Президент администрацияси сохта фош қилувчи материаллар ва ахборот хуружлари ҳақида олдиндан билганлигини таъкидлади.

1973
Теглар:
Навальный, Владимир Путин, Москва, Россия
Мавзу бўйича
Бемор АҚШ махсус хизматлари кўмагидан фойдаланади — Путин Навальный ҳақида
Россия Навальный билан боғлиқ вазият туфайли ЕИ санкцияларига жавоб қайтаради
Кремл "Путин қасри" ҳақидаги хабарлар юзасидан изоҳ берди
Путин Навальнийнинг суриштируви ҳақида: қаср менга тегишли эмас

Венесуэла президенти “Спутник V” билан эмланди

54
Венесуэла президенти Николас Мадуро ва унинг рафиқаси коронавирусга қарши Россиянинг “Спутник V” вакцинаси билан эмланди.

ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.

Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.

Мадуро COVID-19 га қарши Россия вакцинаси билан эмланиш истагини билдирди

Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.

“Спутник V”нинг биринчи партияси Жанубий Америка мамлакатига 13 февраль куни олиб келинган.

Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.

54
Теглар:
эмлаш, Спутник V, Николас Мадуро, Венесуэла

Космосдан ҳужум: Апофис астероиди Ерга қулаши мумкинми?

525
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

525
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос
Попрошайки в Ташкенте

Тошкент ва бошқа шаҳарларда тиланчилар сони кўпайиб кетган Сенат

13
Сенат қўмитаси аҳоли ҳаракати гавжум бўлган кўчалар, хиёбонлар, бозорлар, автотранспорт воситаларини вақтинча сақлаш жойлари ва чорраҳаларда тиланчилар кўпайганини маълум қилди.

ТОШКЕНТ, 7 мар — Sputnik. 4 март куни Олий Мажлис Сенати Мудофаа ва ҳавфсизлик масалалари қўмитаси 3 февраль куни ИИВга юборилган мурожаат жавобини кўриб чиқди. Унда республиканинг барча ҳудудларида, хусусан, Тошкент шаҳрида тиланчилик қилувчи шахслар сони кўпайиб кетишининг олдини олиш бўйича зарур чора-тадбирлар кўриш сўралган эди.

Сенаторлар сўнгги пайтларда аҳоли ҳаракати гавжум бўлган кўчалар, хиёбонлар, бозорлар ва уларга туташ ҳудудлардаги автотранспорт воситаларини вақтинча сақлаш жойлари ҳамда чорраҳаларда тиланчилик қилиб келаётган шахслар кўплаб учраётганини таъкидлашди.

“Бу эса, ўз навбатида, тиланчи шахслар томонидан фуқароларнинг юришига қўймай, автомобил йўлларида эса транспорт воситалари ҳаракатланишига хавф туғдириб қатъий туриб садақа сўраши кишининг таъбини хира қилиши табиий. Бундай нохуш ҳолатлар аҳоли кайфиятига салбий таъсир этиб, уларнинг ҳақли эътирозларига сабаб бўлмоқда”, - дейилган хабарда.

Мамлакат қонунчилигида айнан тиланчилик қилганлик учун маъмурий ва жиноий жавобгарлик масаласи белгиланган бўлса-да, ушбу норманинг ҳаётда қатъий ишламаётгани бундай шахсларнинг кундан кун кўпайиб боришига замин бўлмоқда, деб ҳисоблашади сенаторлар.

ИИВ патруль-пост, йўл патруль хизмати ҳамда ҳуқуқбузарликлар профилактикаси ходимлари кўрсатилган жойларда тегишли топшириқлар асосида чора-тадбирларни амалга ошираётганини маълум қилган.

Натижада январь ва февраль ойининг 20 кунлик даврида тиланчилик билан шуғулланиб юрган 131 нафар шахсларга нисбатан маъмурий баённома расмийлаштирилиб, уларга нисбатан 8 млн. сўмга яқин жарима жазоси белгиланган. 1 нафар ҳуқуқбузарга нисбатан эса маъмурий қамоқ жазоси тайинланган.

13
Теглар:
сенат