Заместитель председателя Совбеза РФ Дмитрий Медведев

Дмитрий Медведев Россия ўз интернетини қандай ҳимоя қилишини айтиб берди

313
(Янгиланган 10:59 01.02.2021)
Ижтимоий тармоқлар Россияга нисбатан душман позициясида ҳаракат қилса, бизда уларга қарши чора бор - Медведев.

ТОШКЕНТ, 1 фев - Sputnik. Хавфсизлик Кенгаши раиси ўринбосари Дмитрий Медведев  Россия ўз интернет тармоғини қандай ҳимоя қилишини айтиб берди.

Медведев айтишига кўра, Интернетнинг “калити” АҚШ қўлида, шу сабабли уни ўчириб қўйиш эҳтимоли мавжуд. Россия ҳар эҳтимолга қарши бунга тайёр бўлмоқда.

“Маълумки, интернет майян вақтда муайян давлатда пайдо бўлган эди. Шу сабабли уни бошқариш ҳуқуқи ҳам – Америка Қўшма Штатлари қўлида. Ушбу “сандиқнинг калити" океан ортида бўлгани сабабли - фавқулодда вазият юз бериши эҳтимоли мавжуд”, - деди Медведев.

Шундан келиб чиққан ҳолда, махсус қонун қабул қилинган. Унинг асосий вазифаси – интернетнинг Россия сегментини мустақил бошқариш имкониятидир.

“Менимча, ҳозирча киритилган қоидалар етарли. Агар ижтимоий тармоқлар Россия ахборотини чоп этишдан бош тортса ёки Россияга нисбатан душман позициясида ҳаракат қилса – бизда уларга таъсир қиладиган чора бор, лекин вазият бу даражага етишини, албатта,  истамаган бўлардик”, - деди Медведев.

Эслатиб ўтамиз, ҳар қандай хорижий интернет платформалар фуқароларнинг ирқий, миллий ёки сиёсий мансублигидан келиб чиққан ҳолда, ахборотни чеклаган тақдирда, уларга нисбатан чеклов чоралари қўлланилади. Янги қонун нафақат ижтимоий тармоқлар, балким барча йирик IT-платформаларга тегишли бўлади.

313

АҚШ Афғонистондан қўшинларни олиб чиқиш санасини маълум қилди

383
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.

ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.

"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.

Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.

Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.

Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.

2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.

 

383
Теглар:
Толибон, АҚШ, Афғонистон

Венесуэла президенти “Спутник V” билан эмланди

204
Венесуэла президенти Николас Мадуро ва унинг рафиқаси коронавирусга қарши Россиянинг “Спутник V” вакцинаси билан эмланди.

ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.

Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.

Мадуро COVID-19 га қарши Россия вакцинаси билан эмланиш истагини билдирди

Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.

“Спутник V”нинг биринчи партияси Жанубий Америка мамлакатига 13 февраль куни олиб келинган.

Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.

204
Теглар:
эмлаш, Спутник V, Николас Мадуро, Венесуэла
Купол мечети

Шайх Абдулазиз Мансурнинг ўғли вафот этди

155
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

155