Штаб-квартира Министерства обороны США

Пентагон Россия билан ядровий уруш юз бериши эҳтимоли ҳақида баёнот берди

584
Хитой ва Россия томонидан бўлаётган агрессив ҳаракатлар, америкалик адмирал фикрига кўра, Вашингтон томонидан жавобсиз қолдирилиши керак эмас.

ТОШКЕНТ, 3 фев — Sputnik. АҚШ стратегик қўмондонлиги раҳбари Чарльз Ричард Россия ёки Хитой билан ядровий уруш эҳтимоли ҳақида баёнот берди. У бу ҳақда Қўшма Штатлар Ҳарбий-денгиз институтининг расмий нашри феврал сони учун ёзган мақоласида келтириб ўтган.

Ричарднинг таъкидлашича, Пентагон СССР барҳам топган даврдан буён ядровий держава билан тўғридан-тўғри ҳарбий тўқнашув эҳтимоли ҳақида ўйламаган, аммо ҳозир ҳолат ўзгарган.

"Россия ёки Хитой билан минтақавий инқироз, агар оддий қурол-аслаҳалардан фойдаланганда ютқазиб, бу сиёсий тузилма ёки давлатга таҳдидни юзага келтирган тақдирда, ҳолат қисқа фурсатда ядровий қуролдан фойдаланиладиган можарога айланиб кетиши мумкин", — деб баёнот қилди Ричард.

Адмиралнинг сўзларига кўра, Вашингтоннинг эҳтимолий душманлари томонидан ядровий қуролдан фойдаланиш эҳтимолини инкор этиш катта хатолик бўлар эди.

Ричарднинг фикрича, АҚШ мудофаа вазирлиги ҳозирда терроризмга қарши кураш билан машғул бўлган бир вақтда, Россия ва Хитой гўёки халқаро нормаларга куч томонлама чақириқлар ташлаб, агрессив сиёсатни ўтказа бошлаган.

Бу эса совуқ уруш давридан буён мисли кўрилмаган ҳолатдир.

Бу сингари ҳаракатлар, америкалик адмирал фикрига кўра, Вашингтон томонидан жавобсиз қолдирилиши керак эмас.

"Уларнинг агрессиясини жиловлаб туриш учун биз фаол тарзда рақобатлашишимиз даркор; уларнинг ташаббусларига ён берганда, биз уларнинг Қўшма Штатлар уларга жавоб қайтаришни истамайди ёки жавоб қайтаролмайди деган тушунчасини мустаҳкамлаб, бу билан уларни янада ғайратини ошириб юбориш хатарини юзага келтирмоқдамиз", — деб ёзади Ричард.

Бундан ташқари, у Хитой ва Россиянинг тобора ошиб бораётган ва "инсонни зумда ўзига келтирадиган" ядровий имкониятларини қайд этиб ўтган. Жумладан, Ричард Россия ядровий кучлари модернизацияси ва Москва томонидан ишлаб чиқилаётган янги қурол-аслаҳалар ҳақида батафсил ҳикоя қилган.

584
Анатолий Сидоров

ОДКБ штаб бошлиғи Афғонистондан келаётган таҳдидларни санаб ўтди

1112
(Янгиланган 16:02 25.02.2021)
Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров КХШТ видеоконференциясида минтақавий хавфсизликка асосий таҳдидларни санаб ўтди.

ТОШКЕНТ, 25 фев — Sputnik. Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров Тожикистон Мудофаа вазирлигида бўлиб ўтган КХШТ видеоконференциясида минтақавий хавфсизликка асосий таҳдидларни санаб ўтди.

Афғонистон ҳудудида радикал исломий ва террористик гуруҳларнинг борлиги аввалгидек хавотир ўйғотмоқда. “Толибон”* исломий ҳаракати Афғонистон ҳудудида энг кўп сонли гуруҳ ҳисобланади.

Ҳозир унинг сафида 70 мингдан ортиқ жангари мавжуд. Экстремистлар катта ҳудудларни назорат қилиб, шимолий, жанубий ва жануби-шарқий вилоятларда фаоллик кўрсатмоқда.

"Тожикистон ва Туркманистон билан чегарадош минтақалардаги отрядларнинг умумий сони 15 минг кишини ташкил этади", - дейди КХШТ қўшма штаби раҳбари.

Минтақа хавфсизлигига яна бир таҳдид - бу "Ислом давлати" халқаро террорчилик уюшмасининг “Вилоят Хуросон”* гуруҳи Афғонистондаги позицияларини мустаҳкамламоқда. Бугунги кунда жангарилар сони 4 минг кишини ташкил қилади.

"Улар Марказий Осиё давлатларини босиб олиш учун плацдарм яратиш мақсадида Тожикистон ва Покистон билан чегарадош минтақалар устидан назорат ўрнатишга интилмоқда", - деб хулоса қилди генерал-полковник.

* Россияда тақиқланган террорчилик ташкилот.

1112
Теглар:
ОДКБ, Толибон, террорчилар, "Ислом давлати", Покистон, Туркманистон, Тожикистон, Ўзбекистон, Афғонистон, Россия
Мавзу бўйича
ОДКБ тожик-афғон чегарасини мустаҳкамлайди
Афғонистон Олий миллий ярашув кенгаши раиси Тошкентга ташриф билан келди
Верхотуров Афғонистон бўйича тинчлик музокаралари нега тўхтатилгани ҳақида
Марказий Осиёни Ҳинд океани билан боғлайди: Сидиқов Транс-афғон темир йўли ҳақида

Арманистон Қуролли кучлари Пашинян истеъфосини талаб қилди

109
Никол Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.

ТОШКЕНТ, 25 фев — Sputnik. Арманистон Бош штаби бош вазир Никол Пашинян истеъфосини талаб қилди. Бу ҳақда Sputnik Арманистон хабар қилмоқда.

Баёнотда ёзилишича, мамлакат Бош штаби штаб бошлиғининг биринчи ўринбосари Тиран Хачатряннинг лавозимидан озод қилишини юзасидан қатъий норозилик билдиради.

Ҳарбийлар унинг ишдан олиш тўғрисидаги қарор Арманистон миллий ва давлат манфаатларини инобатга олмаган ҳолда, фақат шахсий адоват асосида қабул қилинган деб ҳисоблашади.

“Бундай оғир шароитларда бундай қарор давлатга қарши ва масъулятсизлик ҳисобланади”, - дейилган баёнотда.

Бош штаб Пашинянни ўз халқига қарши куч қўллашдан огоҳлантирган.

Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.

Кейинчалик Арманистон бош вазири Қуролли кучлар унинг истеъфосини талаб қилгандан сўнг Бош штаб бошлиғи Оник Гаспарянни лавозимидан озод қилганини маълум қилди.

109
Теглар:
Никол Пашинян, Арманистон
Флаги стран-участниц ЕАЭС и государств-наблюдателей при союзе

ЕОИИда Ўзбекистон вакили тайинланди

102
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. 

ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан. 

2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.

ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия  раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади. 

Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган. 

ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади. 

102