У здания Жогорку Кенеша в Бишкеке проходит митинг против назначения Улукбека Марипова премьер-министром Кыргызстана

Бишкекда яна митинг: намойишчилар Марипов бош вазир этиб тайинланишига қарши

520
(Янгиланган 15:23 03.02.2021)
41 ёшли Улукбек Марипов Қирғизистон собиқ президенти Алмазбек Атамбаевнинг ёрдамчиси ва қочоқ президент Қурманбек Бакиевнинг администрациясида ишлаган.

ТОШКЕНТ, 3 фев — Sputnik. Бишкекда парламент биноси яқинида Улукбек Мариповнинг Қирғизистон бош вазири этиб тайинланишига қарши митинг бўлиб ўтмоқда.

Sputnik мухбири хабар қилишича, тахминан 50 киши Бош прокурор ўринбосари Нуркамал Набиевнинг истеъфосини талаб қилмоқда. Намойишчилар ўз позицияларини "коррупцияга алоқадор одамлар ҳукуматга керак эмас" деб изоҳлашмоқда.

Ҳозир парламент ялпи мажлисида Марипов номзодини ва таклиф этилган ҳукумат таркибини кўриб чиқмоқда. Аввалроқ у Вазирлар Маҳкамаси сонини қисқартираётгани айтиб, рўйхат тақдим этганди. Икки бош вазир ўринбосарлари лавозимлари қисқартирилиб, айрим вазирликлар, идоралар ва қўмиталар бирлаштирилди.

41 ёшли Улукбек Марипов Қирғизистоннинг собиқ раҳбари Алмазбек Атамбоевнинг ёрдамчиси бўлган ва қочоқ собиқ президент Қурманбек Бакиевнинг администрациясида ишлаган, 2016 йилдан бери у Ҳисоб палатасининг раиси.

520
Теглар:
коррупция, митинг, Қирғизистон
Мавзу бўйича
“Қамоқдан президентликка”: Садир Жапаровга ўхшаган етакчилар кўп бўлганми?
Қирғизистонда Атамбаевга нисбатан чиқарилган ҳукм бекор қилинди
Атамбаев собиқ ёрдамчиси бош вазир лавозимига тавсия қилинди
Изолятор ўзгарди: Атамбаев очлик эълон қилди
Анатолий Сидоров

ОДКБ штаб бошлиғи Афғонистондан келаётган таҳдидларни санаб ўтди

1071
(Янгиланган 16:02 25.02.2021)
Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров КХШТ видеоконференциясида минтақавий хавфсизликка асосий таҳдидларни санаб ўтди.

ТОШКЕНТ, 25 фев — Sputnik. Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров Тожикистон Мудофаа вазирлигида бўлиб ўтган КХШТ видеоконференциясида минтақавий хавфсизликка асосий таҳдидларни санаб ўтди.

Афғонистон ҳудудида радикал исломий ва террористик гуруҳларнинг борлиги аввалгидек хавотир ўйғотмоқда. “Толибон”* исломий ҳаракати Афғонистон ҳудудида энг кўп сонли гуруҳ ҳисобланади.

Ҳозир унинг сафида 70 мингдан ортиқ жангари мавжуд. Экстремистлар катта ҳудудларни назорат қилиб, шимолий, жанубий ва жануби-шарқий вилоятларда фаоллик кўрсатмоқда.

"Тожикистон ва Туркманистон билан чегарадош минтақалардаги отрядларнинг умумий сони 15 минг кишини ташкил этади", - дейди КХШТ қўшма штаби раҳбари.

Минтақа хавфсизлигига яна бир таҳдид - бу "Ислом давлати" халқаро террорчилик уюшмасининг “Вилоят Хуросон”* гуруҳи Афғонистондаги позицияларини мустаҳкамламоқда. Бугунги кунда жангарилар сони 4 минг кишини ташкил қилади.

"Улар Марказий Осиё давлатларини босиб олиш учун плацдарм яратиш мақсадида Тожикистон ва Покистон билан чегарадош минтақалар устидан назорат ўрнатишга интилмоқда", - деб хулоса қилди генерал-полковник.

* Россияда тақиқланган террорчилик ташкилот.

1071
Теглар:
ОДКБ, Толибон, террорчилар, "Ислом давлати", Покистон, Туркманистон, Тожикистон, Ўзбекистон, Афғонистон, Россия
Мавзу бўйича
ОДКБ тожик-афғон чегарасини мустаҳкамлайди
Афғонистон Олий миллий ярашув кенгаши раиси Тошкентга ташриф билан келди
Верхотуров Афғонистон бўйича тинчлик музокаралари нега тўхтатилгани ҳақида
Марказий Осиёни Ҳинд океани билан боғлайди: Сидиқов Транс-афғон темир йўли ҳақида

Арманистон Қуролли кучлари Пашинян истеъфосини талаб қилди

108
Никол Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.

ТОШКЕНТ, 25 фев — Sputnik. Арманистон Бош штаби бош вазир Никол Пашинян истеъфосини талаб қилди. Бу ҳақда Sputnik Арманистон хабар қилмоқда.

Баёнотда ёзилишича, мамлакат Бош штаби штаб бошлиғининг биринчи ўринбосари Тиран Хачатряннинг лавозимидан озод қилишини юзасидан қатъий норозилик билдиради.

Ҳарбийлар унинг ишдан олиш тўғрисидаги қарор Арманистон миллий ва давлат манфаатларини инобатга олмаган ҳолда, фақат шахсий адоват асосида қабул қилинган деб ҳисоблашади.

“Бундай оғир шароитларда бундай қарор давлатга қарши ва масъулятсизлик ҳисобланади”, - дейилган баёнотда.

Бош штаб Пашинянни ўз халқига қарши куч қўллашдан огоҳлантирган.

Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.

Кейинчалик Арманистон бош вазири Қуролли кучлар унинг истеъфосини талаб қилгандан сўнг Бош штаб бошлиғи Оник Гаспарянни лавозимидан озод қилганини маълум қилди.

108
Теглар:
Никол Пашинян, Арманистон
Флаги стран-участниц ЕАЭС и государств-наблюдателей при союзе

ЕОИИда Ўзбекистон вакили тайинланди

83
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. 

ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан. 

2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.

ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия  раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади. 

Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган. 

ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади. 

83