Лавров назвал ситуацию с Навальным инсценировкой со стороны Запада

Тинчлик истасанг - урушга тайёр бўл: Россия ЕИ билан алоқаларни узишга тайёр - Лавров

2014
(Янгиланган 20:14 12.02.2021)
ЕИ Россия иқтисодининг нозик соҳаларига санкциялар киритишда давом этса, Москва алоқаларни узишга тайёр.

ТОШКЕНТ, 12 - фев, Sputnik. Европа Иттифоқи санкциялар киритишда давом этса, Москва Брюссель билан алоқаларни узиши мумкинлигини истисно қилмайди. Бу ҳақида Россия Ташқи ишлар вазири Сергей Лавров "Соловьев LIVE" каналида берган интервьюсида айтиб ўтди. 

"Биз тайёрмиз, агар олдин бирн неча маротаба бўлганидек, иқтисодимизнинг турли соҳаларига, жумладан  энг нозик соҳаларига ҳам таъсир қилувчи санкциялар киритилишида давом этаверса, Москва Брюссель билан алоқаларни узиши мумкинлигини истисно қилмайди", - деди Лавров.   

"Албатта, биз дунё ҳаётидан ажралиб қолишни истамаган бўлардик, лекин бунга тайёр бўлиш керак. Тинчлик истасанг - урушга тайёр бўл", - деб қўшимча қилди Россия ташқи ишлар вазири. 

Эслатиб ўтамиз, яқинда Москвага ташриф буюрган ЕИ ташқи ишлар вазири Алексей Навальнийни озодликка чиқаришни талаб қилган эди. Россия ҳукумати рад жавобини берганидан сўнг ЕИ "Шимолий оқим-2"ни блоклаб қўйиш билан пўписа қилган эди.

Ундан бир неча кун олдин эса, Россия Алексей Навальний тарафдорлари митингида иштирок этган 3 нафар Европа дипломатларини (Швеция, Германия и Польша) персона нон-грата деб эълон қилиб мамлакатни тарк этишни талаб қилган эди.

Шунингдек, Навальний суди мажлисига 14 давлат дипломатлари ташриф буюришган эди. Россия Ташқи ишлар вазирлиг махсус вакили Мария Захарова дипломатларнинг ушбу оммавий ташрифини "Россия ички ишларига аралашиш" деб атаган эди.

2014

АҚШ Афғонистондан қўшинларни олиб чиқиш санасини маълум қилди

384
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.

ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.

"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.

Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.

Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.

Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.

2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.

 

384
Теглар:
Толибон, АҚШ, Афғонистон

Венесуэла президенти “Спутник V” билан эмланди

204
Венесуэла президенти Николас Мадуро ва унинг рафиқаси коронавирусга қарши Россиянинг “Спутник V” вакцинаси билан эмланди.

ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.

Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.

Мадуро COVID-19 га қарши Россия вакцинаси билан эмланиш истагини билдирди

Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.

“Спутник V”нинг биринчи партияси Жанубий Америка мамлакатига 13 февраль куни олиб келинган.

Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.

204
Теглар:
эмлаш, Спутник V, Николас Мадуро, Венесуэла
Купол мечети

Шайх Абдулазиз Мансурнинг ўғли вафот этди

161
Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди.

ТОШКЕНТ, 8 мар — Sputnik. Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар қилди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирди.

161