Тоқаевнинг ёшликда тушган сурати интернетда пайдо бўлди

1169
Қозоғистон президенти Қасим-Жомарт Тоқаевнинг 26 ёшида Подмосковьедаги шанбалик пайтида тушган сурати интернетда пайдо бўлди.

ТОШКЕНТ, 14 фев — Sputnik. Интернетда Қозоғистон президенти Қасим-Жомарт Тоқаевнинг ёшликда тушган сурати пайдо бўлди. Суратни давлат раҳбарининг матбуот котиби инстаграмига жойлаган.

Таъкидланишича, сурат 1979 йилда олинган. Ўшанда 26 ёшли Тоқаев СССР Ташқи ишлар вазирлигида атташе лавозимида ишлаган.

Посмотреть эту публикацию в Instagram

Публикация от Berik UALI (@berikuali)

“1979 йил. Подмосковьедаги шанбалик. Қасим-Жомарт Кемелевич у пайтлар СССР Ташқи ишлар вазирлигида атташе лавозимида ишларди”, - дея ёзган сурат остига Берик Уали.

Қасим-Жомарт Тоқаев 1953 йилда Қозоғистонда таваллуд топган. 2019 йил 20 мартдан буён Қозоғистон президенти лавозимида фаолият юритиб келмоқда.

1169
Анатолий Сидоров

ОДКБ штаб бошлиғи Афғонистондан келаётган таҳдидларни санаб ўтди

996
(Янгиланган 16:02 25.02.2021)
Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров КХШТ видеоконференциясида минтақавий хавфсизликка асосий таҳдидларни санаб ўтди.

ТОШКЕНТ, 25 фев — Sputnik. Коллектив хавфсизлик шартномаси ташкилоти қўшма штаби бошлиғи, генерал-полковник Анатолий Сидоров Тожикистон Мудофаа вазирлигида бўлиб ўтган КХШТ видеоконференциясида минтақавий хавфсизликка асосий таҳдидларни санаб ўтди.

Афғонистон ҳудудида радикал исломий ва террористик гуруҳларнинг борлиги аввалгидек хавотир ўйғотмоқда. “Толибон”* исломий ҳаракати Афғонистон ҳудудида энг кўп сонли гуруҳ ҳисобланади.

Ҳозир унинг сафида 70 мингдан ортиқ жангари мавжуд. Экстремистлар катта ҳудудларни назорат қилиб, шимолий, жанубий ва жануби-шарқий вилоятларда фаоллик кўрсатмоқда.

"Тожикистон ва Туркманистон билан чегарадош минтақалардаги отрядларнинг умумий сони 15 минг кишини ташкил этади", - дейди КХШТ қўшма штаби раҳбари.

Минтақа хавфсизлигига яна бир таҳдид - бу "Ислом давлати" халқаро террорчилик уюшмасининг “Вилоят Хуросон”* гуруҳи Афғонистондаги позицияларини мустаҳкамламоқда. Бугунги кунда жангарилар сони 4 минг кишини ташкил қилади.

"Улар Марказий Осиё давлатларини босиб олиш учун плацдарм яратиш мақсадида Тожикистон ва Покистон билан чегарадош минтақалар устидан назорат ўрнатишга интилмоқда", - деб хулоса қилди генерал-полковник.

* Россияда тақиқланган террорчилик ташкилот.

996
Теглар:
ОДКБ, Толибон, террорчилар, "Ислом давлати", Покистон, Туркманистон, Тожикистон, Ўзбекистон, Афғонистон, Россия
Мавзу бўйича
ОДКБ тожик-афғон чегарасини мустаҳкамлайди
Афғонистон Олий миллий ярашув кенгаши раиси Тошкентга ташриф билан келди
Верхотуров Афғонистон бўйича тинчлик музокаралари нега тўхтатилгани ҳақида
Марказий Осиёни Ҳинд океани билан боғлайди: Сидиқов Транс-афғон темир йўли ҳақида

Арманистон Қуролли кучлари Пашинян истеъфосини талаб қилди

102
Никол Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.

ТОШКЕНТ, 25 фев — Sputnik. Арманистон Бош штаби бош вазир Никол Пашинян истеъфосини талаб қилди. Бу ҳақда Sputnik Арманистон хабар қилмоқда.

Баёнотда ёзилишича, мамлакат Бош штаби штаб бошлиғининг биринчи ўринбосари Тиран Хачатряннинг лавозимидан озод қилишини юзасидан қатъий норозилик билдиради.

Ҳарбийлар унинг ишдан олиш тўғрисидаги қарор Арманистон миллий ва давлат манфаатларини инобатга олмаган ҳолда, фақат шахсий адоват асосида қабул қилинган деб ҳисоблашади.

“Бундай оғир шароитларда бундай қарор давлатга қарши ва масъулятсизлик ҳисобланади”, - дейилган баёнотда.

Бош штаб Пашинянни ўз халқига қарши куч қўллашдан огоҳлантирган.

Пашинян бўлиб ўтаётган ҳодисаларни давлат тўнтарилишига уриниш деб атади ва тарафдорларини Еревандаги майдонга чиқишга давъат этди.

Кейинчалик Арманистон бош вазири Қуролли кучлар унинг истеъфосини талаб қилгандан сўнг Бош штаб бошлиғи Оник Гаспарянни лавозимидан озод қилганини маълум қилди.

102
Теглар:
Никол Пашинян, Арманистон
Флаги стран-участниц ЕАЭС и государств-наблюдателей при союзе

ЕОИИда Ўзбекистон вакили тайинланди

34
(Янгиланган 20:41 25.02.2021)
ЕОИИ Иқтисодий комиссиясида Ўзбекистон вакили этиб Макроиқтисодий изланишлар ва прогноз институти директори ўринбосаси Шуҳрат Шукуров тайинланди. 

ТОШКЕНТ, 25 фев — Sputnik. Ўзбекистоннинг Евроосиё Иқтисодий Иттифоқидаги вакили этиб Шуҳрат Шукуров тайинланди. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган, ЕИК матбуот хизмати хабарига асосан. 

2020 йилнинг декабр ойида Ўзбекистон ЕОИИда кузатувчим мақомини олган эди. Ушбу қарор ЕОИИ Олий совети мажлисида қабул қилинган ва унда Ўзбекистон президенти Шавкат Мирзиёев ҳам иштирок этган эди.

ЕИК хабарига кўра, 26 феврал куни Ўзбекистоннинг Россиядаги фавқулодда ва мухтор элчиси Ботиржон Асадовнинг ЕИК коллегия  раиси Михаил Мясникович, интеграция ва макроиқтисодиёт вазири Сергей Глазьев ва савдо вазири Андрей Слепневлар билан учрашуви кутилмоқда. Учрашув давомида Ўзбекистон ҳукуматининг Шуҳрат Шукуровни вакил этиб тайинлаш ҳақидаги хати кўриб чиқилади. 

Шухрат Шукуров Москва иқтисодий-статистика институтини ва Ўзбекистон давлат ва жамият қурилиши академиясидаги Олий бизнес мактабини тугатган. Ўзбекистон иқтисодий мажмуасда 30 йиллик меҳнат тажрибасига эга. Шу кунга қадар у Макроиқтисодий изланишлар ва прогноз институти директори ўринбосаси лавозимида ишлаб келган. 

ЕОИИ иқтисодий комиссиясида Шукуров узоқ муддатли миллий манфаатларидан келиб чиққан ҳолда Ўзбекитоннинг ЕОИИ ҳаётида фаол иштирок этишини таъминлаш билан шуғулланади. 

34