"Танаси қани?": буғу акс этган сурат интернетда қизғин муҳокама қилинмоқда
(Янгиланган 16:43 16.02.2021)
Ўрмонда дарахт ортида турган буғунинг сурати ижтимоий тармоқларда “вирус” тезлигида тарқалди. Суратда жониворнинг фақат боши кўринган.ТОШКЕНТ, 16 фев — Sputnik. Ўрмонда дарахт ортида турган буғунинг сурати ижтимоий тармоқларда “вирус” тезлигида тарқалди. Суратда жониворнинг фақат боши кўринган.
Фойдаланувчилар “буғунинг танаси қандай қилибкичик дарахт орқасида кўринмай қолди” дея ҳайрон қолишмоқда.
The Dodo янгиликлар портали ёзишича, ғайриоддий суратнинг муаллифи -Хантингтон (Индиана, АҚШ) шаҳрида истиқомат қилувчи Женни Макмиллан. Аёл ўрмон яқинида яшайди, оқдумли буғулар егулик излаб тез-тез бу ҳудудга "меҳмонга" келади.
Сурат ижтимоий тармоқларга тушгач, бир неча кун ичида тез тарқалиб кетди.
Одамлар ўз изоҳларида, буғунинг танаси қаерга ғойиб бўлгани юзасидан турли тахминларни билдиришмоқда.
Эслатиб ўтамиз, ўтган ҳафтада янги оптик иллюзия интернет фойдаланувчиларининг эътиборини тортганди. Ўрмонда тасвирга олинган сурат қизғин муҳокамага сабаб бўлганди.
Теглар:
АҚШ Афғонистондан қўшинларни олиб чиқиш санасини маълум қилди
(Янгиланган 14:46 08.03.2021)
АҚШ Афғонистондан ўз қўшинларини шу йил 1 майга қадар тўлиқ олиб чиқиб кетиш масаласини кўриб чиқмоқда.ТОШКЕНТ, 8 мар — Sputnik. АҚШ Афғонистондан ўз қўшинларини 1 майга қадар тўлиқ олиб чиқиб кетиш масаласини кўриб чиқмоқда, деб хабар қилди Tolo News телеканали АҚШ давлат котиби Энтони Блинкеннинг президент Ашраф Ғанига ёзган мактубига асосланиб.
"Вашингтонда сиёсий жараён давом этаётганлиги сабабли, АҚШ бирон бир вариантни рад этмайди. Биз 1 майга қадар қўшинларимизни тўлиқ олиб чиқиб кетиш масаласини кўриб чиқмоқдамиз", - дейилган ҳужжатда.
Мактубда ёзилишича, АҚШ Россия, Хитой, Покистон, Ҳиндистон ташқи ишлар вазирлари ва вакилларини Афғонистонда тинчликни сақлашга қаратилган ягона ёндашувни муҳокама қилиш учун йиғилиш ўтказиш юзасидан БМТга мурожаат қилмоқчи.
Бундан ташқари, Вашингтон "Туркия ҳукуматидан тинчлик битимини якунлаш учун яқин ҳафталарда икки томоннинг юқори даражадаги учрашувини ташкил қилишни" режалаштирмоқда.
©
Sputnik / Семиряга
Аввалроқ Пентагон АҚШ президенти Жо Байденнинг администацияси Афғонистондан қўшинларни олиб чиқиш режасини қўллаб-қувватлашини айтганди. Вашингтон “Толибон” ҳаракати (Россияда тақиқланган) амалдаги келишув шартларини бажарган тақдирда, май ойигача мамлакатни тарк этишга тайёр. Жангарилар битим шартларини бажарганлигини таъкидламоқда.
2020 йилда Қатарда АҚШ ва “Толибон” Афғонистондан олиб чиқиб кетиш, маҳбуслар алмашинуви кейин афғонистонлараро мулоқотни бошлашни назарда тутадиган биринчи тинчлик битимини имзоладилар.
Теглар:
Венесуэла президенти “Спутник V” билан эмланди
ТОШКЕНТ, 7 мар — Sputnik. Венесуэла президенти Николас Мадуро коронавирусга қарши Россиянинг “Спутник V” вакцинаси билан эмланди. Бу ҳақда у Twitterʼда маълум қилди. Президент билан бирга унинг рафиқаси Силия Флорес ҳам вакцинанинг биринчи дозасини олган.
Авиакомпания Aerolíneas Argentinas
Мадуронинг сўзларига кўра, “Спутник V” билан Венесуэла тиббиёт ходимларининг катта қисми эмланган.
Мадуро COVID-19 га қарши Россия вакцинаси билан эмланиш истагини билдирди
Венесуэлада коронавирусга қарши Россиянинг “Спутник V” вакцинаси билан эмлаш ишлари 18 февраль куни бошланганди.
“Спутник V”нинг биринчи партияси Жанубий Америка мамлакатига 13 февраль куни олиб келинган.
Ўтган йил октябрь ойида Россия тўғридан-тўғри инвестициялар жамғармаси Каракасга “Спутник V”нинг учинчи босқич клиник синовларини ўтказиш учун “Спутник V” вакцинаси етказиб берилганини хабар қилган эди. Унда икки минг нафар кўнгилли, жумладан, давлат раҳбарининг ўғли Николас Мадуро Герра ҳам иштирок этган.
Теглар:
Сирли ошиқ хонанда Канизага турмушга чиқишни таклиф қилди - фото
(Янгиланган 18:21 08.03.2021)
Каниза номи остида ижод қилувчи ўзбекистонлик хонанда Шаҳризода Аҳмедова турмушга чиқмоқда. Бу ҳақда хонанданинг ўзи Instagram’даги саҳифасида маълум қилди.ТОШКЕНТ, 8 мар — Sputnik. Каниза номи остида ижод қилувчи хонанда Шаҳризода Аҳмедова турмушга чиқмоқда.
Бу ҳақда хонанданинг ўзи Instagram’даги саҳифасида маълум қилди.
Посмотреть эту публикацию в Instagram
Эълон қилинган суратда йигитнинг юзи “юракча“ билан беркитилган.