Қизил дипломли шифокор: Илҳом Алиевнинг рафиқаси ҳақида 6 та қизиқарли факт
© mehriban-aliyeva.az
Oбуна бўлиш
Меҳрибон Алиева Озарбайжоннинг биринчи хоними. У Илҳом Алиев 1983 йилда турмуш қуришган. Sputnik материалида у ҳақида қизиқарли фактларни ўқишингиз мумкин.
ТОШКЕНТ, 26 авг — Sputnik. Ўзбекистон президенти Шавкат Мирзиёев рафиқаси Зироатхон Мирзиёева билан биргаликда Озарбайжонда бўлиб қайтди. Президент шарафига Боку шаҳрида давлат зиёфати ҳам ташкил этилди.
Шавкат Мирзиёевни Илҳом Алиев ва унинг рафиқаси Меҳрибон Алиева қарши олди. Озарбайжоннинг биринчи хоними ижтимоий тармоқлар фойдаланувчиларида доимо қизиқиш уйғотган. Sputnik материалида у ҳақида қизиқарли фактларни ўқишингиз мумкин.
Меҳрибон Алиева Озарбайжоннинг биринчи хоними. У мамлакат ҳукумати ишларида фаол иштирок этади. У Озарбайжоннинг биринчи вице-президенти ва Ҳайдар Алиев фонди президенти хисобланади. Шунингдек, у уч фарзанднинг онаси ҳамдир. Алиеванинг гўзаллиги, ақл-заковати, услуби ва муомала маданияти доим эътироф этилган.
Меҳрибон Алиева Озарбайжоннинг биринчи хоними.
© mehriban-aliyeva.az
Туғилган жойи ва ота-онаси
Меҳрибон Алиева (Пашаева) 1964 йил 26 августда Боку шаҳрининг собиқ "Шувалан" маҳалласида туғилган. Унинг отаси Ориф Пашаев таниқли физик олим бўлиб, у 1996 йилда Миллий авиация академиясининг ректори сифатида ҳам фаолият олиб борган. Баъзи маълумотларга кўра, Пашаевлар оиласи озарбайжонлик зиёлиларнинг анъанавий қадриятларига асос бўлган. Меҳрибон Алиеванинг онаси Аида Иманқулиева ҳам олима бўлган. У шарқшунос сифатида араб муҳожири адабиётини ўрганиш билан шуғулланган. Меҳрибон Алиева оиласидаги ҳамжиҳатлик муҳитидан доим мамнун бўлгани, ота-онасининг таълим ва илм-фанга қаратган эътибори туфайли у бугунги ютуқларига эришганини таъкидлайди.
Меҳрибон Алиева Озарбайжоннинг биринчи хоними.
© mehriban-aliyeva.az
Касб-ҳунар
Алиева шифокор. У И.М. Сеченов номидаги Биринчи Москва Давлат тиббиёт университетини имтиёзли диплом билан тамомлаган. Шундан сўнг қисқа муддат мобайнида Москва шаҳрида офталмолог сифатида фаолият юритган.
Меҳрибон Алиева Озарбайжоннинг биринчи хоними.
© mehriban-aliyeva.az
Жуфтлик Алиева университетда ўқиётганда турмуш қуришган
Меҳрибон Пашаева ва Илҳом Алиев 1983 йилда турмуш қуришган. Ўшанда Илҳом Алиев МГИМОдаги энг ёш ўқитувчилардан бири бўлган. Ёрқин ва чиройли жуфтлик кўплаб дўстларини ҳайратда қолдирган. Тўйдан кейин ёш оила Москвада тахминан 10 йил истиқомат қилган.
Меҳрибон Алиева Озарбайжоннинг биринчи хоними.
© mehriban-aliyeva.az
Фарзандлари
Озарбайжоннинг биринчи хоними икки нафар қиз (Лейла ва Арзу) ҳамда 1 нафар ўғил (Ҳайдар) фарзандларни дунёга келтирган. Қизлари ҳозирда оилали. Тўнғич фарзанди Лейла Алиева машҳур ижрочи Эмин Агаларовга турмушга чиққан. Кичик қизи Арзу Алиева эса тадбиркор Самед Қурбонов билан оила қурган. Меҳрибон Алиева фарзандалрини ўта масъулиятли, бошқаларнинг дардига бефарқ бўлмаган инсонлар дея таърифлайди.
Меҳрибон Алиева Озарбайжоннинг биринчи хоними.
© mehriban-aliyeva.az
Одамлар билан мулоқот қилишни яхши кўради
2002 йилда биринчи хоним Озарбайжон гимнастика федерацияси президенти этиб сайланган. Унинг саъй-ҳаракатлари туфайли гимнастика мамлакатда катта шуҳрат қозонган. 2005 йилда эса Озарбайжон бадиий гимнастикаси бўйича Жаҳон кубогига мезбонлик қилган. Бундан ташқари, у Ҳайдар Алиев номидаги жамғармага раҳбарлик қилиб, аҳолининг кам таъминланган қатламларининг ижтимоий муаммоларини ҳал қилишга алоҳида эътибор қаратган.
Меҳрибон Алиева Озарбайжоннинг биринчи хоними.
© mehriban-aliyeva.az
2004 йилда Алиева ЮНЕСКОнинг яхши ният элчиси этиб тайинланган.Шунингдек, у Озарбайжон МОҚ ижроия қўмитаси аъзоси сифатида фаолият олиб борган. 2005 йилда эса у сайловларда ғалаба қозониб, Янги Озарбайжон партиясидан Озарбайжон Республикаси Миллий Мажлисига депутат этиб сайланган. 2017 йил 21 февральда Озарбайжон президенти Илҳом Алиевнинг фармони билан Меҳрибон Алиева мамлакат биринчи вице-президенти этиб тайинланди.
Меҳрибон Алиева Озарбайжоннинг биринчи хоними.
© mehriban-aliyeva.az
Пазанда
Давлат мавқеи ва юқори иш юкига қарамай, биринчи хоним учун оила доимо биринчи ўринда туради. У чинакам шарқона аёл сифатида ўчоқ қўриқчисидир. Меҳрибон Алиева таом тайёрлашни яхши кўради ва унинг пазандалик ютуқларини баъзан ижтимоий тармоқларда ҳам кўриш мумкин. Алиеванинг сўзларига кўра, таом пишириш жараёнида у ҳордиқ чиқаради ва деярли барча миллий озарбайжон таомларини тайёрлай олади.
