Махсус операция: 21 сентябрнинг асосий хабарлари
20:46 21.09.2023 (янгиланди: 11:34 22.09.2023)
© Sputnik / Алексей Майшев
/ Oбуна бўлиш
Украинани демилитаризация ва денацификация қилиш бўйича Россиянинг махсус ҳарбий операцияни муваффақиятли давом этмоқда. 21 сентябрь куни Украинанинг қурбон бўлган ва яраланган аскарлари сони 600 дан ошди.
ТОШКЕНТ, 20 сен — Sputnik. Россия Федереацияси олиб бораётган махсус ҳарбий операциянинг сўнгги сутка давомида содир бўлган асосий воқеалари.
Мудофаа вазирлиги 21 сентябрь ҳисоботи:
Бугун тунда Россия Федерацияси Қуролли кучлари ҳарбий саноат объектларига, шунингдек, радио разведка марказлари ва Қуролли кучларнинг саботаж гуруҳларини ўқитиш марказларига юқори аниқликдаги узоқ масофали ҳаводан учириладиган қуроллар ва учувчисиз учиш аппаратлари билан гуруҳли зарба берди. Нишонга олинган объектларга зарба етиб борди.
Запорожье йўналишида, Новопокровка ва Работино аҳоли пунктлари ҳудудларида рус қўшинлари бўлинмалари Украина Қуролли Кучларининг 71-ўрмончи (егерь) ва 47-механизациялашган бригадалари бўлинмаларининг иккита ҳужумини қайтарди.
Вербовое қишлоғи ҳудудида УҚКнинг 46-аэромобил бригадасининг ишчи кучи тўпланган жойга зарба берилди. Натижада 50ка яқин украиналик ҳарбий хизматчи, иккита БМП, битта АҚШда ишлаб чиқилган "Bradley" пиёда жанговар машинаси ва учта машина йўқ қилинди. Артиллерия жанги пайтида АҚШда ишлаб чиқарилган иккита М777 артиллерия тизими, учта Д-30 гаубицаси ва АҚШда ишлаб чиқарилган М119 тўпи йўқ қилинди.
Донецк йўналишида "Жануб" қўшинлар гуруҳи Орехово-Василевка, Курдюмовка, Клешеевка, Веселое, Химик аҳоли пунктлари ҳудудларида Украина бўлинмаларининг бешта ҳужумини қайтарди. Душман йўқотишлари: 300 дан ортиқ ҳарбийлар, иккита зирҳли жанговар машина, бешта автомобиль, Ольха реактив тизими жанговар машинаси, шунингдек, Полшада ишлаб чиқарилган "Краб" ўзиюрар артиллерия мосламаси.
Купянск йўналишида "Ғарб" қўшинлар гуруҳи бўлинмалари Синковка ва Новоселовское аҳоли пунктлари ҳудудларида душманга зарба берди. Натижада 20 нафаргача ҳарбий хизматчи, иккита автомашина ва АҚШда ишлаб чиқарилган 155 мм М109 "Paladin" ўзиюрар артиллерия мосламаси йўқ қилинди.
Красний Лиман йўналишида "Марказ" қўшинлари гуруҳи Червоная Диброва ва Шипиловка аҳоли пунктлари ҳудудларида УҚКнинг учта ҳужумни қайтарди. Бундан ташқари, Григоровка, Торское ДПР ва Серебрянский ўрмон хўжалиги аҳоли пунктлари ҳудудларида душманнинг ишчи кучи ва техникаси мағлуб этилди. Кун давомида УҚК 75 дан ортиқ ҳарбий хизматчи, иккита зирҳли жанговар машина, иккита пикап ва Д-30 гаубицасини йўқотди.
Жанубий Донецк йўналишида "Шарқ" қўшинлари гуруҳи ДХРнинг Пречистовка, Запороже вилоятининг Приютное аҳоли пункти ҳудудидаги УҚК бўлинмалари ҳужумини қайтарди. Кун давомида УҚК йўқотишлари 110 нафаргача ҳарбий хизматчиларни, зирҳли жанговар машинасини, тўртта техникасини, "Ураган" реактив тизими жанговар машинасини ва "Гвоздика" ўзиюрар артиллерия қисмини ташкил этди.
Херсон йўналишида Россия қўшинлари зарбаси натижасида 45 дан ортиқ украиналик ҳарбий хизматчилар, учта машина ва АҚШда ишлаб чиқарилган М777 гаубицаси йўқ қилинди. Переяславский оролида 126-ҳудудий мудофаа бригадасининг Украина қўпорувчилик ва разведка гуруҳи йўқ қилинди.
Россия авиацияси, ракета кучлари ва артиллерияси УҚКнинг 102 та ҳудудда жойлашган ишчи кучи ва ҳарбий техникасига зарба берди. ДХРнинг Калиново аҳоли пункти ҳудудида АҚШда ишлаб чиқарилган АN/ТPQ-50 артиллерияга қарши радари вайрон қилинган.
Ҳаво ҳужумидан мудофаа тизимлари бешта узоқ масофали "Storm Shadow" қанотли ракеталарини, тўртта HIMARS кўп ракетали тизимини ва HARM антирадар ракетасини уриб туширди.
Бундан ташқари, Мирное, Токмак, Червоногорка, Пологи, Волноваха, Артемовск, Золотаревка, Голиково, Лисичанск, Олшана, Новая Сбуревка, Саги ва Геройское аҳоли пунктлари ҳудудларида Украинанинг 75 та учувчисиз аппарати йўқ қилинди.
Ҳаммаси бўлиб, махсус операция бошлангандан бери Украина жами 475 та самолёт, 249 та вертолёт, 7020 та учувчисиз учиш аппарати, 438 та зенит-ракета тизими, 12016 та танк ва бошқа зирҳли жанговар транспорт воситалари, 1154 та кўп ракета тизимларининг жанговар техникаси, 6473 та дала артиллерия қуроллари ва миномётлари, шунингдек 13281 дона махсус ҳарбий машиналаридан маҳрум бўлди.
