Минус 7 кило қандай қилиб бир ярим ойда озиш мумкин

3129
(Янгиланган 15:59 13.06.2019)
Sputnik колумнисти Бакит Толканов "қорин йўқотиш" жангида қандай хатоликка йўл қўйди? Неча килога озди? Бу саволларга жавобни – унинг материалида олишингиз мумкин.

Колумнист Бакит Толканов шахсий озиш тажрибаси билан ўртоқлашди.

Йигирма еттинчи апрель куни озиш бўйича шахсий тажрибамни бошладим. Лойиҳа муддати – икки ой. Нонуштага бўтқа, шунингдек, мева-сабзавотлар ва сут маҳсулотларини тановвул қиламан. Тушликка товуқ, балиқ, гарнирига сабзавотлар ёки шўрва истеъмол қиламан.

Баъзан ўзимни ҳуқуқ-тартибот органлари назоратида бўлган коррупционердек ҳис қиламан. Фақат орган ходимлари ролида  дўстларим, танишларим, баъзан ҳатто нотаниш одамлар бўлади.

Кунлардан бир куни бир кафеда дўстларимдан бири ҳазил тариқасида каминага газланган ичимлик таклиф этди. Шунда, қўшни столда ўтирган ва сал олдин парҳезим ҳақида эшитган бир неча киши қандай жавоб қайтаришимни катта қизиқиш билан кузатиб тургани гувоҳи бўлдим.

Менинг "ундан кўра минерал сув ичганим яхши" деган жавобимни эшитишгач, уларнинг ҳаммаси бош бармоқларини тепага кўтариб, мени қўллаб-қувватлашди ва пиво ичишда давом этишди.  

Бир ҳафта олдин эса менда cheat meal, бошқача қилиб айтганда парҳезни режали бузиш содир бўлди. Бу озаётган кишиларга оддий маҳсулотлардан чарчаб, "синиб қолмаслик", модда алмашинувини тезлаштириш учун керак. Одатда ҳафтада бир марта cheat meal қилса бўлади.  

Шу куни мен бир дона чучук (қозоқча шужук, турк халқларда анъанавий гўштдан тайёрланадиган таом) истеъмол қилдим. Бўлак жуда кичкина бўлсада, дўстларим эътирози анча катта эди. Айримлар мени "синди" деса, бошқалари ҳазил аралаш "ҳайрият, энди базм дастурхонида асабга тегувчи омил эмассан", деди. Шунда уларга cheat meal нима учун кераклиги ҳақида тушунтиришимга тўғри келди.

Зарарли овқатдан узоқлашдим

Мен учун энди попкорнсиз кино, зарарли овқат ва алкогол ичимликларисиз базмлар одатий ҳолга айланган эди. Ёғли ва қовурилган таомлар ҳақидаги хотиралар ҳеч ҳам иштаҳамни қитиқламасди. Лекин баъзан кечалари ўзимни гўё бутун бошли қўйни паққос туширишга тайёрдек ҳис қилардим. Бундай ҳолатлар учун доим кефир ва олма ғамлаб қўйман – қўзи ҳам омон қолади.

Албатта, бирорта зарарли овқат ейиш истаги пайдо бўлади, бироқ бир-икки қошиқдан сўнг қизиқиш албатта сўнарди.  

Бу нимани англатади? Муаммо аввало – инсон организми эҳтиёжларидамас, балки бошда ва кўп йиллик одатларда.

Вазн нима бўлди?

Ҳар қандай озаётган одам "плато таъсири" ҳақида билади. Бунда гарчи овқатланиш одатдагидек бўлиб, жисмоний ҳаракатлар кўпайгани билан вазн пасайишдан тўхтайди. Бунинг оддий сири – организм овқатланиш ва машқларга кўникиб қолади. Анъанавий хатолар – рационингизни бир дона олма ва карам баргига тушириб, жисмоний зўриқишни кучайтириш (Шварценеггер ҳам йиғлаворарди).

Аслини олганда "режимни давом эттириш керак", бу ерда cheat meal нинг роли катта: эслатаман, у моддалар алмашинувига ёрдам беради. "Плато" менда ҳам бўлди – икки ҳафта давомида вазним 70-71 килодан тушмади ва фақат кейинчалик камайишни бошлади.

Бугун эрталаб тарози 68,9 килограммни кўрсатди. Агар 27 апрелда 78,5 кило бўлган бўлсам (кийим икки кило), мен 7-7,5 килограмм вазн ташлаган эдим. Нега рақамлар тахминий? Чунки биринчи тарози кўчаники эди. Мен яна неча кило озишни истайман? Менда маълум бир чегарага етиш мақсади йўқ, асосийси қорин йўқотиш, ҳозирги вазним эса меёърида, деб биламан.     

Яна бир яхши янгилик – пресс мушаклари ортида жойлашган ёғларнинг камайгани. Унинг меъёридан ортиқ бўлиши ички органларга ёмон таъсир кўрсатади ва у қорин чиқиб қолишининг сабаблардан бири ҳисобланади. “Ақлли” тарози сотиб олганимдан бери (уч ҳафта) висцерал ёғ даражаси нормал ҳолатга келди. Лекин бўшашиш керак эмас.

Спорт билан шуғулланиш

Маълум бўлишича, мен машқларни умуман нотўғри бажарган эканман: "отжимание"ни қўлларни катта очган ҳолда бажарганман. Ўтириш машқида эса тиззалар "олдинга" чиққан ҳолда бажарганман, пресс машқини бажарганда асосий оғирлик орқа мушакларга берилган. Буни курс охирига келганда билиб қолдим. Курс давомийлиги – 6 ҳафта. Мен буларнинг барчасидан хабардор киши билан маслаҳатлашганимдан сўнг, учинчи ҳафтадан дастурни бошладим. Мутахассис мени тинчлантирди, машқлар барибир ўз фойдасини берди. У менга машқларнинг миқдорига эмас, сифатига эътибор бериш кераклигини эслатди.

Ўйлайманки, 27 июнгача якунлашга улгурмасам ҳам, бу катта муаммо эмас. Асосийси – рақамлардамас, мушакларим чиниққанида. Кичик маслаҳатим: мен йўл қўйган хатоларни қайтармаслик учун, узоқ йиллар спорт билан шуғулланган мутахассис, мураббийлар билан маслаҳатлашинг. Бошқа томондан, мен "отжимание" машқини ниҳоят 50 марта бажаришга қодир бўлганимдан хурсандман, чунки бир ярим ой олдин, 10 марта бажарганимда, пенсия расмийлаштиришга тайёр бўлиб турган эдим. Умуман олганда, вақт масаласи муаммо бўлгани сабабли жисмоний машқларни асосан кечаси бажардим, бу иродани тарбиялаш учун фойдали бўлди.  

Тунги марафон

Дам олиш куни дўстим билан кечаси бир нечта тунги кафеларни айланиб чиқдик – умумий ҳаражатлар, такси хизматини ҳисобга олганда катта бўлмади.

Дўстим мендан фарқли ўлароқ бир неча баравар кўп сарф-ҳаражат қилди. Нега дейсизми? Чунки мен спиртли ичимликлар истеъмол қилмадим, энг қиммат ичимлигим - алкоголсиз мевали ва асалли пунш бўлди. Айтганча, маблағларимни тежашим оқибатида яқинда дўстимга каттагина миқдорда қарз бериб туриш имконига эга бўлдим.

Хулоса

Албатта, жисмоний машқлар билан боғлиқ ўнғайсиз ҳолатдан афсусдаман, бироқ ушбу тажрибам кўп самара берди. Эндиликда худди шоҳлардек мириқиб ухлаяпман, эрталаб ошқозонимда "тош" билан уйғонганим йўқ, қолаверса мушакларимни ҳам энди "шалвираган", деб айтиб бўлмайди.

3129
Лаборатория имени Ричарда Лугара в Грузии

Америкаликларга Марказий Осиё ва Кавказдаги биолабораториялар нимага керак?

843
(Янгиланган 17:38 29.05.2020)
Қозоғистон, Арманистон ва Тожикистонда америкаликлар биологик лабораториялар тармоғини яратдилар. РИА Новости муаллифи буни ўрганди.

ТОШКЕНТ, 29 май - Sputnik, Галия Ибрагимова. "АҚШ бутун дунё бўйлаб, шу қатори, чегараларимиз атрофида, ҳарбий биологик фаолият олиб бормоқда", - деди Сергей Лавров КХШТ ташқи ишлар вазирлари йиғилишида. Москва узоқ вақтдан бери қўшни давлатларнинг биологик хавфсизлиги ҳақида ҳавотирда. Қозоғистон, Арманистон ва Тожикистонда америкаликлар биологик лабораториялар тармоғини яратдилар. Россия расмийларининг, айниқса, Грузиядаги Лугара номидаги марказга оид саволлари кўп. Вашингтонга буларнинг нима кераги борлиги ҳақида РИА Новости материалида ўқинг.

Қасддан чиқариб юбориш

Қозоғистонда коронавирусдан биринчи зарарланиш март ойининг бошида қайд этилди. Ҳукумат чегараларни ёпиб, фавқулодда ҳолат эълон қилди. Интернетда ушбу вирус 2016 йилда республиканинг жанубий-шарқида америкаликлар томонидан қурилган биолаборатория билан боғлиқ бўлиши мумкинлиги ҳақида миш-мишлар тарқалди.

Олма-Ота Марказий реферанс-лабораторияси (ЦРЛ) Қозоғистон учун хос бўлган вируслар штаммларини ўрганишга ихтисослашган. У Қозоғистон карантин ва зооноз инфекциялари илмий маркази негизида фаолият юритади, республика Соғлиқни сақлаш вазирлигига бўйсунади. У Пентагон ҳисобидан қурилган бўлса-да, Қозоғистон мулки ҳисобланади. АҚШ ушбу иншоот учун 108 миллион доллар ажратган.

Вашингтон буни: минтақада АҚШ ҳарбийлари жойлашгани ва тадқиқотлар номаълум вирусли инфекциялардан ҳимояланишга ёрдам беради, дея тушунтирганди.

КХШТ, МДҲ ва ШҲТ саммитларида Москва вакиллари америкаликлар ушбу лабораторияларни Россия манфаатларига қарши ишлатишлари мумкинлигини бир неча бор таъкидлашган. Аммо Қозоғистон расмийлари маҳаллий биологлар ишига ҳеч ким аралашмаслигига ишонтиришган.

"Хорижий олимларнинг иштирок этишига фақат қўшма тадқиқотлар ўтказилганда ва грант лойиҳалари амалга оширилгандагина йўл қўйилади", - деб изоҳ берган ЦРЛ.

2018 йилда Қозоғистонда менингит билан касалланишлар сони сезиларли даражада ошди ва Олма-Отада ЦРЛдан менингококк инфекция штаммининг сизиб чиқиши ҳақида гапира бошлашди. Журналистлар ва блогерлар америкаликлар қасддан вирус тарқалишига йўл қўйдилар, дея жиддий ёздилар. Шу тариқа, улар гўёки лабораторияда ишлаб чиқилган бактериологик қуролнинг самарадорлигини синаб кўрмоқчи бўлган.

Қозоғистон Соғлиқни сақлаш вазирлиги ҳеч қандай эпидемия йўқлигига ишонтирган. "Қозоғистонда менингит билан касалланиш ҳолати 58 та, улардан 32 таси Олма-Отада. Агар нисбий кўрсаткичларни ҳисобласак, БССТ стандартларига кўра, улар жуда паст", - деди вазирлика.

Коронавирус ҳам ўхшаш тарихга эга. Ҳокимият фитнани рад этди ва ваҳима тарқатмасликка чақирди.

Фаолиятнинг ёпиқ режими

Совет даврида Арманистон ССР Микробиология институти энг йирик микробиология маркази ҳисобланган. 90-йилларда институтнинг илмий ишланмаларига АҚШ ва Буюк Британия қизиқиш билдирди. Арманистонлик мутахассислар Ғарб мамлакатларида амалиёт ўташга таклиф этилган.

2000 йилларда америкаликлар мамлакатда бир нечта биологик лабораторияларни очишга ёрдам берди. Пулларни, Қозоғистонда бўлгани каби, Пентагон ажратган. Фақат Арманистон Касалликларни назорат қилиш ва профилактикаси Миллий марказининг ўзига модернизация қилишга ўн миллион доллар сарфланди.

Ереван, Гюмри, Ванадзор, Мартуни ва Ижеванда қурилган илмий марказлар Кавказ минтақасига хос бўлган вирус ва штаммларни ўрганадилар.

Лабораториялар Арманистон соғлиқни сақлаш тизимининг бир қисмидир, аммо АҚШ мудофаа вазирлигининг таҳдидларни камайтириш агентлиги бу ерга кириш ҳуқуқига эга. У ерда маҳаллий мутахассислардан ташқари, америкаликлар ҳам ишлайди.

Арманистондаги биолабораториялар ёпиқлилига Москва томонидан танқид билдиради. Шубҳаларни бартараф этиш учун ўтган йилнинг кузида бош вазир Никол Пашинян россиялик мутахассислар билан ҳамкорлик тўғрисида Меморандум имзолашга рози бўлди. Тафсилотларни келишиб олинди, аммо охиргига келиб Арманистон томони ушбу ҳужжатдан воз кечди.

Хавфли эпидемиология

2010-чи йилларда америкалик биологлар КХШТнинг яна бир аъзоси - Тожикистонга эътиборини қаратдилар. Улар юқумли касалликларнинг авж олишига олиб келиши мумкин бўлган ноқулай эпидемиологик вазиятдан хавотирда эдилар. Ғарбнинг бир нечта жамғармалари тадқиқот марказларини ташкил этиш учун маблағ ажратди.

Шундай қилиб, 2013 йилда Душанбе шаҳридаги Гастроэнтерология институти негизида биологик хавфсизлик лабораторияси очилди. Ушбу лойиҳа Хитой, Мьянма, Бангладеш ва Африкада шунга ўхшаш иншоотларни барпо этган Франциянинг Мерьё хайрия жамғармаси томонидан молиялаштирилди.

Одатда, французларга БМТ ва АҚШнинг USAID ҳалқаро ривожланиш бўйича агентлиги ёрдам берган. Инвестициялар уч миллион доллардан ошди.

2019 йилда Республика сил касаллигини назорат қилиш маркази негизида лаборатория ташкил этишди. USAID ва Пентагон ҳомий бўлди. Маҳаллий биологлар, чет эллик ҳамкасблари иштирокида Марказий Осиёга хос бўлган сил, безгак, гепатит ва ўлат каби касалликларни ўрганмоқдалар.

Ўтган йили Тожикистон шимолидаги Исфара шаҳрида яна бир иншоот очилди. У ҳақида маълумот оз, уни ҳам америкаликлар молиялаштирди.

" Марказий Осиёда коронавирусдан олдин ҳам эпидемиологик вазият яхши эмас эди. Минтақага гепатит, ўлат, сил касаллиги хосдир, шунинг учун янги биолаборатория зарур. Уларга маблағ керак. Чет эл ёрдамисиз эплай олмаймиз",- деб тушунтирди РИА Новости-га Душанбе шаҳридаги Сиёсий тадқиқотлар маркази директори Абдуғани Мамадазимов.

Тожик мутахассиси америкаликлар фаолиятида шубҳали нарсани кўрмайди. "Шунчаки улар доим биринчи бўлиб эътибор беради. Агар коронавирусдан кейин Россия, Хитой ёки ЕИ минтақага вирусларга қарши курашда фаол ёрдам бера бошласа, республика ҳукумати буни қўллаб-қувватлайди", - дейди эксперт.

Грузия патогени

Грузия КХШТга аъзо эмас, лекин Россия билан чегарадош ва Кавказда муҳим рол ўйнайди. Москва Ричард Лугар жамоат соғлиғини сақлаш тадқиқот марказидан хавотирда. Россия ҳукумати Тбилиси яқинидаги биолаборатория америкаликларнинг манфаатларини кўзлаб фаолият юритади деб ҳисоблайди.

Шубҳалар бекордан-бекор пайдо бўлмайди. 2018 йил сентябр ойида Грузия давлат хавфсизлиги собиқ вазири Игорь Гиоргадзе лабораторияда одамлар устидан эксперимент ўтказишлари мумкинлигини маълум қилиб Лугар марказида даволанаётган ўнлаб одамлар вафот этганлиги ҳақидаги ҳужжатларни тақдим этди. Шу билан бирга, у ерда Пентагоннинг буюртмаларини бажарадиган Американинг учта - CH2M Hill, Battelle ва Metabiota хусусий фирмалари биологлари ишлаган.

Гиоргадзе лабораторияда бактериологик ҳимоянинг юқори даражасида эканлигига эътибор қаратди. Бундан ташқари, марказда "зарарли моддалар сочиш ускуналари ва биологик фаол материал билан тўлдирилган ўқ-дорилар" мавжуд. "Мақсади жамиятни ҳимоя қилиш бўлган ташкилотга бу каби нарсаларни нима кераги бор?" - деб ҳайрон бўлди собиқ вазир.

Москвада буни эшитишди. ТИВнинг қуролларни тарқатмаслик ва назорат қилиш масалалари департаменти бошлиғи Владимир Ермаков Россия ўз чегаралари яқинида америка биологик тажрибаларига тоқат қилмаслигини маълум қилди.

Пентагонда Гиоргадзенинг айбловлари бемаънилик деб аталди. Тбилиси лабораторияни тинч ишланмалар билан шуғулланаётганига ва одамлар устида тажриба ўтказилиши ҳақида гап бўлмаганлигини таъкидлади. Грузия расмийлари Лугар марказига россиялик мутахассислар ташриф буюришига қарши эмас эди. Аммо бу режалар ўтган йилги икки мамлакат ўртасидаги муносабатлардаги инқироз туфайли барбод бўлди.

"Грузия ҳеч қачон физик-кимёвий биология соҳасидаги тадқиқотлар билан қизиқмаган. Ва ушбу лабораторияда ходимларнинг ҳимояси юқори биологик даражада эканлиги кўплаб саволларни келтириб чиқаради. Бу каби оғир патогенлар билан шуғулланиш нима учун керак?" - дейди РИА Новости билан суҳбатда биология фанлари доктори, Сибир федерал университети профессори Николай Сетков.

Вектор вирусология марказининг илмий ишлар бўйича бош директор ўринбосари Александр Агафоновнинг таъкидлашича "Лугар марказида биологик қуроллар ва уларни етказиб бериш воситаларини иўлаб чиқилиш тўғрисида тўғридан-тўғри маълумотлар ёпиқланган".

"Аммо CH2M Hill, Battelle ва Metabiota хусусий компанияларининг иштироки ва контракт мажбуриятлари тўғрисида маълумот, масалан, Сибир куйдиргиси, туляремия ва Қрим-Конго геморрагик безгаги вирусининг хавфли бактериялари бўйича тадқиқотлар - эътиборсиз қолмаслиги керак", - дея таъкидлайди мутахассис.

Агентлик томонидан сўралган экспертлар постсовет давлатлари ташқи ёрдамдан умид қилиб, эпидемиологик вазият устидан назоратни бой бериб қўйиши мумкин деган тўхтамга келишди. Ва бу ўта жиддий оқибатларга олиб келиши мумкин. Устига-устак, пандемия даврида ушбу лабораторияларга янада кўпроқ эҳтиёткорлик билан қарала бошланди, натижада ушбу тузилмаларни янада очиқроқ қилишга яхши асос бор.

843
Президент США Дональд Трамп

Трамп ижтимоий тармоқларни Twitterнинг аҳмоқлиги учун товон тўлашга мажбур қилади

129
Америка президенти ўзида сиёсий цензурани жорий қилганлиги учун ижтимоий тармоқларни тартибга солиш тўғрисида фармонга имзо чекди.

Трампнинг сабр-тоқатини йўқотган энг сўнгги томчи Twitter Оқ уй эгасининг иккита хабарига фойдаланувчиларга далилларни текширишга чақирувчи белги қўйгани, яъни уни ёлғончиликда айблагани бўлди.

Трамп ва унинг тарафдорларини бир неча штатлар расмийлари томонидан ноябр ойида бўлажак навбатдаги президент сайловлари доирасида почта орқали оммавий овоз беришни амалга ошириш бўйича олиб борилаётган ҳаракатлари ташвишга солмоқда. Ташвишга губернатор-демократларнинг алоҳида фаоллиги сабаб бўлмоқда. Масалан, Калифорния штати раҳбари Гэвин Ньюсом барча сайловчиларга бюллетенлар юборилишига кўрсатма берди. Республикачиларнинг фикрига кўра, бу уларнинг рақобатчиларини коронавирус эпидемиясига қарши туриш баҳонасида овоз бериш натижаларини ўзгартириш ниятини яширади.

Президентнинг твитлари айнан шунга бағишланган бўлиб, унда почта орқали овоз бериш сохталаштиришга олиб келишини айтилган, чунки "почта қутилари очилиб, қалбакилаштирилади ва ҳатто ноқонуний равишда чоп этилиб, имзоланади".

Twitter эса махсус саҳифани яратди, унга Трамп хабарлари остидаги эслатма орқали ўтса бўлади. Унда оммавий ахборот воситалари ва бошқа фойдаланувчиларнинг республикачиларнинг ташвишлари асоссиз ва даъволари ёлғон эканлигини таъкидланган твитлари жойлаштирилган. Хусусан, почта орқали овоз беришда минимал қонунбузарликларни аниқлаган тадқиқотлар натижалари келтирилган.

Бу ерда ҳақиқат ким томонда эканлигини жуда узоқ вақт муҳокама қилиш мумкин.

Бир томондан, Америка сайлов тизими ўзига хос хусусиятлар ва архаизмларга тўла, улар циник скептикларнинг фикрига кўра, сайловларни манипуляция ва қалбакилаштиришдан жуда ҳимоясиз қилади. АҚШдаги сайлов жараёни аввалиданоқ барча партияларнинг ҳалоллиги ва соф виждонлилигини назарда тутади. Айнан шунинг учун Россия учун шунчаки ҳайратланарли ҳолатлар мавжуд, масалан, шахсни тасдиқловчи ҳужжатсиз овоз бериш имконияти.

Бошқа томондан, Америка сайловларида, айниқса кенг кўламли сайловларда, қонунбузарликлар ва сохталаштиришлар камдан-кам ҳолларда қайд этилади. АҚШда сайлов жараёнининг ҳалоллиги давлат-сиёсий тизимнинг узоқ муддатли барқарорлиги ва мустаҳкам миллий консенсусга асосланади, деб тахмин қилиш мумкин.

Ва учинчидан, республикачиларнинг рақибларининг эҳтимолий товламачиликлари ҳусусида кучайган паранояси ва кескин сиёсий қарама-қаршилик,  халқнинг тарқоқлигини чуқурлашгани ва либералларнинг янги қаттиқ мағлубиятига дучор бўлиши шароитида джентельменлик келишувларига амал қилинишига шубҳа туғилишини тушунса бўлади.

Умуман олганда, ҳатто бундай максимал умумлаштиришда ҳам кўриниб турибди-ки, бу мавзу мунозарали ҳусусиятга эга ва бирон бир томоннинг яққол ҳақлиги тўғрисида гапиришнинг иложи йўқ: икала томоннинг ҳам ўз ваъжлари бор. Шундай қилиб, президентнинг ҳабарларига "Трамп ёлғон гапиряпти!" позицияси билан суқулиб олган Twitter, консерваторларнинг, уларнинг рақиблари Америка сиёсий ўйинининг асосий қоидаларига риоя қилишдан бош тортиши тўғрисида қўрқувини фақатгина кучайтирди.

Рўй берган ҳодиса табиий равишда Twitter-ни сўз эркинлигини бўғишда ва президент сайловларига аралашишда айблаган АҚШ раҳбарининг ғазабини қўзғатди. Энди эса у ижтимоий тармоқларни давлат томонидан тартибга солишни қатъийлаштириш бўйича таҳдидларини амалга оширишга тайёр.

Дарвоқе, Twitter-нинг ён босиш нияти йўқ. У Трампнинг твитлари "сайловчиларни овоз бериш ва сайлов жараёнида иштирок этиш учун нима қилиш кераклиги тўғрисида чалкаштириб юбориши мумкин" деб таъкидлаб, ўзининг ҳақлигини тасдиқлади.

Шу билан бирга, компания рақобатдош ҳамкасбларининг қўллаб-қувватлашини олмаганлиги муҳимдир. Facebook асосчиси Марк Цукерберг унинг ҳаракатларини қоралади ва ижтимоий тармоқлар интернет орқали одамларнинг шарҳларига ҳакам бўлмаслиги кераклигини таъкидлади.

Буни цензуранинг катта механизмини яратган, шу жумладан "фактларни текшириш бўйича мустақил экспертлар" га таяниб, ёлғон маълумотни ўз ичига олган постларни алоҳида белгилайдиган медиа-платформанинг раҳбаридан эшитиш жуда ҳайратланарли. Аммо бу Twitter-нинг Трамп билан муросасиз курашида жуда ҳаддидан ошириб юборганини тасдиқлайди ва бу Трамп учун ижтимоий тармоқларга нисбатан ҳаракат қилишга жиддий сабабдир. Цукербергнинг баёноти, ўз компаниясини президентнинг ғазабидан халос қилиш ва рақибига фақатгина ўзи ҳаракатлари учун жавоб бериш имкониятини тақди этиш истагига жуда ўхшайди.

Аслида, Twitter-нинг ғазабини тушунса бўлади.

Ҳатто Fox News каби консерватив оммавий ахборот воситаларининг таъсир имкониятлари тенглаша олмайдиган либерал медиа-манбаларнинг бирлашган гуруҳи бир неча йилдан бери улар ёқтирмайдиган президентга қарши чиқмоқда. Бироқ, Трамп ижтимоий платформалар орқали сайловчилар билан тўғридан-тўғри алоқада бўлиб, аввало айнан шу Twitter-ни ишлатади.

Аммо ижтимоий тармоқ билан курашиш учун бундай қўпол ва очиқчасига аҳмоқона "бизда имконият бор ва буни истаймиз, шунинг учун бизга мумкин" нуқтаи назаридан усул танланганлиги, 73 ёшли оқсоқол нима учун уларнинг-да майдонидаги прогрессив жамоатчилик устидан муваффақият билан ғалаба қозонаётганини тушунтиради.

129
В Джизахе подросток сбил насмерть 6-летнего мальчика

Машинани ўзбошимчалик ҳайдаган ўсмир 6 ёшли боланинг умрига зомин бўлди

36
Қаровсиз қолдирилган “Газ-69” машинани 15 ёшли С.Э. ўзбошимчалик билан ҳайдамоқчи бўлган. Уни юргазиб ўйнаб юрган 6 ёшли болакайни уриб юборган.

ТОШКЕНТ, 31 май — Sputnik. Жиззах вилоятида 6 ёшли бола йўл-транспорт ҳодисаси қурбони бўлди. Бу ҳақда ИИВ ЙҲХББ ахборот хизмати хабар бермоқда.

Қайд этилишича, 30 май куни Шароф Рашидов тумани, “Раваллиқ” МФЙ Гулшан кўчасидаги хонадонларнинг бирига стол ва стул олиб келган “Газ-69” ҳайдовчиси машинасини қаровсиз қолдирган.

Бирга келган унинг 15 ёшли таниши С.Э. автомобилни ўзбошимчалик билан ҳайдамоқчи бўлган. Уни юргазиб, шу уйнинг олдида ўйнаб юрган 6 ёшли Б.Х.ни уриб юборган.

Натижада Б.Х. оғир тан жароҳатлари олиб воқеа жойида вафот этган.

Мазкур ҳолат юзасидан Ўзбекистон ЖКнинг 266-модда 2-қисми билан жиноят иши қўзғатилган.

36